ନୂଆଦିଲ୍ଲୀ,୨୬।୬: ନିର୍ବାଚନ କମିଶନଙ୍କ ବଡ଼ ନିଷ୍ପତ୍ତି। ଏବେ ୩୪୫ ଅଣମାନ୍ୟତା ପ୍ରାପ୍ତ ପଞ୍ଜିକୃତ ରାଜନୈତିକ ଦଳକୁ ସୂଚୀରୁ ହଟାଇଛନ୍ତି। ନିର୍ବାଚନ କମିଶନ୍ ସମ୍ପର୍କିତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ନିର୍ବାଚନ ଅଧିକାରୀଙ୍କୁ ନିର୍ଦେଶ ଦେଇଛି। ଏଥିରେ କୁହାଯାଇଛି ଯେ, ଏହି ଅଣମାନ୍ୟତା ପ୍ରାପ୍ତ ପଞ୍ଜିକୃତ ରାଜନୈତିକ ଦଳକୁ କାରଣ ଦର୍ଶାଅ ନୋଟିସ୍ ଜାରି କରାଯାଉ।
ଏହାପରେ ସମ୍ପର୍କିତ ମୁଖ୍ୟ ନିର୍ବାଚନ ଅଧିକାରୀ ଏହି ଦଳକୁ ଶୁଣାଣିର ଅବସର ଦେଇଛନ୍ତି। କୌଣସି ଅଣ ମାନ୍ୟତାପ୍ରାପ୍ତ ପଞ୍ଜିକୃତ ରାଜନୈତିକ ଦଳକୁ ଡିଲିଷ୍ଟ କରିବାର ଅନ୍ତିମ ନିଷ୍ପତ୍ତି ଭାରତର ନିର୍ବାଚନ କମିଶନଙ୍କ ଦ୍ବାରା ନିଆଯିବ। ଦେଶରେ ରାଜନୈତିକ ଦଳ(ରାଷ୍ଟ୍ରୀୟ/ରାଜ୍ୟ/ଅଣ-ମାନ୍ୟତାପ୍ରାପ୍ତ ପଞ୍ଜିକୃତ ରାଜନୈତିକ ଦଳ)ର ପଞ୍ଜିକରଣ ଜନ ପ୍ରତିନିଧିତ୍ବ ଅଧିନିୟମ ୧୯୫୧ର ଧାରା ୨୯ଏ ଅନ୍ତର୍ଗତ ଭାରତର ନିର୍ବାଚନ କମିଶନରେ କରାଯାଏ।
ଏହି ନିୟମ ଅନୁସାରେ, ପୁଣିଥରେ କୌଣସି ସଂଗଠନକୁ ରାଜନୈତିକ ଦଳ ରୂପରେ ପଞ୍ଜିକୃତ କରି ନିଆଯାଇଥାଏ। ତେଣୁ ତାକୁ କର ଛାଡ ଭଳି ବିଶେଷାଧିକାର ଓ ଲାଭ ମିଳିଥାଏ। ଏହି ପକ୍ରିୟା ରାଜନୈତିକ ବ୍ୟବସ୍ଥାକୁ ସ୍ପଷ୍ଟ କରିବା ଓ ଏଭଳି ଦଳକୁ ଡିଲିଷ୍ଟ କରିବାର ଉଦେଶ୍ୟରେ କରାଯାଇଛି, ଯେଉଁମାନେ ୨୦୧୯ ପରେ ଲୋକସଭା, ରାଜ୍ୟ ବିଧାନସଭା ଓ ଉପ-ନିର୍ବାଚନରେ ଭାଗ ନେଇପାରି ନାହାନ୍ତି। ଏହି ଦଳକୁ ଭୌତିକ ରୂପରେ ଖୋଜି ହେଉନି। ଏହି ୩୪୫ ଅଣ ମାନ୍ୟତାପ୍ରାପ୍ତ ପଞ୍ଜିକୃତ ରାଜନୈତିକ ଦଳ ଏହି ସଫେଇ ଅଭିଯାନର ପ୍ରଥମ ପର୍ଯ୍ୟାୟରେ ଚିହ୍ନଟ ହୋଇଛି। ଏହି ପକ୍ରିୟା ଭବିଷ୍ୟତରେ ମଧ୍ୟ ଜାରି ରହିବ ।
