କଣ୍ଟାବାଞ୍ଜି,୨୦/୬(ଆପ୍ର): ଶୁକ୍ରବାର ସନ୍ଧ୍ୟା ସମୟରେ କଣ୍ଟାବାଞ୍ଜି ନିର୍ବାଚନ ମଣ୍ଡଳ କଂଗ୍ରେସ ପକ୍ଷରୁ ପୂର୍ବତନ ବିଧାୟକ ତଥା ପ୍ରଦେଶ କଂଗ୍ରେସ କମିଟି ଉପସଭାପତି ସନ୍ତୋଷ ସିଂ ସାଲୁଜାଙ୍କ ନେତୃତ୍ଵରେ ସମ୍ବିଧାନ ବଞ୍ଚାଅ ରାଲି ଆୟୋଜିତ ହୋଇଥିଲା।
ଏଥିରେ କଂଗ୍ରେସ ବିଧାୟକ ଦଳର ନେତା ରାମଚନ୍ଦ୍ର କାଡମ ମୂଖ୍ୟ ଅତିଥି ଭାବେ ଯୋଗ ଦେଇଥିଲେ। ସ୍ଥାନିୟ କଂଗ୍ରେସ ଅଫିସରୁ ସହର ମୂଖ୍ୟ ରାସ୍ତା ଦେଇ ଏକ ରାଲି ବାହାରିଥିଲ। ପରେ ଇନ୍ଦିରା ଛକ ଠାରେ ପ୍ରତିବାଦ ସଭା ଅନୁଷ୍ଠିତ ହେଇଥିଲା। ପ୍ରତିବାଦ ସଭାରେ ବିଜେପିକୁ ନିନ୍ଦା କରିଥିଲା କଂଗ୍ରେସ ।
ଜାତି ଭିତ୍ତିକ ଗଣନା ସହ ନିର୍ବାଚନ ସମୟରେ ଦେଇଥିବା ପ୍ରତିଶ୍ରୁତି ପାଳନ କରୁନଥିବା ନେଇ କଂଗ୍ରେସ ବିଜେପିକୁ ଟାର୍ଗେଟ କରିଥଲା। ଅନ୍ୟ ପକ୍ଷରେ କେନ୍ଦ୍ର ସରକାର ୧୧ ବର୍ଷ ଏବଂ ରାଜ୍ୟ ସରକାର ୧ ବର୍ଷ ପୂରଣ ଉତ୍ସବ ପାଳନ କରୁଥିବା ବେଳେ ଶାସନରେ ବିଫଳ ବୋଲି କଂଗ୍ରେସ ନେତା ନିଜ ମନ୍ତବ୍ୟ ରଖିଥିଲେ ।
