ନୂଆଦିଲ୍ଲୀ,୨୪/୦୩: ଚୀନର ୫ ସାମଗ୍ରୀ ଉପରେ ଭାରତ ଆଣ୍ଟି ଡମ୍ପିଂ ଟିକସ ଲାଗୁ କରିଛି । ଅପେକ୍ଷାକୃତ ଶସ୍ତା ମୂଲ୍ୟରେ ପଡ଼ୋଶୀ ଦେଶରୁ ସାମଗ୍ରୀ ଆମଦାନି ହେଉଥିବାରୁ ଏହା ଦ୍ୱାରା ଘରୋଇ ବଜାରର ଶିଳ୍ପ କ୍ଷତିଗ୍ରସ୍ତ ହେବାର ଆଶଙ୍କା ଉପୁଜିଛି । ଏହାକୁ ନଜରରେ ରଖି କେନ୍ଦ୍ର ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।
ସଫ୍ଟ ଫେରାଇଟି କୋରସ୍, ଭାକ୍ୟୁମ୍ ଇନ୍ସୁଲେଟେଡ୍ ଫ୍ଲାସ୍କ, ଆଲୁମିନିୟମ ଫଏଲ୍, ଟ୍ରାଇକ୍ଲୋରୋ ଆଇସୋସିନ୍ରିକ ଏସିଡ୍, ପଲି ଭିନିଲ୍ କ୍ଲୋରାଇଡ ପେଷ୍ଟ ରେଜିନ ଭଳି ସାମଗ୍ରୀ ଉପରେ ଏହି ନୂଆ ଟିକସ ଲାଗୁ ହେବ । ସଫ୍ଟ ଫେରାଇଟି କୋରସ, ଭାକ୍ୟୁମ ଇନ୍ସୁଲେଟେଡ୍ ଫ୍ଲାସ୍କ ଏବଂ ଟ୍ରାଇକ୍ଲୋରୋ ଆଇସୋସିନରିକ ଏସିଡ୍ ଉପରେ ୫ ବର୍ଷ ଲାଗି ଟିକସ ଲାଗୁ ହେବ ବୋଲି କେନ୍ଦ୍ରୀୟ ପରୋକ୍ଷ ଏବଂ ସୀମା ଶୁଳ୍କ ବୋର୍ଡ ପକ୍ଷରୁ ସୂଚନା ମିଳିଛି । ୬ ମାସ ଲାଗି ଆଲୁମିନିୟମ ଫଏଲ ଉପରେ ଟନ୍ ପିଛା ୮୭୩ ଡଲାର ଆଣ୍ଟି ଡମ୍ପିଂ ଟିକସ ଲାଗୁ ହେବ । ଚୀନ ଏବଂ ଜାପାନରୁ ଏସିଡ୍ ଆମଦାନି ଉପରେ ଟନ୍ ପିଛା ୨୭୭ ଡଲାରରୁ ୯୮୬ ଡଲାର ଟିକସ ଲାଗୁ ହେବ ।
ଇ-ଯାନ, ଚାର୍ଜର ଏବଂ ଟେଲିକମ ଡିଭାଇସରେ ବ୍ୟବହାର ହେଉଥିବା ସଫ୍ଟ ଫେରାଇଟି କୋରସ୍ ଉପରେ ୩୫% ଯାଏ ଟିକସ ଲାଗିବ । ଭାକ୍ୟୁମ ଇନ୍ସୁଲେଟେଡ ଫ୍ଲାସ୍କ ଉପରେ ଟନ୍ ପିଛା ୧୭୩୨ ଡଲାର ଟିକସ ଲାଗୁ ନେଇ ଘୋଷଣା କରାଯାଇଛି । ପଲି ଭିନିଲ ଉପରେ ଟନ୍ ପିଛା ୮୯ ଡଲାରରୁ ୭୦୭ ଡଲାର ଆଣ୍ଟିଂ ଡମ୍ପିଂ ଟିକସ ଲାଗୁ ହେବ । ଚୀନ, କୋରିଆ, ମାଲେସିଆ, ନରେୱ, ତାଇୱାନ ଏବଂ ଥାଇଲ୍ୟାଣ୍ଡ ଭଳି ଦେଶରୁ ହେଉଥିବା ଏହି ବର୍ଗର ଉତ୍ପାଦ ଉପରେ ୫ ବର୍ଷ ଲାଗି ଆଣ୍ଟି ଡମ୍ପିଂ ଟିକସ ଲାଗୁ କରିଛି ଭାରତ । ଡିଜିଟିଆର୍ ତଦନ୍ତ ପରେ କେନ୍ଦ୍ର ସରକାର ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଚୀନ ଭାରତର ଦ୍ୱିତୀୟ ବୃହତ ବାଣିଜ୍ୟିକ ସହଯୋଗୀ ।
କେନ୍ଦ୍ର ଆଣିବ ଏକକ ନିଯୁକ୍ତି ପୋର୍ଟାଲ,ଏହା କାର୍ଯ୍ୟକ୍ଷମ ହେଲେ ଆଶାୟୀଙ୍କ ସମୟ ଏବଂ ଶକ୍ତି ଅପଚୟକୁ ରୋକିବ
