ନୂଆଦିଲ୍ଲୀ,୧୦।୬: ଭାରତରେ ବର୍ତ୍ତମାନ କୋଭିଡ୍ ମାମଲା ବୃଦ୍ଧି ପାଇବାରେ ଲାଗିଛି। ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଆଜି (ମଙ୍ଗଳବାର) ପ୍ରକାଶିତ ତଥ୍ୟ ଅନୁଯାୟୀ, ୩୨୪ଟି ନୂତନ ମାମଲା ମିଳିବା କାରଣରୁ ଭାରତରେ କରୋନା ଆକ୍ଟିଭ ମାମଲା ୬୮୧୫କୁ ବୃଦ୍ଧି ପାଇଛି। ଏହା ସହିତ, ତିନୋଟି ରାଜ୍ୟ - ଦିଲ୍ଲୀ, ଝାଡ଼ଖଣ୍ଡ ଏବଂ କେରଳରେ ମଧ୍ୟ ୩ ଜଣଙ୍କର ମୃତ୍ୟୁ ଘଟିଛି। ଓମିକ୍ରନର ସବ-ଭାରିଆଣ୍ଟ JN.1 ବ୍ୟତୀତ, ଭାରତରେ ଅନ୍ୟାନ୍ୟ ନୂତନ ଭାରିଆଣ୍ଟ ମଧ୍ୟ ଅଛି, ଯାହା ସଂକ୍ରମଣ ବୃଦ୍ଧି କରୁଛି। ଇଣ୍ଡିଆନ୍ SARS-CoV-2 ଜେନୋମିକ୍ସ କନ୍ସୋର୍ଟିୟମ୍ (INSACOG) ଅନୁଯାୟୀ, ଭାରତରେ ଏପର୍ଯ୍ୟନ୍ତ ନୂତନ ଭାବରେ ଦେଖାଯାଉଥିବା XFG ପ୍ରକାରର ୧୬୩ ଟି ମାମଲା ଚିହ୍ନଟ ହୋଇଛି। ଏହି ଭାରିଆଣ୍ଟ କେତେ ବିପଦଜନକ ହୋଇପାରେ ଏ ବିଷୟରେ ଜାଣିବା ଜରୁରୀ। ଫଳରେ, ଏହାର ଗମ୍ଭୀରତାକୁ ବୁଝିବା ପାରିବ।
ଦି ଲାନସେଟ୍ ଜର୍ଣ୍ଣାଲ୍ ଅନୁଯାୟୀ, XFG ଭାରିଆଣ୍ଟଟି ଓମିକ୍ରନ୍ ସବ୍-ଭାରିଆଣ୍ଟର ବଂଶଧର, ଯାହାକୁ ପ୍ରଥମେ କାନାଡାରେ ଚିହ୍ନଟ କରାଯାଇଥିଲା। LF.7 ଏବଂ LP.8.1.2 ରୁ ଉତ୍ପନ୍ନ ହୋଇଥିବା XFG ଭାରିଆଣ୍ଟ ଚାରୋଟି ମୁଖ୍ୟ ସ୍ପାଇକ୍ ମ୍ୟୁଟେସନ୍ ଅଛି (His445Arg, Asn487Asp, Gln493Glu, ଏବଂ Thr572Ile)। ଗବେଷଣା କହୁଛି ଯେ ଏହା ସାରା ବିଶ୍ୱରେ ଦ୍ରୁତ ଗତିରେ ବ୍ୟାପିଛି। XFG ଭାରିଆଣ୍ଟର ଶକ୍ତିଶାଳୀ ରୋଗ ପ୍ରତିରୋଧକ ଶକ୍ତିକୁ ଏଡ଼ାଇବାର କ୍ଷମତା ମଧ୍ୟ ଅଛି, ଯାହା ଭାଇରସକୁ ବଞ୍ଚିବାକୁ ଏବଂ ବ୍ୟାପିବାକୁ ଅନୁମତି ଦିଏ କାରଣ ଏହା ଶରୀରର ନାଚୁରାଲ ଡିଫେନ୍ସ ସିଷ୍ଟମକୁ ଚକମା ଦେଇ ବଞ୍ଚିବାରେ ସଫଳ ହୋଇପାରେ।
INSACOG ର ସଦ୍ୟତମ ତଥ୍ୟ ଅନୁଯାୟୀ: ମହାରାଷ୍ଟ୍ରରେ ସର୍ବାଧିକ XFG ମାମଲା (୮୯) ରିପୋର୍ଟ ହୋଇଛି, ତା’ପରେ ତାମିଲନାଡୁ (୧୬), କେରଳ (୧୫), ଗୁଜରାଟ (୧୧), ଏବଂ ଆନ୍ଧ୍ର ପ୍ରଦେଶ, ମଧ୍ୟପ୍ରଦେଶ ଏବଂ ପଶ୍ଚିମବଙ୍ଗରେ ୬ଟି ଲେଖାଏଁ ମାମଲା ରହିଛି। ଏହି ମାମଲା ମଧ୍ୟରୁ ଅଧିକାଂଶ (୧୫୯) ୨୦୨୪ ମଇ ମାସରେ ରିପୋର୍ଟ ହୋଇଥିଲା, ଯେତେବେଳେ ଏପ୍ରିଲ ଏବଂ ଜୁନ୍ ମାସରେ ୨ଟି ଲେଖାଏଁ ମାମଲା ସାମନାକୁ ଆସିଥିଲା। ଭାରତୀୟ ବୈଜ୍ଞାନିକମାନେ XFG ଉପରେ ନଜର ରଖିଛନ୍ତି କାରଣ ଏହାର ସ୍ପାଇକ୍ ପ୍ରୋଟିନରେ କିଛି ପରିବର୍ତ୍ତନ ଘଟିଛି। ଏହା ଭାଇରସର ସେହି ଅଂଶ ଯାହା ଏହାକୁ ମାନବ କୋଷିକା ସହିତ ଲାଗି ରହିବା ଏବଂ ପ୍ରବେଶ କରିବାରେ ସାହାଯ୍ୟ କରେ। ଏହି ମ୍ୟୁଟେସନ୍ ଏହି କଥାକୁ ପ୍ରଭାବିତ କରିପାରେ ଯେ, ଭାଇରସ କେତେ ସହଜରେ ପ୍ରବେଶ କରେ ଏବଂ କେତେ ଶୀଘ୍ର ଏହା ବ୍ୟକ୍ତିଠାରୁ ଅନ୍ୟ ବ୍ୟକ୍ତିକୁ ବ୍ୟାପିଥାଏ।
