ପ୍ରମୂଖ ଖବର
  • ପଦରୁ ଇସ୍ତଫା ଦେଲେ ବିଷ୍ଣୁପଦ ସେଠୀ, ମୁଖ୍ୟ ଶାସନ ସଚିବଙ୍କୁ ଦେଲେ ପତ୍ର
  • ||
  • କଂଗ୍ରେସ ସଂକଳ୍ପ ସମାବେଶ ଯାତ୍ରା ବେଳେ ତଳେ ପଡିଗଲେ ପିସିସି ସଭାପତି ଭକ୍ତ ଦାସ
  • ||
  • ଖୁଡ଼ିର ପୁତୁରା ପାପ ସଂପର୍କ ବିରୋଧ କରିବା ପଡିଲା ମହଙ୍ଗା, ସ୍ବାମୀଙ୍କୁ ମାରିଦେଇଥିବା ଅଭିଯୋଗ
  • ||
  • IAS ବିଷ୍ଣୁପଦ ସେଠୀଙ୍କ ଘରେ ସିବିଆଇ ରେଡ୍, ବ୍ରିଜ୍ ଆଣ୍ଡ ରୁଫ୍ କମ୍ପାନୀ ଲିଙ୍କ୍‌କୁ ନେଇ ଖୋଳତାଡ଼
  • ||
  • ବାହାଘର ଭୋଜି ଖାଇବା ହେଲା କାଳ: ୩୦୦ ଅସୁସ୍ଥ, ୮୦ ଗୁରୁତର ବିଭିନ୍ନ ହସ୍‌ପିଟାଲରେ ଭର୍ତ୍ତି
  • ||
  • ଦେବଗଡ଼: ବିପଦରେ ଗଜରାଜ, ବିଦ୍ୟୁତ୍ ତାର ସଂସ୍ପର୍ଶରେ ଆସି ଦନ୍ତା ହାତୀ ମୃତ
  • ||
  • କୁଜଙ୍ଗ ବଜାର ନିକଟରେ ଓଲଟିଲା ମଦ ବୋଝେଇ ଟ୍ରକ୍ , ହେଲପର୍ ମୃତ, ଡ୍ରାଇଭର ଆହତ
  • ||
  • ପୁରୀ: ବୁଧବାର ଶ୍ରୀମନ୍ଦିରରେ ମହାପ୍ରଭୁଙ୍କ ବନକଲାଗି ନୀତି, ୫ ଘଣ୍ଟା ବନ୍ଦ ରହିବ ସର୍ବସାଧାରଣ ଦର୍ଶନ
  • ||
  • ଏଫ୍‌ଆଇଏଚ୍‌ ପ୍ରୋ ଲିଗ୍‌: ଆଜି ଜର୍ମାନୀକୁ ଭେଟିବ ପୁରୁଷ ଭାରତୀୟ ଦଳ, ମହିଳା ଟିମ୍ ସ୍ପେନ୍‌କୁ ଦେବ ଟକ୍କର
  • ||
  • ଜ୍ଞାନେଶ କୁମାର ମୁଖ୍ୟ ନିର୍ବାଚନ କମିଶନର, ବୁଧବାର ସମ୍ଭାଳିବେ ଦାୟିତ୍ବ, ଆଜି ଅବସର ନେବେ ରାଜୀବ କୁମାର
  • ||
  • ଖରା ପାଇଁ ଉଚ୍ଚଶିକ୍ଷା ବିଭାଗର ମାର୍ଗଦର୍ଶିକା, କଲେଜ ଓ ବିଶ୍ୱବିଦ୍ୟାଳୟରେ ସକାଳୁଆ ପଢ଼ା, ନିଷ୍ପତ୍ତି ନେବେ
  • ||
  • ଆଜିଠୁ ଯୁକ୍ତ ଦୁଇ ବୋର୍ଡ ପରୀକ୍ଷା: ୧୨୭୬ କେନ୍ଦ୍ରରେ ୩ ଲକ୍ଷ ୯୩ ହଜାର ପରୀକ୍ଷାର୍ଥୀ,କପି ରୋକିବ ୩୫ ସ୍କ୍ୱାଡ ଡିପୋ
  • ||

ଦିଲ୍ଲୀରେ ଭଡାଟିଆଙ୍କୁ ମିଳିବ ମାଗଣା ବିଜୁଳି-ପାଣି, ନିର୍ବାଚନ ପୂର୍ବରୁ କେଜ୍ରିଓ୍ବାଲଙ୍କ ବଡ଼ ଘୋଷଣା

