ପ୍ରମୂଖ ଖବର
  • ଫୁଲବାଣୀ : ନିଖୋଜ ବ୍ୟବସାୟୀଙ୍କ ଗଳିତ ମୃତଦେହ ଉଦ୍ଧାର, ହତ୍ୟା ଅଭିଯୋଗ
  • ||
  • କୋରାପୁଟ ଜିଲ୍ଲାପାଳଙ୍କ ଅଚାନକ କୋଟିଆ ଗସ୍ତ, ଏସ୍ ଏସ୍‌ ଡି ହାଇସ୍କୁଲ ପିଲାଙ୍କ ସହ କରିଲେ ଆଲୋଚନା
  • ||
  • ଗଞ୍ଜାମ : ସ୍କୁଲ ଗେଟ୍‌ରେ ପଡିଲା ତାଲା, ଶିକ୍ଷକଙ୍କ ବଦଳି ପ୍ରତିବାଦରେ ଧାରଣା
  • ||
  • କଟକ : ଗାଁ ଲୋକଙ୍କୁ ଖଣ୍ଡାରେ ଆକ୍ରମଣ ଉଦ୍ୟମ କଲେ ଯୁବକ, ଅଭିଯୁକ୍ତ ଗିରଫ
  • ||
  • ନୟାଗଡ଼ : ସ୍ତ୍ରୀ ଚରିତ୍ରକୁ ସନ୍ଦେହ କରି ସ୍ୱାମୀ ଫୋପାଡ଼ିଲା ବୋମା, ଜଣେ ଆହତ
  • ||
  • ଜାମିନ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହେଲେ ଅନିଲ-ହଂସିକା, ପୂର୍ବରୁ ଖାରଜ ହୋଇଥିଲା ଆବେଦନ
  • ||
  • ଭୌମ ଏକାଦଶୀ ପାଇଁ ଶ୍ରୀମନ୍ଦିରରେ ରତ୍ନଭଣ୍ଡାର ମରାମତି ବନ୍ଦ,୩ ମାସରେ କାମ ସାରିବ ଏଏସ୍‌ଆଇ
  • ||
  • ‘ସୁଭଦ୍ରା’ ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଟଙ୍କା, ଆଜି ଯାଜପୁରରୁ ସହାୟତା ରାଶି ବାଣ୍ଟିବେ ମୁଖ୍ୟମନ୍ତ୍ରୀ ମୋହନ ମାଝୀ
  • ||
  • କାହାର ହେବ ଦିଲ୍ଲୀ ? ଆପ୍ ମାରିବ ହ୍ୟାଟ୍ରିକ ନା ବାଜିମାରି ନେବ ବିଜେପି, ଆଜି ରେଜଲ୍ଟ
  • ||

ଆପାର୍ଟମେଣ୍ଟ୍‌ ବିକ୍ରି କଲେ ଅମିତାଭ ବଚ୍ଚନ, ୪ ବର୍ଷରେ ବଢିଲା ୧୬୮ ପ୍ରତିଶତ ମୂଲ୍ୟ, ଏତେ କୋଟି ଲାଭ କଲେ ବିଗ୍‌ ବି

Published By : Prameya | January 21, 2025 9:44 AM

ମୁମ୍ବାଇ ୨୧/୦୧: ବଲିଉଡ୍‌ ମହାନାୟକ ଅମିତାଭ ବଚ୍ଚନ ମୁମ୍ବାଇର ଓସିୱରାରେ ଥିବା ତାଙ୍କ ଡୁପ୍ଲେକ୍ସ ଆପାର୍ଟମେଣ୍ଟ ବିକ୍ରି କରିଛନ୍ତି। ଇନ୍‌ସ୍ପେକ୍ଟର୍‌ ଜେନେରାଲ୍‌ ଅଫ୍‌ ରେଜିଷ୍ଟ୍ରେସନ୍‌ (IGR)ର ୱେବସାଇଟ୍‌ରେ ପ୍ରକାଶ ପାଇଥିବା ରିପୋର୍ଟ ଅନୁଯାୟୀ, ଅଭିନେତା ଏହି ପ୍ରପର୍ଟି ୨୦୨୧ ମସିହାରେ ପ୍ରାୟ ୩୧ କୋଟି ଟଙ୍କାରେ କିଣିଥିଲେ। ତେବେ ୪ ବର୍ଷ ପରେ ଏହି ପ୍ରପର୍ଟିର ମୂଲ୍ୟ କେତେ ବଢିଛି ଏବଂ ଅମିତାଭ ଏହାକୁ କେତେ ଟଙ୍କାରେ ବିକ୍ରି କରିଛନ୍ତି ଆସନ୍ତୁ ଜାଣିବା।

