ଦୀପାବଳିର ମହାପର୍ବ ଧନତେରସରୁ ଆରମ୍ଭ ହୁଏ। ଏହି ଦିନ ନୂଆ ଜିନିଷ କିଣିବାର ବିଶେଷ ମହତ୍ତ୍ୱ ରହିଛି। ପୌରାଣିକ ବିଶ୍ୱାସ ଅନୁଯାୟୀ, କାର୍ତ୍ତିକ ମାସ କୃଷ୍ଣ ପକ୍ଷ ତ୍ରୟୋଦଶୀ ତିଥିରେ ଭଗବାନ ଧନ୍ୱନ୍ତରୀ ଅମୃତ କଳସ ସହିତ ଆବିର୍ଭାବ ହୋଇଥିଲେ। ଏହି କାରଣରୁ ଏହି ଦିନରେ ବାସନକୁସନ ଏବଂ ଧାତୁ ସାମଗ୍ରୀ କିଣିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ଲୋକମାନେ ସାଧାରଣତଃ ଏହି ଦିନ ସୁନା ଏବଂ ରୂପା କିଣିବାକୁ ଶୁଭ ବୋଲି ବିବେଚନା କରନ୍ତି। କିନ୍ତୁ ଯଦି ଆପଣ ସୁନା କିମ୍ବା ରୂପା କିଣି ପାରୁନାହାଁନ୍ତି, ତେବେ ଚିନ୍ତା କରନ୍ତୁ ନାହିଁ। ଜ୍ୟୋତିଷ ଶାସ୍ତ୍ର ଏବଂ ଧାର୍ମିକ ବିଶ୍ୱାସ ଅନୁସାରେ, ଧନତେରସରେ କିଣିବା ପାଇଁ ଆହୁରି ଅନେକ କିଛି ଜିନିଷ ଅଛି ଯାହାକୁ ବେଶ ଶୁଭ ବୋଲି ବିବେଚନା କରାଯାଏ। ପଞ୍ଚାଙ୍ଗ ଅନୁସାରେ, ଚଳିତ ବର୍ଷ ତ୍ରୟୋଦଶୀ ତିଥିର ଆରମ୍ଭ ୧୮ ଅକ୍ଟୋବର ଶନିବାର ଦିନ ୧୨ଟା ୧୮ରେ ହେବ । ସେହିପରି ୧୯ ଅକ୍ଟୋବର ରବିବାର ଦିନ ୧ଟା ୫୧ ରେ ଶେଷ ହେବ। ହିନ୍ଦୁ ଧର୍ମରେ ଉଦୟାତିଥିକୁ ବିଶେଷ ଗୁରୁତ୍ୱ ଦିଆଯାଇଛି, ତେଣୁ ଧନତେରସ ୧୮ ଅକ୍ଟୋବର ୨୦୨୫ ଶନିବାର ଦିନ ପାଳନ କରାଯିବ।
ସୁନା, ରୂପା ବ୍ୟତୀତ ଧନତେରସରେ ଏହି ଜିନିଷ କିଣିବା ଶୁଭ!
ବାସନକୁସନ: ଧନତେରସରେ ନୂତନ ବାସନ କିଣିବା ଏକ ପ୍ରାଚୀନ ଏବଂ ବିଶେଷ ପରମ୍ପରା। ଏହି ଦିନ ଭଗବାନ ଧନ୍ୱନ୍ତରୀ ଅମୃତ ପାତ୍ର ସହିତ ଆବିର୍ଭାବ ହୋଇଥିଲେ, ତେଣୁ ବାସନ କିଣିବା ଶୁଭ ବୋଲି ବିବେଚନା କରାଯାଏ।
ପିତଳ : ପିତଳକୁ ଭଗବାନ ଧନ୍ୱନ୍ତରୀଙ୍କ ଧାତୁ ଭାବରେ ବିବେଚନା କରାଯାଏ। ଏହା ବିଶ୍ୱାସ କରାଯାଏ ଯେ ପିତଳ ପାତ୍ର କିଣିବା ଦ୍ୱାରା ଘରକୁ ସ୍ୱାସ୍ଥ୍ୟ,ସୌଭାଗ୍ୟ ଏବଂ ୧୩ ଗୁଣ ଧନ ମିଳିଥାଏ।
ଝାଡୁ-ଧନତେରସରେ ଝାଡୁ କିଣିବା ବେଶ ଶୁଭ ବୋଲି ବିବେଚନା କରାଯାଏ। ଝାଡୁକୁ ଦେବୀ ଲକ୍ଷ୍ମୀଙ୍କ ପ୍ରତୀକ ଭାବରେ ବିବେଚନା କରାଯାଏ। ବିଶ୍ୱାସ କରାଯାଏ ଯେ ନୂଆ ଝାଡୁ ଘରୁ ଦାରିଦ୍ର୍ୟ ଦୂର କରେ ଏଥିସହ ସୁଖ ଏବଂ ସମୃଦ୍ଧି ଆଣିଥାଏ। ଏହି ଝାଡୁ ଘରକୁ ଆଣିବା ପରେ, ଏହାକୁ ବ୍ୟବହାର କରିବା ପୂର୍ବରୁ ଏହାକୁ ପୂଜା କରନ୍ତୁ।
