ନୀଳଗିରି,୨/୧ :ନିଶା ହେଲା କାଳ। ଅଜା ଘରେ ନିଆଁ ଲଗାଇଦେଲା ନାତି। ଜଳିଗଲା ତିନି ବଖରା ଘର। ଏଭଳି ଘଟଣା ନୀଳଗିରି ଏନଏସି ଅଧିନ ୧୧ ନମ୍ବର ୱାର୍ଡ ବାଣପୁର ଗାଁରେ ଘଟିଛି ଘଟଣା । ଜୟରାମ ଦଳେଇଙ୍କ ଘରେ ତାଙ୍କ ଝିଅ ଦୁଇ ନାତି ଦୀର୍ଘ ଦିନ ଧରି ରହି ଆସୁଥିଲେ। ବଡ଼ନାତି ମାଧ ବିଶ୍ବାଳଙ୍କ ସହ ତାଙ୍କର ଭାଇ ଗଣେଷର ବଚସା ହୋଇଥିଲା।
ବେଶନ ଗୋଳାଇବାକୁ କେନ୍ଦ୍ର କରି ଉଭୟଙ୍କ ମଧ୍ୟରେ ବଚସା ପରେ ପାଟି ତୁଣ୍ଡ ହୋଇ ଉଗ୍ର ରୂପ ନେଇଥିଲା। ମାଧ ନିଶାରେ ଥିବାବେଳେ ଉତକ୍ଷିପ୍ତ ହୋଇ ହିତାହିତ ଜ୍ଞାନ ଭୁଲି ଯାଇଥିଲା। ନିଜେ ରହୁଥିବା ଚାଳ ଘରେ ନିଆଁ ଲଗାଇ ଦେଇଥିଲା। ଗାଁ ଲୋକେ ଲିଭାଇବା ପାଇଁ ଯିବାବେଳକୁ ଆଗରେ ଏକ କୁରାଢ଼ି ଧରି ଛିଡା ହୋଇଥିଲା। ତେଣୁ ଗ୍ରାମବାସୀ ନିଆଁକୁ ଲିଭାଇ ପାରିନଥିଲେ। ପରେ ଦମକଳ ଓ ପୋଲିସ ଯାଇ ପହଁଚି ନିଆଁକୁ ଆୟତ୍ତ କରିବା ବେଳକୁ ଘରଟି ସମ୍ପୂର୍ଣ୍ଣ ଜଳି ଯାଇଥିଲା। ପୋଲିସ ଦୁଇ ନାତିଙ୍କୁ ଥାନାରେ ଅଟକ ରଖିଛି।