ନୂଆଦିଲ୍ଲୀ, ୨୫/୧ : ବିଷ ବଳୟରେ ରାଜଧାନୀ ଦିଲ୍ଲୀ । ଦିନକୁ ଦିନ ବାୟୂର ଗୁଣବତ୍ତା ଖରାପ ହେବାରେ ଲାଗିଥିବାବେଳେ ଏହାକୁ ନେଇ ଚିନ୍ତ୍ର ପ୍ରକଟ କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧି । ସେ କହିଛନ୍ତି କି, ଆମେ ବାୟୂ ପ୍ରଦୂଷଣକୁ ନେଇ ବହୁ ଅସୁବିଧାର ସମ୍ମୁଖୀନ ହେଉଛେ । ଯାହା ଆମର ସ୍ବାସ୍ଥ୍ୟ ଏବଂ ଅର୍ଥନୀତି ଉପରେ ପ୍ରଭାବ ପକାଉଛି । ପିଲାଙ୍କଠାରୁ ବୟସ୍କ ଲକ୍ଷ ଲକ୍ଷ ଲୋକ ପ୍ରତିଦିନ କଷ୍ଟ ଜୀବନ ବିତାଉଛନ୍ତି । ବିଶେଷ କରି ଦିନ ମଜୁରିଆ ଏବଂ ଶ୍ରମିକଙ୍କ ଜୀବିକା ଉପରେ ବିଶେଷ ଭାବେ ପ୍ରଭାବ ପକାଉଛି । ଶୀତ ଋତୁରେ ଏଭଳି ସଙ୍କଟ ଦେଇ ଆମେ ଗତି କରୁଥିବାବେଳେ ଏହା ବିପକ୍ଷରେ ସ୍ବର ଉଠାଇବା ଜରୁରୀ । ଏଣୁ ଆପଣମାନେ ସମସ୍ତେ ଏହା ବିରୋଧରେ ସ୍ବର ଉଠାଇବା ନିହାତି ଦରକାର । ତେବେ ରାହୁଲ ନିଜର ଏକ୍ସରେ ପୋଷ୍ଟ କରି ସମାଲୋଚନା କରୁଥିବାବେଳେ ୟୁଜର୍ସମାନେ ବିଭିନ୍ନ କମେଣ୍ଟମାନ ଦେଉଛନ୍ତି ।

 

ସେପଟେ ୧୦୦ ଦିନ ପରେ ଦିଲ୍ଲୀରେ ବାୟୂର ଗୁଣବତ୍ତାରେ ଉନ୍ନତ ହୋଇଛି । ଶୁକ୍ରବାର ଦିଲ୍ଲୀ ଏନସିଆରରେ ପ୍ରବଳ ବର୍ଷା ପରେ ଟିକେ ଆଶ୍ବସ୍ତିତ ମିଳିଛି । ଶନିବାର, AQI ୨୪୨ ରୁ ୨୫୬ ମଧ୍ୟରେ ରେକର୍ଡ କରାଯାଇଥିଲା, ଯେତେବେଳେ ଅପରାହ୍ନ ସୁଦ୍ଧା ଏହା ପ୍ରାୟ ୧୯୦ ଥିଲା । ଏହାସ ରବିବାର ଅପରାହ୍ନରେ, ଦିଲ୍ଲୀର AQI ୧୫୫ ରେକର୍ଡ କରାଯାଇଛି ।

ଏହାସହ ପଢ଼ନ୍ତୁ : ଚାଷୀ ସମସ୍ୟା ଓ ବିପର୍ଯ୍ୟସ୍ତ ଆଇନ ଶୃଙ୍ଖଳା ପ୍ରସଙ୍ଗ : ବିଜେଡି କରିବ ଆନ୍ଦୋଳନ