କଟକ, ୨୯/୧ : ଚଳଚ୍ଚିତ୍ର ନିର୍ଦ୍ଦେଶକ ତଥା ଗୀତିକାର ବୃନ୍ଦାବନ ଜେନାଙ୍କ ପରଲୋକ । ୮୧ ବର୍ଷ ବୟସରେ ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ବାଟ ଅବାଟ, ଶାସ୍ତି ଓ ହରପାର୍ବତୀ ଭଳି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ବୃନ୍ଦାବନ। ମୋ ପ୍ରିୟାଠାରୁ କିଏ ଅଧିକ ସୁନ୍ଦର ଭଳି କାଳଜୟୀ ଗୀତ ରଚନା କରିଥିଲେ ବୃନ୍ଦାବନ । ଗେଲବସରର ଦିନ ସରିଗଲା ଭଳି ଗୀତ ମଧ୍ୟ ସେ ରଚନା କରିଥିଲେ ।
୩୦ରୁ ଅଧିକ ଚଳଚ୍ଚିତ୍ରରେ ଗୀତ ରଚନା କରି ପୁରସ୍କୃତ ହୋଇଥିଲେ ବୃନ୍ଦାବନ । ଗୀତିକାର ଭାବେ ଘର ସଂସାର, ଧରିତ୍ରୀ, ସିନ୍ଦୁର ବିନ୍ଦୁ ଭଳି ଚଳଚ୍ଚିତ୍ରରେ ମଧ୍ୟ ବୃନ୍ଦାବନ କାମ କରିଥିଲେ ।
୨୦୦୮ରେ ସେ ଓଡ଼ିଶା ସାହିତ୍ୟ ଏକାଡେମୀ, ୨୦୦୫ରେ ଓଡ଼ିଶା ସଙ୍ଗୀତ ନାଟକ ଏକାଡେମୀ , ୨୦୦୬ରେ ଓଡ଼ିଆ ଗୀତିକବି ସମ୍ମାନ, ୨୦୧୧ରେ ସମ୍ମାନଜନକ ଫକୀରମୋହନ ଗୀତିଶ୍ରୀ ସମ୍ମାନ, ୨୦୧୫ରେ ଉତ୍କଳ ସାହିତ୍ୟ ସମାଜ ପକ୍ଷରୁ ପ୍ରଦତ୍ତ ଗୀତିକବି ସମ୍ମାନରେ ସମ୍ମାନରେ ସମ୍ମାନୀତ ହୋଇଥିଲେ ।
