ମାଲକାନଗିରି, ୨୮/୨ : ଯବାନଙ୍କୁ ଟାର୍ଗେଟ କରି ମାଓବାଦୀ ଖଞ୍ଜି ଥିବା ୫କେଜିର ଲ୍ୟାଣ୍ଡ ମାଇନ ଉଦ୍ଧାର କରାଯାଇ ଯବାନଙ୍କ ଦ୍ୱାରା ନିଷ୍କ୍ରିୟ କରାଯାଇଛି । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ରାଜ୍ୟର ସୁକୁମା କୋଣ୍ଡା ଥାନା ଅଞ୍ଚଳ ଅନୁର୍ଗତ କୋଣ୍ଡା-ଗୋଲ୍ଲାପାଲି ରାସ୍ତାର ବନ୍ଦା ଗ୍ରାମ ନିକଟରେ ସୁରକ୍ଷା ବାହିନୀକୁ କ୍ଷତି ପହଞ୍ଚାଇବା ପାଇଁ ନକ୍ସଲମାନେ ଖଞ୍ଜିଥିବା ୫ କେଜିର ଲ୍ୟାଣ୍ଡ ମାଇନକୁ ଘଟଣାସ୍ଥଳରୁ ଉଦ୍ଧାର କରି ଯବାନଙ୍କ ଦ୍ବାରା ନିଷ୍କ୍ରିୟ କରାଯାଇଛି।
ସିଆରପିଏଫ ୨୨୮ ବାଟାଲିୟନ ଏବଂ ଜିଲ୍ଲା ପୋଲିସର ଏକ ମିଳିତ ଦଳ ସର୍ଚ୍ଚ ଅପରେସନବେଳେ ଏହି ଲ୍ୟାଣ୍ଡ ମାଇନ ଜବତ ହୋଇଛି । ନେଇ କୋଣ୍ଡା ଥାନାରେ ଆଇନଗତ କାର୍ଯ୍ୟାନୁଷ୍ଠାନ ନିଆଯାଇଛି । ସୁରକ୍ଷା ବାହିନୀର ସତର୍କତା ଏବଂ ତତ୍ପର ପଦକ୍ଷେପ ଯୋଗୁଁ ଏକ ବଡ଼ ଦୁର୍ଘଟଣା ଟଳିଗଲା । ଯବାନଙ୍କ ଦ୍ବାରା ନକ୍ସଲଙ୍କ ମନ୍ଦ ଉଦ୍ଦେଶ୍ୟ ପଣ୍ଡ ହୋଇଯାଇଛି ।