ରିପୋର୍ଟ ଅନୁଯାୟୀ, ୪ ବର୍ଷରେ ଏହି ପ୍ରପର୍ଟିର ମୂଲ୍ୟ ୧୬୮ ପ୍ରତିଶତ ବଢିଛି। ଯେବେ ୨୦୨୧ରେ ଅମିତାଭ ଏହି ଆପାର୍ଟମେଣ୍ଟ କିଣିଥିଲେ ସେତେବେଳେ ସେ ଏହାକୁ ଅଭିନେତ୍ରୀ କ୍ରିତି ସାନନ୍‌ଙ୍କୁ ୧୦ ଲକ୍ଷ ଟଙ୍କାରେ ମାସିକ ଭଡାରେ ଦେଇଥିଲେ। ବର୍ତ୍ତମାନ ୪ ବର୍ଷ ପରେ ଅମିତାଭ ଏହି ଆପାର୍ଟମେଣ୍ଟ ପ୍ରାୟ ୮୩ କୋଟି ଟଙ୍କାରେ ବିକ୍ରି କରିଛନ୍ତି। ଏହି ବୁଝାମଣା ଜାନୁଆରୀ ୨୦୨୫ରେ ରେଜିଷ୍ଟର୍‌ ହୋଇଛି। ଏଥିରେ ୪.୯୮ କୋଟି ଟଙ୍କାର ଷ୍ଟାମ୍ପ୍‌ ଡ୍ୟୁଟି ଏବଂ ୩୦,୦୦୦ ଟଙ୍କାର ରେଜିଷ୍ଟ୍ରେସନ୍‌ ଫିସ୍‌ ଲାଗିଛି। ଅର୍ଥାତ୍‌ ଅମିତାଭ ପ୍ରପର୍ଟି ବିକ୍ରି କରି ପାଖାପାଖି ୫୨ କୋଟି ଟଙ୍କା ଲାଭ କରିଛନ୍ତି।

ତେବେ ଅମିତାଭଙ୍କ ଏହି ଡୁପ୍ଲେକ୍ସ ଆପାର୍ଟମେଣ୍ଟର କ୍ଷେତ୍ରଫଳ ପ୍ରାୟ ୫୨୯.୯୪ ବର୍ଗ ମିଟର ଏବଂ କାର୍ପେଟ୍‌ ଏରିଆ ପ୍ରାୟ ୫,୧୮୫.୬୨ ବର୍ଗ ମିଟର। ଏହା ସହିତ ଏକ ବଡ ଛାତ ଏବଂ ୬ ମେକାନାଇଜ୍ଡ କାର ପାର୍କିଂଗ୍ ପାଇଁ ସ୍ଥାନ ରହିଛି। ଏହି ପ୍ରପର୍ଟି ବ୍ୟତୀତ ବିଗ୍‌ ବିଙ୍କ ପାଖରେ ଅନ୍ଧେରୀ ୱେଷ୍ଟରେ ତିନୋଟି କମର୍ସିଆଲ୍‌ ପ୍ରପର୍ଟି ରହିଛି। ସେ ଏହାକୁ ପ୍ରାୟ ୬୦ କୋଟି ଟଙ୍କାରେ କିଣିଥିଲେ।   ଏହା ବ୍ୟତୀତ ୨୦୨୩ରେ ସେହି ବିଲ୍ଡିଂରେ ପାଖାପାଖି ୨୯ କୋଟି ଟଙ୍କାରେ ୪ ୟୁନିଟ୍ସ ବି କିଣିଥିଲେ।

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.