- ଏଆଇ ବନ୍ଦ କରିଛି ଇମେଜ ଜେନେରେସନ
- ୟୁଜରଙ୍କୁ ଦିଆଯାଇଛି ଏହି ପରିବର୍ତ୍ତନର ସୂଚନା
- ଭାରତ ମଧ୍ୟ କରିଥି ପ୍ଲାଟଫର୍ମକୁ ସମାଲୋଚନା
ନୂଆଦିଲ୍ଲୀ - ଏଲନ ମସ୍କଙ୍କର ମାଲିକାନାରେ ଥିବା ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସରେ ଥିବା ଏଆଇ ଚାଟ୍ବଟ୍ ଗ୍ରୋକ୍ ଏକ ବଡ଼ ବିବାଦରେ ପଡ଼ି ଯାଇଛି। ମହିଳା ଓ ପିଲାଙ୍କ ଆପତ୍ତିଜନକ ଓ ସେକ୍ସୁଆଲି ପ୍ରୋଭୋକିଂ ଫଟୋଜ ତିଆରି କରିବା ପରେ ଗ୍ରୋକ୍ ଫ୍ରି ୟୁଜରଙ୍କ ପାଇଁ ନିଜର ଏଆଇ ଇମେଜ ଜେନେରେସନ ଓ ଏଡିଟିଂ ଫଙ୍କସନାଲିଟିକୁ ବନ୍ଦ କରିଦେଇଛି। ଏହି ପଦକ୍ଷେପ ବଢୁଥିବା ଅନ୍ତର୍ଜାତୀୟ ଚାପ ଓ ଆଇନଗତ ଚେତାବନୀ ମଧ୍ୟ ନିଆ ଯାଇଛି।
ରିପୋର୍ଟ ମୁତାବିକ , କିଛି ୟୁଜର୍ସ ଗ୍ରୋକ୍ର ବ୍ୟବହାର କରି ମହିଳା ଓ ପିଲାଙ୍କ ବିନା ପୋଷାକରେ ଫଟୋ ତିଆରି କରୁଥିଲେ, ଯେଉଁଥିରେ ତାଙ୍କୁ ସେକ୍ସୁଆଲ ଓ ଇରୋଟିକ୍ ପୋଜିସନରେ ଦେଖା ଯାଇ ଥିଲା। ଏହିପରି ଏଆଇ କଣ୍ଟେଣ୍ଟକୁ ନେଇ ଖୁବ୍ ଆଲୋଚନା ହୋଇଥିଲା ଏବଂ ଅନେକ ଦେଶ ଏହି ବେଆଇନ ମଧ୍ୟ ଦର୍ଶାଇ ଥିଲେ। ଏହାପରେ ଗ୍ରୋକ୍ ଏକ୍ସରେ ପୋଷ୍ଟ କରି ସ୍ପଷ୍ଟ କରିଦେଇ ଥିଲା ଯେ , ଏବେ ଇମେଜ୍ ଜେନେରେସନ ଓ ଏଡିଟିଂ ସୁବିଧା କେବଳ ପେଡ୍ ସବ୍ସକ୍ରାଇବର୍ସଙ୍କ ପାଇଁ ଉପଲବ୍ଧ ହେବ।
ଗ୍ରୋକ୍ର ଅଫିସିଆଲି ରିପ୍ଲାଇରେ କୁହାଯାଇଛି , ଇମେଜ୍ ଜେନେରେସନ ଓ ଏଡିଟିଂ ବର୍ତ୍ତମାନ କେବଳ ଦେୟ ଦେଉଥିବା ସବ୍ସକ୍ରାଇବରଙ୍କ ପାଇଁ ସୀମିତ। ଏହି ସବୁ ଫିଚର୍ସକୁ ଅନଲକ୍ କରିବା ପାଇଁ ସବ୍ସକ୍ରିପସନ ନେବାକୁ ହେବ। ଏହାର ଅର୍ଥ ଏହା ଯେ, ଏବେ ବହୁ ସଂଖ୍ୟାରେ ୟୁଜର ଏହି ଏଆଇ ଟୁଲ୍ରେ ଫଟୋ ତିଆରି କରିପାରିବେ ନାହିଁ। ଅନ୍ୟପଟେ ପେମେଣ୍ଟ କରୁଥିବା ଗ୍ରାହକଙ୍କୁ ନିଜର କ୍ରେଡିଟ୍ କାର୍ଡ ଡିଟେଲ୍ସ ଓ ପର୍ସନାଲ ତଥ୍ୟ ଦେବାକୁ ହେବ।
କହି ରଖୁଛୁ କି , ଏହି ମାମଲାରେ ୟୁରୋପିଆନ ୟୁନିୟନ (ଇୟୁ) କଡ଼ା ଆଭିମୁଖ୍ୟ ଆପଣାଇଛି। ଆୟୋଗ ମହିଳା ଓ ପିଲାଙ୍କ ନ୍ୟୁଜ୍ ଫଟୋର ବେଆଇନ ଦର୍ଶାଇ ଏକ୍ସକୁ ନିର୍ଦ୍ଦେଶ ଦେଇଛି ଯେ, ସେ ଗ୍ରୋକ୍ସହ ଜଡ଼ିତ ସବୁ ଇଣ୍ଟରନାଲ ଡକ୍ୟୁମେଣ୍ଟ ଓ ଡାଟାକୁ ୨୦୨୬ର ଶେଷ ସୁଦ୍ଧା ସୁରକ୍ଷିତ ରଖନ୍ତୁ। ଏହି ନିର୍ଦ୍ଦେଶ ସମ୍ଭାବିତ ଯାଞ୍ଚ ଓ ଆଇନଗତ କାର୍ଯ୍ୟାନୁଷ୍ଠାନକୁ ଦେଖି ଦିଆଯାଇଛି।
ବ୍ରିଟେନର ପ୍ରଧାନମନ୍ତ୍ରୀ କିୟର ଷ୍ଟାରମର ମଧ୍ୟ ଏହି ମାମଲାରେ ଅସନ୍ତୁଷ୍ଟ ବ୍ୟକ୍ତ କରିଛନ୍ତି। ସେ କହିଛନ୍ତି ଯେ, ଏକ୍ସକୁ ଏହା ଉପରେ କଣ୍ଟ୍ରୋଲ କରିବାକୁ ହେବ ଏବଂ ସେ ଦେଶର କମ୍ୟୁନିକେଶନ ରେଗୁଲେଟର Ofcomକୁ ସବୁ ଅପସନ୍ସ ଉପରେ ବିଚାର କରିବାକୁ କହିଛି। ଷ୍ଟାରମର ସ୍ପଷ୍ଟ କରିଛି ଯେ, ବ୍ରିଟେନ ଏହା ଉପରେ ବେଆଇନ କଣ୍ଟେଣ୍ଟକୁ ସହ୍ୟ କରିବ ନାହିଁ।
ଫ୍ରାନ୍ସ , ମଲେସିଆ ଓ ଭାରତ ଭଳି ଦେଶ ମଧ୍ୟ ଏଲନ ମସ୍କଙ୍କ ପ୍ଲାଟଫର୍ମର ସମାଲୋଚନା କରିଛନ୍ତି। ଏଲନ ମସ୍କ ନିଜେ ଏକ୍ସରେ ଲେଖିଛନ୍ତି ଯେ,ଯେକୌଣସି ବ୍ୟକ୍ତି ଗ୍ରୋକ୍ ବ୍ୟବହାର କରି ଅବୈଧ କଣ୍ଟେଣ୍ଟ ତିଆରି କରିବେ , ତାଙ୍କ ବିରୋଧରେ ସେହି କାର୍ଯ୍ୟାନୁଷ୍ଠାନ ହେବ , ଯାହାକୁ ଅବୈଧ କଣ୍ଟେଣ୍ଟ ଅପଲୋଡ୍ କରିବା ଉପରେ ହୋଇଥାଏ।
