କଟକ,୧୯/୦୫: କାଠଯୋଡିରେ ୨ଯୁବ ଇଞ୍ଜିନିୟର ବୁଡିଯିବା ଘଟଣା । ନଦୀରୁ ଉଦ୍ଧାର ହେଲା ଦ୍ୱିତୀୟ ମୃତଦେହ । ଏନଡିଆରଏଫ ଟିମ୍ର ସର୍ଚ୍ଚ ଅପରେସନ ବେଳେ ଦ୍ୱିତୀୟ ମୃତଦେହ ଉଦ୍ଧାର ହୋଇଛି । ରବିବାର ଜଣେ ଯୁବ ଇଞ୍ଜିନିୟରଙ୍କ ମୃତଦେହ ଉଦ୍ଧାର ହୋଇଥିଲା । ଉଭୟ ଯୁବ ଇଞ୍ଜିନିୟର ମହାରାଷ୍ଟ୍ରର ହୋଇଥିବା ସୂଚନା ମିଳିଛି ।
ସୂଚନା ମୁତାବକ, ରବିବାର କଟକ ସିଡିଏ ସେକ୍ଟର ୧୧ ନିକଟ ବିରେନ ମିତ୍ର ପାର୍କ ପାଖରେ ଦୁଇ ଜଣ ଯୁବକ କାଠଯୋଡି ନଦୀକୁ ଗାଧୋଇବାକୁ ଯାଇ ବୁଡି ଯାଇଥିଲେ । ଘଟଣାରେ ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ଜଣେ ନିଖୋଜ ଥିଲେ । ମୃତ ଇଂଜିନିୟର ହେଲେ ଋଷିକେଶ ମାତାଲ । ରବିବାର ଋଷିକେଶ ମାତାଲଙ୍କ ମୃତଦେହ ଉଦ୍ଧାର ହୋଇଥିବା ବେଳ ସୋମବାର ଆଉ ଜଣଙ୍କ ମୃତଦେହ ଉଦ୍ଧାର ହୋଇଛି ।
କହିରଖୁ କି, ତେବେ ଦୁଇ ଯୁବକ ଏଲ୍ ଏଣ୍ଡ ଟି(L&T)କମ୍ପାନୀରେ ଇଞ୍ଜିନିୟରିଂ କର୍ମଚାରୀ ଭାବେ କାର୍ଯ୍ୟରତ ଥିଲେ । ଶନିବାର ଦିନ ପ୍ରାୟ ସାଢେ ୩ଟା ବେଳେ ଗାଧୋଇବା ପାଇଁ ଦୁହେଁ ସେଠାକୁ ଯାଇଥିଲେ । ଏକ ପଥର ବୁରୁଜ ତଳେ ପାଣିର ଗଣ୍ଡ ପାଖରେ ଗାଧୋଇବା ବେଳେ ବୁଡି ଯାଇଥିବା ସ୍ଥାନୀୟ ଲୋକ ସୂଚନା ଦେଇଛନ୍ତି । ସିଡିଏ ଫେଜ୍ ୨ ପୋଲିସ ଘଟଣା ସ୍ଥଳରେ ତଦନ୍ତ ଆରମ୍ଭ କରିଥିଲା।
