ନୂଆଦିଲ୍ଲୀ,,୨୧/୦୬: ଦିଲ୍ଲୀ ସରକାର ବାୟୁ ପ୍ରଦୂଷଣ ହ୍ରାସ କରିବା ପାଇଁ ନେଉଛନ୍ତି  ଅନେକ ପଦକ୍ଷେପ । ଏହାରି ମଧ୍ୟରେ ସରକାର ଡ୍ରାଇଭରମାନଙ୍କ ପାଇଁ ଆଉ ଏକ କଠୋର ନିୟମ ଲାଗୁ କରିଛନ୍ତି। ଜୁଲାଇ ୧ ରୁ ୧୦ ବର୍ଷରୁ ପୁରୁଣା ଡିଜେଲ ଗାଡ଼ି ଏବଂ ୧୫ ବର୍ଷରୁ ପୁରୁଣା ପେଟ୍ରୋଲ ଗାଡ଼ିକୁ ଇନ୍ଧନ ନ ଦିଆଯିବା ନେଇ ନିର୍ଦ୍ଦେସ ଦେଇଛନ୍ତି । ଏହି ନିୟମ ଦିଲ୍ଲୀ-ଏନସିଆରରେ ପଞ୍ଜିକୃତ ସମସ୍ତ ଗାଡ଼ି ପାଇଁ ପ୍ରଯୁଜ୍ୟ ହେବ।

ସରକାର ୫୦୦ରୁ ଅଧିକ ପେଟ୍ରୋଲ ପମ୍ପରେ ANPR କ୍ୟାମେରା ଲଗାଇଛନ୍ତି। ଯାହା ପୁରୁଣା ଗାଡ଼ି ଚିହ୍ନଟ କରିବ। ନିୟମ ଉଲ୍ଲଂଘନକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ବାୟୁ ଗୁଣବତ୍ତା ଉନ୍ନତ କରିବା ପାଇଁ ଏହି ପଦକ୍ଷେପ ନିଆଯାଇଛି।ଶୁକ୍ରବାର ଦିନ ବାୟୁ ଗୁଣବତ୍ତା ପରିଚାଳନା ଆୟୋଗ ବା CAQM ସ୍ପଷ୍ଟ କରିଛି ଯେ, ନିର୍ଦ୍ଧାରିତ ସମୟ ସୀମା ଅତିକ୍ରମ କରିଥିବା ଯେ କୌଣସି ଯାନ ୧ ଜୁଲାଇରୁ ଦିଲ୍ଲୀରେ ଇନ୍ଧନ ମିଳିବନି। CAQM କହିଛି ଯେ ଦେଶର ଯେକୌଣସି ରାଜ୍ୟରେ ପଞ୍ଜିକୃତ ୧୦ ବର୍ଷ ପୁରୁଣା ଡିଜେଲ ଯାନ ଏବଂ ୧୫ ବର୍ଷ ପୁରୁଣା ପେଟ୍ରୋଲ ଚାଳିତ ଯାନ ଏହି ନିଷ୍ପତ୍ତିର ପରିସରଭୁକ୍ତ ହେବ। CAQM ଅନୁଯାୟୀ, ଏହି କ୍ୟାମେରାଗୁଡ଼ିକ  ୧୦ ବର୍ଷ  କିମ୍ବା  ୧୫ ବର୍ଷରୁ ପୁରୁଣା ଯାନଗୁଡ଼ିକୁ ଚିହ୍ନଟ କରିବ। ଏହି ବ୍ୟବସ୍ଥା ଦିଲ୍ଲୀର  ଗୁରୁଗ୍ରାମ, ଫରିଦାବାଦ, ଗାଜିଆବାଦ, ଗୌତମ ବୁଦ୍ଧ ନଗର ଏବଂ ସୋନିପତରେ ଚଳିତ ବର୍ଷ ନଭେମ୍ବର ୧ ତାରିଖରୁ କାର୍ଯ୍ୟକାରୀ ହେବ।