Vehicle Numerology: ନୂଆ ଗାଡ଼ି କିଣୁଛନ୍ତି କି ? ଭୁଲ୍‌ରେ ବି କରନ୍ତୁନି ଏହି ସବୁ ସାଧାରଣ ଭୁଲ୍

ଜୀବନରେ ଏକ ନୂଆ ଗାଡ଼ି କିଣିବା ପ୍ରତ୍ୟେକ ବ୍ୟକ୍ତିଙ୍କ ପାଇଁ ଏକ ବଡ଼ ସ୍ୱପ୍ନ ଏବଂ ସ୍ୱତନ୍ତ୍ର ମୁହୂର୍ତ୍ତ ହୋଇଥାଏ । ସେ କାର୍ ହେଉ କିମ୍ବା ବାଇକ୍, ଏହା ପଛରେ ଥାଏ ଅନେକ ବର୍ଷର କଠିନ ପରିଶ୍ରମ ଓ ସଞ୍ଚିତ ପୁଞ୍ଜି । ସାଧାରଣତଃ ଗାଡ଼ିଟିଏ କିଣିବା ପୂର୍ବରୁ ଆମେ ଏହାର ଦାମ୍, ମାଇଲେଜ୍, ରଙ୍ଗ ଏବଂ ଆଧୁନିକ ଫିଚର୍ସ ଉପରେ ଅଧିକ ଗୁରୁତ୍ୱ ଦେଇଥାଉ । ମାତ୍ର ଅଙ୍କ ଜ୍ୟୋତିଷ ବା ନିଉମେରୋଲୋଜି ଅନୁସାରେ, ଆପଣଙ୍କ ଗାଡ଼ିର ନମ୍ବର କେବଳ ଏକ ପରିଚୟ ନୁହେଁ, ବରଂ ଏହା ଆପଣଙ୍କ ଭାଗ୍ୟ, ସୁରକ୍ଷା ଏବଂ ସକାରାତ୍ମକ ଶକ୍ତି ସହିତ ସିଧାସଳଖ ଜଡ଼ିତ । ଯଦି ଆପଣ ମଧ୍ୟ ଏହି ଦିନମାନଙ୍କରେ ଏକ ନୂଆ ଗାଡ଼ି ଘରକୁ ଆଣିବାକୁ ଯୋଜନା କରୁଛନ୍ତି, ତେବେ ଅଙ୍କ ଜ୍ୟୋତିଷର କେତେକ ଗୁରୁତ୍ୱପୂର୍ଣ୍ଣ ନିୟମ ପ୍ରତି ଧ୍ୟାନ ଦେବା ଆବଶ୍ୟକ । ବିଶିଷ୍ଟ ବାସ୍ତୁଗୁରୁ ତଥା ନିଉମେରୋଲୋଜି ଏକ୍ସପର୍ଟ ମାନ୍ୟାଙ୍କ ଅନୁସାରେ, ଗାଡ଼ି କିଣିବା ସମୟରେ କରାଯାଇଥିବା ସାମାନ୍ୟ ଅସାବଧାନତା କିମ୍ବା ଭୁଲ୍ ନିଷ୍ପତ୍ତି ଆଗାମୀ ଦିନରେ ଆପଣଙ୍କ ପାଇଁ ବଡ଼ ସମସ୍ୟାର କାରଣ ସାଜିପାରେ । ଆସନ୍ତୁ ଜାଣିବା ନୂଆ ଗାଡ଼ି କିଣିବା ବେଳେ କେଉଁ ସବୁ ଭୁଲ୍‌ରେ ଦୂରେଇ ରହିବା ଉଚିତ୍ ଏବଂ କେଉଁ କଥା ପ୍ରତି ବିଶେଷ ସତର୍କତା ଅବଲମ୍ବନ କରିବା ଜରୁରୀ ।

