ଦିଲ୍ଲୀ: ଅରୁଣ ଜେଟଲୀ ଷ୍ଟାଡିୟମ୍ରେ ଦିଲ୍ଲୀ କ୍ୟାପିଟାଲ୍ସ ବଡ଼ ସ୍କୋର କରିଛି । ଅଧିନାୟକ ରିଷଭ ପନ୍ତଙ୍କ ଅପରାଜିତ ୮୮ ରନ୍ ବଳରେ ଦଳ ନିର୍ଦ୍ଧାରିତ ଓଭରରେ ୪ ଓ୍ବିକେଟ ବିନିମୟରେ ୨୨୪ ରନ୍ କରିଛି । ଗୁଜରାଟ ଟାଇଟନ୍ସ ଆଗରେ ୨୨୫ ରନ୍ର ବିଜୟ ଲକ୍ଷ୍ୟ ରଖିଛି ଦିଲ୍ଲୀ । ଆଜିର ମ୍ୟାଚ୍ରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିବା ଗୁଜରାଟ୍ ପାଇଁ ମହଙ୍ଗା ସାବ୍ୟସ୍ତ ହୋଇଛନ୍ତି ମୋହିତ ଶର୍ମା । ୨୪ ବଲ୍ରେ ୭୩ ରନ୍ ଦେଇଛନ୍ତି ମୋହିତ ।
ଦିଲ୍ଲୀ କ୍ୟାପିଟାଲ୍ସ ପୃଥ୍ବୀ ଶ’ (୧୧), ଫ୍ରେଜର ମ୍ୟାକଗ୍ରକ୍ (୨୩), ଅକ୍ଷର ପଟେଲ (୬୬), ଶାଇ ହୋପ(୫) ଓ ରିଷଭ ପନ୍ତଙ୍କ ଅପରାଜିତ ୮୮ ରନ୍ ଏବଂ ତ୍ରିଷ୍ଟାନ ଷ୍ଟବ୍ସଙ୍କ ଅପରାଜତି ୨୬ ରନ୍ ସହାୟତାରେ ୨୨୪ ରନ୍ କରିଛି । ଗୁଜରାଟ ଟାଇଟନ୍ସ ପକ୍ଷରୁ ସନ୍ଦୀପ ଓ୍ବାରିୟର ୧୫ ରନ୍ ଦେଇ ସର୍ବାଧିକ ୩ଟି ଓ୍ବିକେଟ ନେଇଛନ୍ତି । ସେହିଭଳି ନୂର ଅହମ୍ମଦ ଗୋଟିଏ ଓ୍ବିକେଟ ଅକ୍ତିଆର କରିଛନ୍ତି ।
ପ୍ରଥମେ ବ୍ୟାଟିଂ କରିବାକୁ ଆସିଥିବା ଦିଲ୍ଲୀ ୩୫ ରନ୍ରେ ପ୍ରଥମ ଓ୍ବିକେଟ (ଫ୍ରେଜର ମ୍ୟାଜଗର୍କ) ହରାଇଥିଲା । ପରେ ପରେ ଦଳୀୟ ସ୍କୋର ୩୬ ରନ୍ ବେଳକୁ ଦଳକୁ ଦ୍ବିତୀୟ ଝଟକା ଲାଗିଥିଲା । ୧୧ ରନ୍ କରି ପ୍ୟାଭିଲିୟନ୍ ଫେରିଥିଲେ ପୃଥ୍ବୀ ଶ’ । ତାଙ୍କ ପରେ ଶାଇ ହୋପ୍ ଆଉଟ ହେବା ପରେ ପଡ଼ିଆକୁ ଆସିଥିଲେ କ୍ୟାପ୍ଟେନ୍ ରିଷଭ ପନ୍ତ । ଅକ୍ସର ପଟେଲ ଏବଂ ରିଷଭ ପନ୍ତଙ୍କ ଭାଗିଦାରୀରେ ଦଳ ବଡ଼ ସ୍କୋର ଆଡ଼କୁ ଅଗ୍ରସର ହୋଇଥିଲା । ଅକ୍ଷରଙ୍କ ପରେ ତ୍ରିଷ୍ଟାନ ଷ୍ଟବ୍ସ ୭ ବଲ୍ରେ ଅପରାଜିତ ୨୬ ରନ୍ କରିଥିଲେ ।
