ଭୁବନେଶ୍ୱର,୧୮/୦୧: ହୋଣ୍ଡା ମୋଟର ସାଇକେଲ ଆଣ୍ଡ ସ୍କୁଟର ଇଣ୍ଡିଆ ଲିମିଟେଡ (ଏଚ୍ଏମ୍ଏସ୍ଆଇ) ପକ୍ଷରୁ ନୂଆଦିଲ୍ଲୀର ଭାରତ ମଣ୍ଡପମରେ ଅନୁଷ୍ଠିତ ଭାରତ ମୋବିଲିଟି ଗ୍ଲୋବାଲ ଏକ୍ସପୋରେ ଏହାର ଉତ୍ପାଦ ଗୁଡିକୁ ପ୍ରଦର୍ଶିତ କରାଇଛି ।
ଚଳିତ ମାସ ୧୭ରୁ ୨୨ ଯାଏ ଅନୁଷ୍ଠିତ ଏହି ଏକ୍ସପୋରେ କମ୍ପାନି ଏହାର ଅଭିନବ ଏବଂ ଅତ୍ୟାଧୁନିକ ଟେକ୍ନୋଲୋଜି ଆଧାରିତ ଉତ୍ପାଦ ଗୁଡିକୁ ପ୍ରଦର୍ଶନ କରାଯାଇଛି । ଉଦ୍ଭାବନ ଏବଂ ପରିବେଶ ଉପଯୋଗୀ ଉତ୍ପାଦ ଯୋଗାଣ ଦିଗରେ କମ୍ପାନିର ରହିଥିବା ପ୍ରତିବଦ୍ଧତାକୁ ଏହା ଦର୍ଶାଉଛି ।
ହୋଣ୍ଡା ପାଭିଲିୟନରେ ନୂଆ ଆକ୍ଟିଭା ଇ ଏବଂ କ୍ୟୁସି ୧ ଇଲେକ୍ଟ୍ରିକ ସ୍କୁଟରକୁ ପ୍ରଦର୍ଶନ କରାଯାଇଛି । କମ୍ପାନି ପକ୍ଷରୁ ଏହାର ବଜାର ଦର ସମ୍ପର୍କରେ ଘୋଷଣା କରିଛି । ଏହି ୨ ଉତ୍ପାଦର ଏକ୍ସ ସୋରୁମ ବାଙ୍ଗାଲୋର ମୂଲ୍ୟ ଯଥାକ୍ରମେ ୧.୧୭ ଲକ୍ଷ ଟଙ୍କା ଏବଂ ୯୦,୦୦୦ ଟଙ୍କା ରହିଛି । ସେହିଭଳି କମ୍ପାନି ଇଭି ଲାଗି କେୟାର ପ୍ୟାକେଜ ଘୋଷଣା କରିଛି । ଏହି ଅବସରରେ ହୋଣ୍ଡା ମୋଟର
ସାଇକେଲ ଆଣ୍ଡ ସ୍କୁଟର ଇଣ୍ଡିଆର ଏମ୍ଡି ତଥା ସିଇଓ ସୁତସୁମୁ ଓଟାନି କହିଛନ୍ତି, ମୋବିଲିଟିର ଭବିଷ୍ୟତକୁ ପରିଭାଷିତ କରିବା ସହ ଗ୍ରାହକଙ୍କୁ ଅଭିନବ ଉତ୍ପାଦ ଯୋଗାଣ ଦିଗରେ ଧ୍ୟାନ ରହିଛି ।