ଧନିଆ ମଞ୍ଜି -ସେହିପରି ଧନତେରସରେ ଧନିଆ ମଞ୍ଜି କିଣି ଦେବୀ ଲକ୍ଷ୍ମୀଙ୍କୁ ଅର୍ପଣ କରିବା ଶୁଭ ବୋଲି ବିବେଚନା କରାଯାଏ। ଧନିଆ ବିହନକୁ ଧନର ପ୍ରତୀକ ମଧ୍ୟ ଭାବରେ ବିବେଚନା କରାଯାଏ। ପୂଜା ପରେ, ଏହି ବିହନଗୁଡ଼ିକୁ ଆପଣଙ୍କ ସିନ୍ଦୁକ କିମ୍ବା ଟଙ୍କା ସଂରକ୍ଷଣ ସ୍ଥାନରେ ରଖିବା ଦ୍ୱାରା ସମୃଦ୍ଧି ଆସିଥାଏ।
ଲକ୍ଷ୍ମୀ-ଗଣେଶ ମୂର୍ତ୍ତି- ଦୀପାବଳି ପୂଜା ପାଇଁ ଧନତେରସରେ ଦେବୀ ଲକ୍ଷ୍ମୀ ଏବଂ ଭଗବାନ ଗଣେଶଙ୍କ ନୂଆ ମୂର୍ତ୍ତି କିଣିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ଧନତେରସରେ ଏହି ମୂର୍ତ୍ତିଗୁଡ଼ିକୁ ଘରକୁ ଆଣିବା ଏବଂ ଦୀପାବଳିରେ ଉପଯୁକ୍ତ ରୀତିନୀତି ସହିତ ପୂଜା କରିବା ଦ୍ୱାରା ଧନ ଏବଂ ସମୃଦ୍ଧି ମିଳିଥାଏ ଏବଂ ସମସ୍ତ ବାଧା ଦୂର ହୋଇଥାଏ।
ଶ୍ରୀଯନ୍ତ୍ର ଏବଂ କୁବେର ଯନ୍ତ୍ର- ଏହି ଦିନ ଆପଣ ଶ୍ରୀଯନ୍ତ୍ର କିମ୍ବା କୁବେର ଯନ୍ତ୍ର ମଧ୍ୟ କିଣିପାରିବେ । ଏହି ଯନ୍ତ୍ରଗୁଡ଼ିକୁ ଆପଣଙ୍କ ଘର କିମ୍ବା ଦୋକାନର ସିନ୍ଦୁକରେ ରଖିବା ଦ୍ୱାରା ଧନର ଦେବୀ ଲକ୍ଷ୍ମୀ ଏବଂ ଧନର ଦେବତା କୁବେରଙ୍କ ଆଶୀର୍ବାଦ ମିଳିଥାଏ।
କୌଡ଼ି- ସେହିପରି ହଳଦିଆ ରଙ୍ଗର କୌଉଡ଼ି ଦେବୀ ଲକ୍ଷ୍ମୀଙ୍କ ସହ ଜଡିତ ବୋଲି ବିଶ୍ୱାସ କରାଯାଏ। ତେଣୁ ଧନତେରସରେ ଆପଣ କୌଡି ମଧ୍ୟ କିଣିପାରିବେ । କୌଉଡ଼ି କିଣନ୍ତୁ, ହଳଦୀରେ ରଙ୍ଗ କରନ୍ତୁ ଦୀପାବଳି ରାତିରେ ପୂଜା କରିବା ପରେ ସେଗୁଡ଼ିକୁ ଆପଣଙ୍କ ସେଫ୍ରେ ରଖନ୍ତୁ। ଏହା ଆପଣଙ୍କ ଘରେ ଧନର ନିରନ୍ତର ପ୍ରବାହ ସୁନିଶ୍ଚିତ କରିବ।
କିଣିବା ସମୟରେ ଏହି କଥାଗୁଡ଼ିକୁ ମନେ ରଖନ୍ତୁ
କଳା ଜିନିଷ: ଧନତେରସରେ କୌଣସି କଳା ଜିନିଷ କିମ୍ବା ପୋଷାକ କିଣନ୍ତୁନି। ଏହାକୁ ଅଶୁଭ ବୋଲି ବିବେଚନା କରାଯାଏ।
ଲୁହା: ସେହିପରି ଏହି ଦିନ କଇଁଚି କିମ୍ବା ଛୁରୀ ଭଳି ଲୁହାରେ ତିଆରି ଧାରୁଆ ଜିନିଷ କିଣିବାଠାରୁ ଦୂରେଇ ରହିବା ଉଚିତ।
