ନୂଆଦିଲ୍ଲୀ,୨୮।୩: ଲୋକସଭା ନିର୍ବାଚନ ୨୦୨୪ ପୂର୍ବରୁ ନାଗାଲାଣ୍ଡର ବିଭିନ୍ନ ଜିଲ୍ଲାରେ ବଢିଲା ବଢିଲା ସଶସ୍ତ୍ର ବାହିନୀକୁ ଦିଆଯାଇଥିବା ସ୍ୱତନ୍ତ୍ର କ୍ଷମତା ବା AFSPA । ଆଉ ୬ ମାସ ପର୍ଯ୍ୟନ୍ତ ଏହି ସ୍ୱତନ୍ତ୍ର କ୍ଷମତାକୁ ବୃଦ୍ଧି କରିଛନ୍ତି ସରକାର। ସୂଚନା ଅନୁସାରେ, କେନ୍ଦ୍ର ସରକାର ନାଗାଲାଣ୍ଡର ବିଭିନ୍ନ ଜିଲ୍ଲା ପାଇଁ ଏହି ନିୟମକୁ ବୃଦ୍ଧି କରିଛନ୍ତି। ରାଜ୍ୟର ୮ ଜିଲ୍ଲା ଓ ୫ ଜିଲ୍ଲାର ୨୦ଟି ପୁଲିସ ଷ୍ଟେସନ ଅଞ୍ଚଳରେ AFSPA ବୃଦ୍ଧି କରାଯାଇଛି। ଏହି ସବୁ ସ୍ଥାନକୁ ଅଶାନ୍ତ ଅଞ୍ଚଳ ଭାବେ ଘୋଷଣା କରି AFSPA ବଢାଇଛନ୍ତି ସରକାର। ଗୃହ ମନ୍ତ୍ରଣାଳୟ ବୁଧବାର ଅର୍ଥାତ ୨୭ ମାର୍ଚ୍ଚରେ ଏକ ବିଜ୍ଞପ୍ତି ଜାର କରି ରାଜ୍ୟରେ ୩୦ ସେପ୍ଟେମ୍ବର ୨୦୨୪ ପର୍ଯ୍ୟନ୍ତ ଆଇନ ଲାଗୁ କରିବାର ଘୋଷଣା କରିଛନ୍ତି।
କେନ୍ଦ୍ର ସରକାରଙ୍କ ମତରେ, ନାଗାଲାଣ୍ଡର କିଛି ଅଞ୍ଚଳରେ ଏବେ ବି ଅଶାନ୍ତି ରହିଛି ଓ ସ୍ଥିତି ବିପଦଜନକ ଅଛି। ଏଭଳି ସ୍ଥିତିର ମୁକାବିଲା ଓ ନାଗରିକଙ୍କ ସହାୟତା ପାଇଁ ସ୍ବତନ୍ତ୍ର ସେନାର ବ୍ୟବହାର କରାଯିବା ଜରୁରୀ। ଗୃହମନ୍ତ୍ରଣାଳୟର ବିଜ୍ଞପ୍ତି ଅନୁସାରେ, ୧ ଅପ୍ରେଲରୁ ୩୦ ସେପ୍ଟେମ୍ବର ପର୍ଯ୍ୟନ୍ତ କୋହିମା ଜିଲ୍ଲାର ଖୁଜମା, କୋହିମା ଉତ୍ତର, କୋହିମା ଦକ୍ଷିଣ, ଜୁବଜା ଓ କେଜୋଚ୍ ପୋଲିସ ଷ୍ଟେସନ୍ର ଅଧିକାରୀକ ଧେତୟରେ ଆସୁଥିବା ଅଞ୍ଚଳ ସହିତ ମୋକୋକଚୁଙ୍ଗ ଜିଲ୍ଲାର ମଙ୍ଗକୋଲେମ୍ବୋ, ମୋକେକଚୁଙ୍ଗ-୧, ଲୋଙ୍ଗଥୋ, ତୁଳି, ଲୋଙ୍ଗକେମ୍ ଓ ଅନାକି ‘ସି’ ପୋଲିସ ଷ୍ଟେସନ୍ ଲୋଙ୍ଗଲେଙ୍ଗ ଜିଲ୍ଲାରେ ଥିବା ୟାଙ୍ଗଲୋକ୍ ପୋଲିସ ଷ୍ଟେସନ୍, ଭୋଖା ଜିଲ୍ଲାର ଭଣ୍ଡାରୀ, ଚମ୍ପାଙ୍ଗ ଓ ରାଲନ୍ ପୋଲିସ ଷ୍ଟେସନ୍ ଘଟାଶି, ପୁଘୋବୋଟୋ, ସତାଖା, ଜୁନହ୍ନେବୋଟୋ ଜିଲ୍ଲାରେ ଥିବା ସୁରୁହୁତେ, ଜୁନହେବୋଟୋ ଓ ଅଧୁନାତୋ ପୋଲିସ ଷ୍ଟେସନ୍ ଅଞ୍ଚଳରେ ଆଇନ ବୈଧ ରହିବ।
ଉଲ୍ଲେଖନୀୟ ଯେ, AFSPA ଆଇନକୁ ହଟାଇବାକୁ ନେଇ ପୂର୍ବତ୍ତୋର ରାଜ୍ୟରେ ବ୍ୟାପକ ପ୍ରଦର୍ଶନ ମଧ୍ୟ ସମୟ ସମୟରେ ଦେଖିବାକୁ ମିଳୁଛି। ଏହି ଆଇନ ଅନୁସାରେ, ସୁରକ୍ଷାବଳଙ୍କୁ ଯେ କୌଣସି ସ୍ଥାନରେ ଅଭିଯାନ ଚଳାଇବା ଓ କାହାକୁ ବିନା କୌଣସି ସୂଚନାରେ ଗିରଫ କରିବାର ଶକ୍ତି ରହିଛି।