୧. ଭୁଲ୍‌ରେ ବି ଏହି ବାର ଏବଂ ତାରିଖରେ ଗାଡ଼ି କିଣନ୍ତୁ ନାହିଁ

ଅଙ୍କ ଜ୍ୟୋତିଷ ଏବଂ ବାସ୍ତୁ ଶାସ୍ତ୍ର ଅନୁସାରେ, ନୂଆ ଗାଡ଼ି କିଣିବା ପାଇଁ ସବୁ ଦିନ ଶୁଭ ହୋଇନଥାଏ । ବିଶେଷ କରି ଶନିବାର ଦିନ ନୂଆ ଯାନବାହନ କିଣିବାକୁ ସମ୍ପୂର୍ଣ୍ଣ ବାରଣ କରାଯାଇଛି ।

ଶନିବାର କାହିଁକି ବର୍ଜ୍ୟ ?

ଶନିବାର ହେଉଛି କର୍ମ ଓ ନ୍ୟାୟର ଦେବତା ଶନିଦେବଙ୍କ ଦିନ । ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିବାର ଦିନ ଲୁହା କିମ୍ବା ଲୁହାରେ ତିଆରି ଜିନିଷ କିଣିବା ଅଶୁଭ ମାନନ୍ତି । ଯେହେତୁ ଗାଡ଼ିରେ ଲୁହାର ବ୍ୟବହାର ଅଧିକ ଥାଏ, ତେଣୁ ଏହି ଦିନ ଗାଡ଼ି କିଣିବା ଦ୍ୱାରା ଶନିଦେବଙ୍କ କୁଦୃଷ୍ଟି ପଡ଼ିବାର ଆଶଙ୍କା ଥାଏ ।

ଏହି ତାରିଖଗୁଡ଼ିକ ପ୍ରତି ରଖନ୍ତୁ ଧ୍ୟାନ: କେବଳ ବାର ନୁହେଁ, ମାସର କେତେକ ନିର୍ଦ୍ଦିଷ୍ଟ ତାରିଖ ମଧ୍ୟ ଗାଡ଼ି କିଣିବା ପାଇଁ ଅନୁକୂଳ ନୁହେଁ । ଯେକୌଣସି ମାସର ୮, ୧୭ ଏବଂ ୨୬ ତାରିଖରେ ନୂଆ ବାହନ କିଣିବା ଶୁଭ ହୋଇନଥାଏ । ଏହି ତାରିଖଗୁଡ଼ିକର ମୂଳ ଅଙ୍କ ହେଉଛି ୮, ଯାହା ଶନିଙ୍କୁ ପ୍ରତିନିଧିତ୍ୱ କରେ ।

୨. ଗାଡ଼ି ନମ୍ବରର ସମୁଦାୟ ଯୋଗଫଳ କେତେ ହେବା ଉଚିତ୍?

ଆପଣଙ୍କ ଗାଡ଼ିର ନମ୍ବର ପ୍ଲେଟ୍ରେ ଥିବା ସମସ୍ତ ସଂଖ୍ୟାର ମିଶ୍ରଣ ବା ଯୋଗଫଳ ଆପଣଙ୍କ ଭାଗ୍ୟ ନିର୍ଦ୍ଧାରଣ କରିବାରେ ପ୍ରମୁଖ ଭୂମିକା ଗ୍ରହଣ କରିଥାଏ ।

ଶୁଭ ଏବଂ ସଫଳତା ପ୍ରଦାନକାରୀ ଅଙ୍କ:

ଯଦି ଗାଡ଼ି ନମ୍ବରର ସମୁଦାୟ ଯୋଗଫଳ ୧, ୨, ୩, ୫ କିମ୍ବା ୬ ଆସୁଛି, ତେବେ ଏହାକୁ ଅତ୍ୟନ୍ତ ଶୁଭ ଏବଂ ଲାଭଦାୟକ ବୋଲି ଧରାଯାଏ । ଏହି ନମ୍ବର ବିଶିଷ୍ଟ ଗାଡ଼ି ମାଲିକଙ୍କ ଜୀବନରେ ସୁଖ, ସମୃଦ୍ଧି ଓ ସୁବିଧା ଆଣିଥାଏ ।

ଅଶୁଭ ବା ବିପଦପୂର୍ଣ୍ଣ ଅଙ୍କ:

ଅପରପକ୍ଷରେ, ଯଦି ଗାଡ଼ି ନମ୍ବରର ମୋଟ ଯୋଗଫଳ ୪, ୮ କିମ୍ବା ୯ ଆସୁଥାଏ, ତେବେ ତାହା ଜୀବନରେ ସମସ୍ୟା ଡାକି ଆଣିପାରେ ।

ଅଙ୍କ ୪ (ରାହୁଙ୍କ ନମ୍ବର): ଅଙ୍କ ଜ୍ୟୋତିଷରେ ୪ ଅଙ୍କକୁ 'ରାହୁ'ଙ୍କ ସହ ଯୋଡ଼ାଯାଇଛି । ଯେଉଁ ଗାଡ଼ିର ଯୋଗଫଳ ୪ ହୋଇଥାଏ, ସେଥିରେ ବାରମ୍ବାର ଯାନ୍ତ୍ରିକ ତ୍ରୁଟି ଦେଖାଦିଏ କିମ୍ବା ହଠାତ୍ ଦୁର୍ଘଟଣା ଘଟିବାର ଆଶଙ୍କା ଅଧିକ ଥାଏ ।

ଅଙ୍କ ୮ (ଶନିଙ୍କ ନମ୍ବର): ୮ ଅଙ୍କ ଶନିଙ୍କର ପ୍ରତୀକ । ଏହି ନମ୍ବର ବିଶିଷ୍ଟ ଗାଡ଼ି କିଣିବା ଦ୍ୱାରା କୋର୍ଟ-କଚେରୀ କିମ୍ବା ଗାଡ଼ି ଜନିତ ଆଇନଗତ ସମସ୍ୟା ବଢ଼ିଯାଏ ଏବଂ ଦୁର୍ଘଟଣାର ବିପଦ ମଧ୍ୟ ରହିଥାଏ ।

୩. ଆପଣଙ୍କ ପେଶା ବା ବ୍ୟବସାୟ ଅନୁସାରେ ବାଛନ୍ତୁ ଗାଡ଼ି ନମ୍ବର

ବାସ୍ତୁଗୁରୁ ମାନ୍ୟାଙ୍କ କହିବା ଅନୁସାରେ, ଯଦି ଆପଣ ନିଜର ଜୀବିକା ବା ପେଶା ଅନୁଯାୟୀ ଗାଡ଼ିର ନମ୍ବର ଚୟନ କରିବେ, ତେବେ ତାହା ଆପଣଙ୍କ କ୍ୟାରିୟରରେ ବଡ଼ ସଫଳତା ଆଣିଦେବ ।

ନୂଆ ଗାଡ଼ି କିଣିବା ସମୟରେ କେବଳ ବାହ୍ୟ ସୌନ୍ଦର୍ଯ୍ୟ କିମ୍ବା ବଜେଟ୍ ଉପରେ ନିର୍ଭର ନକରି, ଏହି ଛୋଟ ଛୋଟ ଅଙ୍କ ଜ୍ୟୋତିଷର ନିୟମଗୁଡ଼ିକୁ ପାଳନ କଲେ ଆପଣଙ୍କ ଯାତ୍ରା ସର୍ବଦା ଶୁଭ ଓ ମଙ୍ଗଳମୟ ହେବ ।

ଆହୁରି ପଢ଼ନ୍ତୁ... Today Horoscope : ଏହି ରାଶିର ବ୍ୟକ୍ତି ଆର୍ଥିକ ଠକାମିରେ ପଡ଼ିପାରନ୍ତି...