ନୂଆଦିଲ୍ଲୀ: ଭାରତ ଏବଂ ଇଂଲଣ୍ଡ ମଧ୍ୟରେ ୫ ଟେଷ୍ଟ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଜାରି ରହିଛି । କିନ୍ତୁ ସିରିଜ୍ର ପ୍ରଥମ ଦୁଇଟି ମ୍ୟାଚ୍ରୁ ଷ୍ଟାର ବ୍ୟାଟର ବିରାଟ କୋହଲି ନିଜ ନାମ ପ୍ରତ୍ୟାହାର କରିନେଇଥିଲେ । ବ୍ୟକ୍ତଗତ କାରଣ ଯୋଗୁ କୋହଲି ଖେଳିପାରିବେ ନାହିଁ ବୋଲି ଜଣାପଡ଼ିଥିଲା । ଏବେ ତୃତୀୟ ଟେଷ୍ଟ ମ୍ୟାଚ୍ରେ କୋହଲି ଫେରିବେ କି ନାହିଁ ସସପେନ୍ସ ଜାରି ରହିଛି । ପ୍ରଥମେ ବିରାଟଙ୍କ ମା ଅସୁସ୍ଥ ଅଛନ୍ତି ବୋଲି କୁହାଯାଉଥିଲା । ହେଲେ ପରେ ବିରାଟ କୋହଲିଙ୍କ ଭାଇ ବିକାଶ ଏହି ଚର୍ଚ୍ଚାକୁ ଖଣ୍ଡନ କରିଥିଲେ । ତେବେ ଏଠାରେ ପ୍ରଶ୍ନ ଉଠିଥିଲା ଯେ, ବିରାଟ କୋହଲି କାହିଁକି ନିଜ ନାମ ପ୍ରତ୍ୟାହାର କରିଥିଲେ ।
ଏହା ଉପରେ ଏବେ ବଡ଼ ସୂଚନା ମିଳିଛି । ପ୍ରକୃତରେ ବିରାଟ କୋହଲି ଏବଂ ଅନୁଷ୍କା ଶର୍ମା ପୁଣି ଥରେ ବାପା-ମା ହେବାକୁ ଯାଉଛନ୍ତି । ଆଉ ଏହି ଖବର ଦେଇଛନ୍ତି ବିରାଟ କୋହଲିଙ୍କ ଖାସ ବନ୍ଧୁ ଏବି ଡିଭିଲିୟର୍ସ । ଏବି ନିଜ ୟୁଟ୍ୟୁବ ଚ୍ୟାନଲରେ କହିଛନ୍ତି ଯେ, ନିକଟରେ ବିରାଟଙ୍କ ସହ ତାଙ୍କ ଆଲୋଚନା ହୋଇଛି । ବିରାଟ କୋହଲି ନିଜ ଫ୍ୟାମିଲି ସହ ଅଛନ୍ତି । ଏହା ସହ ବିରାଟ କୋହଲି ଦ୍ବିତୀୟ ଥର ବାପା ହେବାକୁ ଯାଉଛନ୍ତି । ତେଣୁ ସେ ନିଜ ପରିବାର ସହ ସମୟ ବିତାଉଛନ୍ତି ବୋଲି ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ କହିଛନ୍ତି ।
AB De Villiers said, "Virat Kohli and Anushka Sharma are expecting their 2nd child, so Virat is spending time with his family". (AB YT). pic.twitter.com/qurRKnFK1q
— Virat Kohli Fan Club (@Trend_VKohli) February 3, 2024
ବିରାଟ କୋହଲି ଏବଂ ଅନୁଷ୍କା ଶର୍ମା ପ୍ରଥମ ଥର ୨୦୨୧ରେ ବାପା ମା ହୋଇଥିଲେ । ଅନୁଷ୍କା ଜଣେ କନ୍ୟା ସନ୍ତାନ ଜନ୍ମ ଦେଇଥିଲେ । ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ଝିଅଙ୍କ ନାମ ଭାମିକା । ଏବେ ଡିଭିଲିୟର୍ସଙ୍କ କଥାକୁ ବିଶ୍ବାସ କଲେ ଏହି ସେଲିବ୍ରିଟି କପଲ୍ ଆଉ ଏକ ସନ୍ତାନକୁ ସ୍ବାଗତ ପାଇଁ ପ୍ରସ୍ତୁତ ହେଉଛନ୍ତି ।
