ଭୁବନେଶ୍ୱର, ୧୫/୦୫: ଗୁରୁବାର ସକାଳୁ ଧର୍ମଶାଳା ABDOଙ୍କ ଘରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ କରିଥିଲା ଭିଜିଲାନ୍ସ । ଏହି ଚଢାଉରେ ଅତିରିକ୍ତ ବ୍ଲକ୍ ଉନ୍ନୟନ ଅଧିକାରୀ ଅସିତ କୁମାର ପାତ୍ରଙ୍କ ଅମାପ ସମ୍ପତ୍ତି ଠାବ କରିଛି ଭିଜିଲାନ୍ସ ଟିମ୍ । ସେଗୁଡ଼ିକ ହେଲା ଯାଜପୁରର କହ୍ନେଇପୁର ଠାରେ ୬୦୦୦ ବର୍ଗଫୁଟ କ୍ଷେତ୍ରଫଳ ବିଶିଷ୍ଟ ଚାରି ମହଲା କୋଠା, କଟକର ଚାଉଳିଆଗଞ୍ଜର ମେଟ୍ରୋ ଆଭେନ୍ୟୁ ଆପାର୍ଟମେଣ୍ଟରେ ଚତୁର୍ଥ ମହଲାରେ ଥିବା ୧୦୦୦ ବର୍ଗଫୁଟର ଫ୍ଲାଟ୍, ୨୦୨୩-୨୪ ବର୍ଷରେ ଯାଜପୁର ରୋଡରେ ୪୦୦୦ ବର୍ଗଫୁଟରେ ନିର୍ମିତ ନୂତନ ଦ୍ୱିମହଲା କୋଠା, ଯାଜପୁରରେ ଥିବା ୨୦୦୦ ବର୍ଗଫୁଟର ତିନି ମହଲା କୋଠା, ଯାଜପୁର ରୋଡରେ ୩୦୦ ବର୍ଗଫୁଟର ୨ କୋଠରୀ ବିଶିଷ୍ଟ ଏକ ସପିଂ କମ୍ପ୍ଲେକ୍ସ, ଯାଜପୁର ରୋଡରେ ୪ଟି ଏବଂ ଦାନଗଦୀ ଟାଉନ୍ରେ ଗୋଟିଏ ପ୍ଲଟ୍ ଉଚ୍ଚ ମୂଲ୍ୟର ପ୍ଲଟ୍ ଠାବ କରିଛି ଭିଜିଲାନ୍ସ ଟିମ୍ ।
କେବଳ ସେତିକି ନୁହେଁ, ୨୦୦ ଗ୍ରାମ ଓଜନର ସୁନା ଅଳଙ୍କାର, ୧ଲକ୍ଷ ୮୫ ହଜାର ନଗଦ ଟଙ୍କା ସହ ୬୫ ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍ ମଧ୍ୟ ଠାବ କରାଯାଇଛି । ଏହା ସହ ୨ ଟି ଦୁଇ ଚକିଆ ଯାନ ମଧ୍ୟ ଭିଜିଲାନ୍ସ ଟିମ୍ ଏହି ଚଢାଉ ସମୟରେ ଠାବ କରିଛି ।
କହିରଖୁ କି, ଧର୍ମଶାଳା ABDOଙ୍କ ଘରେ ଗୁରୁବାର ସକାଳେ ଭିଜିଲାନ୍ସ ଚଢାଉ ହୋଇଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଧର୍ମଶାଳା ଅତିରିକ୍ତ ବ୍ଲକ୍ ଉନ୍ନୟନ ଅଧିକାରୀ ଅସିତ କୁମାର ପାତ୍ରଙ୍କ ଘରେ ଭିଜିଲାନ୍ସ ଟିମ୍ ଚଢାଉ କରୁଛି । ଯାଜପୁର ସମେତ ୭ଟି ସ୍ଥାନରେ ଏକକାଳୀନ ଚଢାଉ କରୁଛି ଭିଜିଲାନ୍ସ ଟିମ୍ । କଟକ ସ୍ପେସିଆଲ ଜଜ୍ଙ୍କ ଦ୍ୱାରା ୱାରେଣ୍ଟ ଜାରି ହେବା ପରେ ଏହି ଚଢାଉ କରାଯାଇଛି । ଏହି ରେଡ୍ରେ ୮ ଜଣ DSP, ୯ ଜଣ ଇନିସ୍ପେକ୍ଟରଙ୍କ ସମେତ ଅନ୍ୟ ଅଧିକାରୀ ସାମିଲ ହୋଇଛନ୍ତି ।
