ଭୁବନେଶ୍ୱର,୨୮/୧୦: ପାର ଖାଇବା ଲୋଭରେ ଜାଲିରେ ଫସି ନାଗ ସାପ ବେଶ୍ କଲବଲ ହୋଇଛି । ତାକୁ ସ୍ନେକ୍ ହେଲ୍ପ ଲାଇନ୍ ପକ୍ଷରୁ ଉଦ୍ଧାର କରାଯାଇ ପ୍ରାକୃତିକ ପରିବେଶ ମଧ୍ୟରେ ଛାଡ଼ି ଦିଆଯାଇଛି । ଏଭଳି ଘଟଣା ଦେଖିବାକୁ ମିଳିଛି ଭୁବନେଶ୍ୱର ଉପକଣ୍ଠ ବାଳକାଟି ଅଞ୍ଚଳରେ ।
ଘଟଣାରୁ ଜଣାଯାଇଛି, ବାଳକାଟି ନିକଟସ୍ଥ ଗଡ଼ ଶ୍ରୀରାମପୁର ଗ୍ରାମର ଚିନ୍ମୟ ପାତ୍ର ଘରେ ବିଭିନ୍ନ ରଙ୍ଗର ପାରା ପୋଷିଛନ୍ତି । ସେମାନଙ୍କ ପାଇଁ ଏକ ଜାଲି ଘର କରିଛନ୍ତି । ଆଜି ମଧ୍ୟାହ୍ନରେ ତାଙ୍କ ପୁଅ ପାରାମାନଙ୍କୁ ଦାନା ଦେବାକୁ ଯିବାବେଳେ ଏକ ୪ ଫୁଟ ଲମ୍ବର ନାଗ ସାପ ଜାଲିରେ ଫସି ଓହଳି ରହିଛି । ସେ ସେଠାରୁ ଆସି ସ୍ନେକ୍ ହେଲ୍ପ ଲାଇନ୍କୁ ଖବର ଦେଇଥିଲେ । ସ୍ନେକ୍ ହେଲ୍ପ ଲାଇନ ସଦସ୍ୟ ବିରଞ୍ଚି ନାରାୟଣ ଆଚାର୍ଯ୍ୟ ପହଞ୍ଚି ନାଗ ସାପକୁ ଉଦ୍ଧାର କରିଥିଲେ । ପରେ ଶ୍ରୀ ଆଚାର୍ଯ୍ୟ ତାକୁ ଉକ୍ତ ଗାଁ ଠାରୁ ଦୂର ପ୍ରାକୃତିକ ପରିବେଶ ମଧ୍ୟରେ ଛାଡ଼ି ଦେଇଛନ୍ତି ।
