କରଞ୍ଜିଆ,୬/୩ :  ପରିତ୍ୟକ୍ତ କୂଅ ଭିତରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ । ହାତ ଗୋଡ଼ ବନ୍ଧା ଆବସ୍ଥାରେ ଅଖାରେ ଭର୍ତ୍ତି ହୋଇଥିବା ମୃତଦେହ ଉଦ୍ଧାର । ଏଭଳି ଏକ ଅଭାବନୀୟ ଘଟଣା ଘଟିଛି ରରୁଆଁ ଥାନା ତେରଣ୍ଟି ଗାଁରେ । ହତ୍ୟା କରି ଅଖାରେ ପୁରାଇ କୂଅ ଭିତରକୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ରରୁଆଁ ଥାନା ତେରଣ୍ଟି ଗାଁରେ ଥିବା ମାଆ ତାରିଣୀ ଷ୍ଟିଲ ପ୍ଲାଣ୍ଟ ପଛପଟ କୂଅରୁ ମିଳିଲା ମୃତଦେହ । 

ଖବରପାଇ ଘଟଣାସ୍ଥଳରେ ସାଇଣ୍ଟୀଫିକ୍ ଟିମ୍ ଛାନ୍ ଭିନ୍ କରୁଥିବାବେଳେ ରରୁଆଁ ପୋଲିସ ମୃତଦେହକୁ ନେଇ ଅଧିକ ଖୋଳତାଡ଼ ଆରମ୍ଭ କରିଛି । ମୃତ ବ୍ୟକ୍ତିଙ୍କ ପରିଚୟ ମିଳିପାରିନାହିଁ । କେହି ଦୁର୍ବୃତ୍ତ ହତ୍ୟା କରି ଅଖାରେ ଭର୍ତ୍ତି କରିବା ପରେ କୂଅ ଭିତରକୁ ଫିଙ୍ଗି ଦେଇଥିବା ସନ୍ଦେହ କରୁଛି ପୋଲିସ୍ ।