ସୋନପୁର ୨୪।୬ (ଆପ୍ର)-ଗଜେଇ ଚୋର ଚାଲାଣ କରୁଥିବା ଅଭିଯୋଗରେ ସୋନପୁର ଅବକାରୀ ବିଭାଗ ପକ୍ଷରୁ ୨ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ନୂଆପଡା ଜିଲ୍ଲା ଜଜ୍ଞ ଥାନା ଅର୍ନ୍ତଗତ ଖରିଆରରୋଡ ର ଲିଙ୍ଗ ସାହୁ(୪୨) ଏବଂ ବରଗଡ ଜିଲ୍ଲା ଝାରବନ୍ଧ ଥାନା ଅନ୍ତର୍ଗତ କୈଳାସପୁର ଗାଁର ଲମ୍ବଦୋର ଦଣ୍ଡସେନା(୩୮) । ଗଜେଇ ଚୋରାଚାଲାଣରେ ବ୍ୟବହୃତ ଏକ ନମ୍ବରବିହାନ କାର ସହ ୧୪୦କେଜି ଗଜେଇ ଏବଂ ୨ଟି ମୋବାଇଲ ଫୋନ ଅବକାରୀ ବିଭାଗ ପକ୍ଷରୁ ଜବତ କରାଯାଇଛି ।
ଅବକାରୀ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ ବୈଦ୍ଧ ଜିଲ୍ଲା ପଟରୁ ସୋନପୁର ପଟକୁ ଏକ କାର ରେ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ବିଶ୍ବସ୍ଵ ସୂତ୍ର ରୁ ଖବର ପାଇଁ ସୋନପୁର-ମନମୁଣ୍ଡା ରାସ୍ତାରେ ଅବକାରୀ ବିଭାଗ ପକ୍ଷରୁ ପାଟ୍ରୋଲିଂ ଜାରି ରହିଥିଲା । ତେବେ ଅଭିଯୁକ୍ତମାନେ କାରରେ ଗଞ୍ଜେଇ ଧରି ସକାଳୁ ବୈଦ୍ଧ ଜିଲ୍ଲା ପଟରୁ ମନମୁଣ୍ଡା ଦେଇ ସୋନପୁର ପଟକୁ ଆସୁଥିବା ବେଳେ ସ୍ଥାନୀୟ କୁଞ୍ଜ ଛକ୍ ରେ ଅବକାରୀ ବିଭାଗ ପକ୍ଷରୁ ଉଚ୍ଚ କାରୁ ସନ୍ଦେହରେ ଅଟକାଯାଇ ଯାଞ୍ଚ କରାଯାଇଥିଲା। ତେବେ କାରରେ ଗଞ୍ଜେଇ ଥିବା ଜଣାପଡିବା ପରେ ଅଭିଯୁକଙ୍କୁ ଗିରଫ କରାଯାଇ ସୋନପୁର ଅବକାରୀ କାର୍ଯ୍ୟାଳୟକୁ ଅଣାଯାଇଥିଲା । ସେଠାରେ ଅବଶ୍ୟକ ଯାଞ୍ଚ ପରେ ଅଭିଯୁକ୍ତ ଦ୍ୱାୟଙ୍କ ନାଁରେ ଏକ ମାମଳା ରୁଜୁ କରାଯାଇ ଉଭୟଙ୍କୁ କୋର୍ଟଚାଲାଣ କରାଯାଇଥିଲା । ଅବକାରୀ ଅଧିକ୍ଷକ ପ୍ରବାରକୁମାର ସାମଳଙ୍କ ନିର୍ଦ୍ଦେଶକ୍ରମେ ଇନ୍ସପେକ୍ଟର ପ୍ରକାଶକୁମାର ସା, ହରପ୍ରସାଦ ରଣା, ଏସଆଇ ସାନ୍ତାଳୁ କୁମାର ପଟ୍ଟନାୟକ, ଏଏସଆଇ ଲୋକନାଥ ବେହେରା, ପ୍ରଭାତ ସାହୁ, ଗଣେଶ ଭୁଏ. ସମିର ମିଶ୍ର ଏବଂ ଆକଶ କୁମାର ସବୁ ପ୍ରମୁଖ ଏହି ଚଢାଉରେ ସାମିଲ ଥିଲେ ।
