ହରଭଙ୍ଗା, ୧୪।୫ ବୌଦ୍ଧ ନିର୍ବାଚନ ମଣ୍ଡଳୀର ବିଧାୟକ ତଥା ରାଜ୍ୟ ସରକାରଙ୍କ ମୁଖ୍ୟ ସଚେତକ ସରୋଜ କୁମାର ପ୍ରଧାନ ବୁଧବାର ଗ୍ରାମ୍ୟ ଉନ୍ନୟନ ବିଭାଗର ୧୯୪୮.୦୨ ଲକ୍ଷ ଟଙ୍କାର ତିନି ଗୋଟି ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିଛନ୍ତି l  ଏହି ତିନିଗୋଟି ପ୍ରକଳ୍ପ ହରଭଙ୍ଗା ବ୍ଲକରେ କରାଯିବ। ଗ୍ରାମାଞ୍ଚଳର ବିକାଶକୁ ଯୋଡିବ ଏହି ସବୁ ପ୍ରକଳ୍ପ ବୋଲି ବିଧାୟକ କହିଥିଲେ l 

ପ୍ରଥମେ ତିଲେଶ୍ୱର ଠାରୁ ଶ୍ୟାମସୁନ୍ଦର ପୁର ଜଗନାଥ ସଡ଼କକୁ ସଂଯୋଗ କରିଥିବା ଗ୍ରାମ୍ୟ ଉନ୍ନୟନ ବିଭାଗର ୯୯୨.୧୯ ଲକ୍ଷ ଟଙ୍କାର ରାସ୍ତା,  ୬୭୬.୩୩ ଲକ୍ଷ ଟଙ୍କାରେ  ପୂର୍ତ୍ତ ବିଭାଗ ରାସ୍ତାରୁ ସଂଯୋଗ କରୁଥିବା ଧୁଣ୍ଡିଆ ମୁଣ୍ଡା ଭାୟା ଡ଼ିମିରି ଖୋଲା ରାସ୍ତାର ଉନ୍ନତି କରଣ ପାଇଁ  ଭିତ୍ତିପ୍ରସ୍ତର ସ୍ଥାପନ କରିଥିଲେ l 

ପୂର୍ତ୍ତ ବିଭାଗ ରାସ୍ତା ଠାରୁ କୁଶାସିଙ୍ଗା ଗ୍ରାମ୍ୟ ଉନ୍ନୟନ ସଡକ  ୨୭୯.୫୨ ଲକ୍ଷ ଟଙ୍କା ଅନୁଦାନ ଥିବା ରାସ୍ତାର ଉଦ୍ଘାଟନ କରିଥିଲେ l ଏହି ସମସ୍ତ ଭିତ୍ତିପ୍ରସ୍ତର ସ୍ଥାପନ ଓ ଶୁଭ ଉଦଘାଟନ ରେ ମୁଖ୍ୟ ସଚେତକଙ୍କ ସମେତ ବୌଦ୍ଧ ଗ୍ରାମ ନିର୍ମାଣ ବିଭାଗର ଅଧିକ୍ଷଣ ଯନ୍ତ୍ରୀ ଇଞ୍ଜିନିୟର କାମେଶ୍ୱର ବେହେରା , ସହକାରୀ ଯନ୍ତ୍ରୀ ବିଦ୍ୟାଧର ମହାନ୍ତି , ବ୍ଲକ ଅଧକ୍ଷା ସ୍ନେହଲତା ପ୍ରଧାନ, ବ୍ଲକ ଉପାଧ୍ୟକ୍ଷ କାଁହୁ ଚରଣ ନାଥ, ସାଂସଦ ପ୍ରତିନିଧି ରବି ପ୍ରଧାନ, ସରପଞ୍ଚ ଝୁନୁ ବେହେରା,ବିନୋଦିନୀ ପ୍ରଧାନ, ଜିତେନ୍ଦ୍ର ବେହେରା, ସମିତି ସଭ୍ୟା କମଳିନୀ ବଘାର, ସାବିତ୍ରୀ ବେହେରା ଙ୍କ ସମେତ ଅନ୍ୟ  ଅଧିକାରୀ ଉପସ୍ଥିତ ରହିଥିଲେ l