Published By : Prameya | January 18, 2025 3:10 PM

ନୂଆଦିଲ୍ଲୀ,୧୮।୧: ଭଡ଼ାଟିଆଙ୍କ ପାଇଁ ଖୁସି ଖବର। ମିଳିବ ମାଗଣା ବିଜୁଳି ଓ ପାଣିର ସୁବିଧା। ଦିଲ୍ଲୀ ବିଧାନସଭା ନିର୍ବାଚନ ପୂର୍ବରୁ ଏଭଳି କିଛି ‌ବଡ଼ ଘୋଷଣା କରିଛନ୍ତି, ଆପ୍ ସୁପ୍ରିମୋ ଅରବିନ୍ଦ କେଜ୍ରିଓ୍ବାଲ। ସେ କହିଛନ୍ତି, ଏଥର ଯଦି ଆମ ସରକାର କ୍ଷମତାକୁ ପୁଣି ଆସେ ନିଶ୍ଚିତ ପକ୍ଷେ ଏହି ଯୋଜନା ଆଣିବୁ।

ଦିଲ୍ଲୀ ବିଧାନସଭା ନିର୍ବାଚନ ପାଇଁ ଅଫର ବର୍ଷା। ଆପ୍‌, କଂଗ୍ରେସ ଓ ବିଜେପି ସମସ୍ତେ ଦେଉଛନ୍ତି ନିର୍ବାଚନୀ  ପ୍ରତିଶୃତି। ଏବେ ଦିଲ୍ଲୀରେ ରହୁଥିବା ଭଡାଟିଆଙ୍କ ପାଇଁ ଆପ୍ କରିଛି ବଡ଼ ଘୋଷଣା। ଦଳ ସୁପ୍ରିମୋ ଅରବିନ୍ଦ କେଜ୍ରିଓ୍ବାଲ କହିଛନ୍ତି, ଦିଲ୍ଲୀରେ ଆମେ ପାଣି ଓ ବିଜୁଳି ଫ୍ରି କରିଦେଇଛୁ। ତେବେ ଦୁଃଖର କଥା  ଭଡାଟିଆଙ୍କୁ ଏହାର ଲାଭ ମିଳୁନି। ଏହାର ମଧ୍ୟ ବହୁ କାରଣ ରହିପାରେ। ମୋ ମତରେ ଭଡାଟିଆଙ୍କୁ ଏହାର ଲାଭ ମିଳିବା ଦରକାର। ବିଧାନସଭା ନିର୍ବାଚନ ପରେ ଆମେ ଏଭଳି ଯୋଜନା ଆଣିବୁ। ଫଳରେ ଭଟାଟିଆଙ୍କୁ ମିଳିବ ମାଗଣା ବିଜୁଳି ଓ ପାଣି ସୁବିଧା। 

କେଜ୍ରିଓ୍ବାଲ କହିଛନ୍ତି,ପୂର୍ବରୁ ଦିଲ୍ଲୀବାସୀଙ୍କୁ ୨୦୦ ୟୁନିଟ୍ ମାଗଣା ବିଜୁଳି ମିଳୁଛି। ସେଭଳି ୨୦୦ ରୁ ୪୦୦ ୟୁନିଟ୍ ପର୍ଯ୍ୟନ୍ତ ଅଧା ଚାର୍ଜ ଦେବାକୁ ପଡେ। ତେବେ ଦିଲ୍ଲୀରେ ଥିବା ଭଡାଟିଆଙ୍କୁ ଏହାର ଲାଭ ମିଳୁନି। ଦିଲ୍ଲୀରେ ଘରଭଡା ନେଉ ରହୁଥିବା ଲୋକଙ୍କ ପିଲା ସରକାରୀ ସ୍କୁଲରେ ପଢିବାର ଲାଭ ମିଳୁଛି। ମୋହଲ୍ଲା କ୍ଳିନିକ୍ ଓ ହସ୍ପିଟାଲରେ ମାଗଣା ଚିକିତ୍ସା ମିଳୁଛି। ଡିଟିସି ବସ୍‌ରେ ବି ଫ୍ରି ସେବା ଓ ବୟସ୍କଙ୍କୁ ତୀର୍ଥ ଯାତ୍ରାର ମଧ୍ୟ ଲାଭ ମିଳୁଛି। ତେବେ ଭଡାଟିଆଙ୍କୁ କାହିଁକି ମାଗଣା ବିଜୁଳି ଓ ପାଣିର ସୁବିଧା ମିଳିବନି ? ଏହି କଥାକୁ ଧ୍ୟାନରେ ରଖି ଆମ ସରକାର ଯୋଜନା ତିଆରି କରିଛନ୍ତି। ନିର୍ବାଚନ ପରେ ଆମ ସରକାର ପୁଣିଥରେ କ୍ଷମତାକୁ ଆସିବା ମାତ୍ରେ ଏହାକୁ ଲାଗୁ କରିବୁ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.