ଫିରିଙ୍ଗିଆ,୨୦/୬ : ଜଣେ ଆଦିବାସୀ ଯୁବତୀଙ୍କୁ ପ୍ରେମ କରିବା ପରେ ବିବାହର ପ୍ରତିଶ୍ରୁତି ଦେଇ ବାରମ୍ବାର ତାଙ୍କ ସାଙ୍ଗରେ ଶାରୀରିକ ସମ୍ପର୍କ ରଖିବା ପରେ ଯୁବତୀ ଜଣକ ଅନ୍ତସତ୍ୱା ଥିବା ଜାଣି ସୁଦ୍ଧା ପ୍ରତାରଣା କରିବା ଅଭିଯୋଗରେ ଯୁବତୀ ଜଣକ ନ୍ୟାୟ ପାଇଁ ଥାନାରେ ଦ୍ୱାରସ୍ଥ ହୋଇଛନ୍ତି I ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଆଦିବାସୀ ବହୁଳ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଞ୍ଚଳରେ I ସେପଟେ ଯୁବତୀଙ୍କ ଅଭିଯୋଗ କ୍ରମେ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ପୋଲିସ କେଶ ନଂ ୧୪୪/୨୫ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି I 

ଯୁବତୀଙ୍କ ଅଭିଯୋଗ ଓ ପୋଲିସର ସୂଚନା ଅନୁସାରେ ଫିରିଙ୍ଗିଆ ଥାନା ସୁମେରବନ୍ଧ ପଞ୍ଚାୟତ ଅନ୍ତର୍ଗତ କଟାପଙ୍ଗା ଗାଁର ଯାଦୁନାଥ ସାହୁଙ୍କ ପୁଅ ଶିବରଞ୍ଜନ ପୀଡ଼ିତା ଯୁବତୀ ଜଣଙ୍କ ନାବାଳିକା ଥିବା ସମୟରେ ପ୍ରେମ କରିବା ସହ ବିବାହର ପ୍ରତିଶ୍ରୁତି ଦେଇଥିଲେ। ପରେ ବାରମ୍ବାର ତାଙ୍କ ସହ ଶାରୀରିକ ସମ୍ପର୍କ ରଖି ଆସୁଥିଲେ I ବର୍ତ୍ତମାନ ଯୁବତୀଙ୍କୁ ପ୍ରାୟ ପଚିଶ ବର୍ଷ ହୋଇଥିବାବେଳେ ଯୁବତୀଙ୍କ ଗର୍ଭ ୬ମାସ ହେବ I ଏହାସହ କିଛି ବର୍ଷ ପୂର୍ବେ ଏନ୍ୟ ଏକ ଯୁବତୀଙ୍କୁ ଯୁବକ ଜଣକ ବିବାହ କରିଥିବାବେଳେ ବର୍ତ୍ତମାନ ତାଙ୍କର ଏକ ସନ୍ତାନ ମଧ୍ୟ ରହିଛି I ଏହାପରେ ମଧ୍ୟ ସମ୍ପୃକ୍ତ ଯୁବକ ପୀଡ଼ିତା ଯୁବତୀଙ୍କ ପିଛା ଛାଡ଼ି ନ ଥିଲେ I ଜୋର ଜବରଦସ୍ତ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ I ଯାହାଦ୍ୱାରା ବର୍ତ୍ତମାନ ଯୁବତୀ ଜଣଙ୍କ ୬ ମାସର ଗର୍ଭବତୀ ଥିବା ଓ ନ୍ୟାୟ ପାଇଁ ଥାନାର ଦ୍ୱାରସ୍ଥ ହୋଇଛନ୍ତି ବୋଲି ଯୁବତୀ ଜଣଙ୍କ ଅଭିଯୋଗ କରିଛନ୍ତି I

ଅନ୍ୟପଟେ ଯୁବତୀ ଜଣଙ୍କ ବିବାହ ପାଇଁ ଯୁବକଙ୍କୁ କହିବାରୁ ଯୁବକ ଜଣଙ୍କ ପୀଡ଼ିତା ଯୁବତୀଙ୍କୁ ହତ୍ୟା ଧମକ ଦେଉଥିବା ମଧ୍ୟ ଯୁବତୀ ଜଣଙ୍କ ପ୍ରକାଶ କରିଛନ୍ତି I ତେବେ ଏହି ଘଟଣା ଉପରେ ତଦନ୍ତ କରି ନ୍ୟାୟ ଦେବା ପାଇଁ ପୋଲିସକୁ ନିବେଦନ କରିଛନ୍ତି ପୀଡିତା ଯୁବତୀ I