କରଞ୍ଜିଆ,୧୦/୦୮: ହାତୀ କରିଛନ୍ତି ରାସ୍ତାରୋକ । ୩୦ ଟିକିଆ ଝାଡ଼ଖଣ୍ଡି ହାତୀପଲ ରାସ୍ତାରେ ଉପରେ ରହିଥିବାରୁ ଯାତାୟାତରେ ବାଧାପ୍ରାପ୍ତ ହୋଇଛି । ମୟୂରଭଞ୍ଜ ଜିଲ୍ଲା କରଞ୍ଜିଆ ଚଢେଇଭୋଳ ନିକଟରେ ଦେଖିବାକୁ ମିଳିଛି ଏଭଳି ଦୃଶ୍ୟ ।
ସୂଚନା ମୁତାବକ, ପଡ଼ୋଶୀ ରାଜ୍ୟ ଝାଡ଼ଖଣ୍ଡରୁ ୩୦ ଟିକିଆ ହାତୀପଲ ଓଡ଼ିଶା ସୀମାକୁ ପ୍ରବେଶ କରିଛନ୍ତି । ଏହି ୩୦ ଟିକିଆ ହାତୀପଲ କରଞ୍ଜିଆରୁ ଚଢେଇଭୋଳ ରାସ୍ତାର ବଡ଼ଦେଉଳି ରାସ୍ତାରେ ଯାତାୟାତ କରୁଥିବାର ନଜର ଆସିଛି । ଯାହାଫଳରେ ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଏପିରିକି ସ୍ଥାନୀୟ ଅଞ୍ଚଳରେ ହାତୀପଲ ବ୍ୟାପକ ଧାନ ଫସଲ ନଷ୍ଟ କରିବା ସହ ଗାଁରେ କିଛି ଲୋକଙ୍କ ପାଚେରୀ ଭାଙ୍ଗିଥିବା ଜଣାପଡିଛି । ତେବେ ହାତୀପଲଙ୍କ ଉତ୍ପାତ ଲାଗି ବନବିଭାଗ ଲଗାତର ଭାବେ ଘଟଣା ଉପରେ ନଜର ରଖିଥିବା ସୂଚନା ଦେଇଛି ।
