ନୂଆଦିଲ୍ଲୀ,୩୧/୦୫: ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ପୁତୁରା ତଥା ଟିଏମସି ସାଂସଦ ଅଭିଷେକ ବାନାର୍ଜୀଙ୍କ ଉପରେ ଆକ୍ରମଣ ଜାତୀୟ ସ୍ତରରେ ଦୃଷ୍ଟି ଆକର୍ଷଣ କରିଛି । ଶନିବାର ଅଭିଷେକଙ୍କ ଉପରେ ହୋଇଥିବା ଆକ୍ରମଣକୁ ସମସ୍ତ ବିରୋଧୀ ଦଳଙ୍କୁ ଭାରତୀୟ ଜନତା ପାର୍ଟି ବିରୋଧରେ ଏକାଠି କରିଥିଲା । ଯାହା ବର୍ତ୍ତମାନ ପର୍ଯ୍ୟନ୍ତ ଭାରତ ମେଣ୍ଟ ଭିତରେ ଏକ ଦୁର୍ବଳ ସ୍ଥିତିରେ ଥିଲା । ସେମାନଙ୍କ ମଧ୍ୟରେ ମତଭେଦ ମଧ୍ୟରେ ସ୍ଥିତି ଆହୁରି ଦୁର୍ବଳ ମନେ ହେଉଥିଲା । କିନ୍ତୁ ଅଭିଷେକ ବାନାର୍ଜୀଙ୍କ ଉପରେ ଆକ୍ରମଣ ସମସ୍ତ ଦଳକୁ ଏକାଠି କରିଛି । ଖୋଲାଖୋଲି ଭାବେ ବିଜେପିକୁ ଟାର୍ଗେଟ୍ କରିଛି ଇଣ୍ଡି ମେଣ୍ଟ । ଏହି ସମ୍ପୂର୍ଣ୍ଣ ଘଟଣାରୁ ଗୋଟିଏ କଥା ସ୍ପଷ୍ଟ, ଯଦିଓ ମମତା ବାନାର୍ଜୀ ବଙ୍ଗରେ କ୍ଷମତା ହରାଇଛନ୍ତି, ତଥାପି ମେଣ୍ଟ ଭିତରେ ତାଙ୍କର ପ୍ରତିଷ୍ଠା କମିନାହିଁ । ନୂଆ ନୂଆ କରି ରାଜ୍ୟରେ ସରକାର ଗଢିଥିବା ବିଜେପି ପାଇଁ ଏହି ପ୍ରସଙ୍ଗକୁ ବଡ଼ ମୁଦ୍ଦା କରିପାରେ ଇଣ୍ଡି ମେଣ୍ଟ । ସେପଟେ ଅଭିଷେକଙ୍କୁ ଆକ୍ରମଣ ଘଟଣାରେ ପୁଲିସ୍ ବଡ଼ ଆକ୍ସନ ନେଇ ୫ ଅଭିଯୁକ୍ତଙ୍କୁ ଗିରଫ କରିଛି । ପଚରାଉଚରା କରିବା ସହିତ ତଦନ୍ତକୁ ଜୋରଦାର କରିଛି ।
କଂଗ୍ରେସର ଆକ୍ରମଣ- ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀ ସୋସିଆଲ ମିଡିଆ ଏକ୍ସରେ ଅଭିଷେକ ବାନାର୍ଜୀଙ୍କୁ ସମର୍ଥନ କରି ବଙ୍ଗଳା ଏବଂ କେନ୍ଦ୍ରର ବିଜେପି ସରକାର ଟାର୍ଗେଟ କରିଛନ୍ତି । ସେ ସୋନାରପୁରରେ ଅଭିଷେକଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରିଛନ୍ତି । ସେ ଲେଖିଛନ୍ତି, ଜଣେ ସାସଂଦଙ୍କ ଉପରେ ଆକ୍ରମଣ କେବଳ ଜଣେ ବ୍ୟକ୍ତି ଉପରେ ଆକ୍ରମଣ ନୁହେଁ, ଏହା ସେମାନଙ୍କୁ ନିର୍ବାଚିତ କରିଥିଲା ଲୋକଙ୍କ ଉପରେ ଆକ୍ରମଣ । ଏହା ଆମର ମିଳିତ ଐତିହ୍ୟ, ଗଣତନ୍ତ୍ର ଉପରେ ଆକ୍ରମଣ । ଏହା ବିଜେପିର ପ୍ରତିଶୋଧର ରାଜନୀତିର ଏକ ଘୃଣ୍ୟ ରୂପ । ରାହୁଲଙ୍କ ବ୍ୟତୀୟ କଂଗ୍ରେସ ସଭାପତି ମଲ୍ଲିକାର୍ଜୁନ ଖାଡଗେ ମଧ୍ୟ ଟାର୍ଗେଟ କରି ଶୁଭେନ୍ଦୁ ସରକାର ଅଭିଷେକଙ୍କ ସୁରକ୍ଷାକୁ ଜାଣିଶୁଣି ବନ୍ଦ କରି ଦେଇଥିବା ଅଭିଯୋଗ କରିଛନ୍ତି । ସେ ଲେଖିଛନ୍ତି, ରାଜ୍ୟ ନିର୍ବାଚନ ପରବର୍ତ୍ତୀ ହିଂସାରେ ପ୍ରଭାବିତ ପରିବାକକୁ ଭେଟିବାକୁ ଯାଉଥିବା ସାଂସଦ ଅଭିଷେକ ବାନାର୍ଜୀଙ୍କ ଉପରେ ଆକ୍ରମଣ ନିନ୍ଦନୀୟ ମୁଁ ଏହାକୁ ଦୃଢ ନିନ୍ଦା କରୁଛି ।
ଏହା ବି ପଢନ୍ତୁ...Mamata Banerjee: 'ଅଭିଷେକଙ୍କୁ ଆଡ୍ମିଟ୍ କରନି'...ହସ୍ପିଟାଲକୁ ଧମକ ସହ ଡାକ୍ତରଙ୍କ ଉପରେ ଚାପ, ମମତାଙ୍କ ଦାବି
ସେହିପରି ଆପ୍ ନେତା ଅରବନ୍ଦ କେଜ୍ରିୱାଲ କହିଛନ୍ତି, '' ବିଜେପି ସରକାର ସମୟରେ ବଙ୍ଗଳାରେ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇଥିବାରୁ ଏହି ଘଟଣା ପାଇଁ ଦାୟୀ । ଅଭିଷେକ ବାନାର୍ଜୀଙ୍କ ଉପରକୁ ଆକ୍ରମଣର କଡ଼ା ନିନ୍ଦା କରୁଛି । ବିଜେପି ଯେଉଁଠାରେ କ୍ଷମତାକୁ ଆସେ ସେଠାରେ ଏମିତି ହୁଏ ।'' ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଘଟଣାକୁ ଘୃଣ୍ୟ ଷଡ଼ଯନ୍ତ୍ର ବୋଲି କହିଛନ୍ତି । ଅଭିଷେୟ ବାନାର୍ଜୀଙ୍କ ଉପରେ ହତ୍ୟାକାରୀ ଆକ୍ରମଣ କରି ଅରାଜକତାବାଦୀ ବିଜେପି ସରକାର ପ୍ରମାଣ କରିଛି ଯେ, ଘୃଣା ଏବଂ ହିଂସାର ରାଜନୀତି ଖେଳିବ ବ୍ୟତୀୟ ଆଉ କିଛି କରିପାରିବ ନାହିଁ ।''
କହି ରଖୁଛି କି, ଗତକାଲି ପଶ୍ଚିମବଙ୍ଗର ସୋନାରପୁର ଗସ୍ତ ସମୟରେ ତୃଣମୂଳ କଂଗ୍ରେସ (ଟିଏମ୍ସି) ସାଂସଦ ଅଭିଷେକ ବାନାର୍ଜାଙ୍କ ଉପରେ ଆକ୍ରମଣ ହୋଇଥିଲା । ସେଠାରେ ପହଞ୍ଚିବା ପରେ କିଛି ଲୋକ ତାଙ୍କ ଉପରକୁ ପଥର, ଅଣ୍ଡା ଏବଂ ଜୋତା ଫିଙ୍ଗିଥିଲେ । ତାଙ୍କ ସାର୍ଟକୁ ଚିରି ଦେଇଥିଲେ । 'ଚୋର ଚୋର', ନାରା ଦେଇଥିଲେ । ଏପରିକି କିଛି ଜଣ ତାଙ୍କୁ ଚାପୁଡା ମାରିବାକୁ ଉଦ୍ୟମ କରିଥିଲେ । ସୁରକ୍ଷାକର୍ମୀ ତାଙ୍କୁ ହେଲମେଟ୍ ପିନ୍ଧାଇ ସେଠାରୁ ବାହାର କରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
