ନୂଆଦିଲ୍ଲୀ,୨୪/୦୩: ଦୁବାଇରେ ଗିରଫ ହେଲେ ଭାରତର ମୋଷ୍ଟ ୱାଣ୍ଟେଡ୍ ଡ୍ରଗ୍ସ ମାଫିଆ ଜସବିନ୍ଦର। ଭାରତୀୟ ଏଜେନ୍ସିଗୁଡ଼ିକର ନିର୍ଦ୍ଦେଶରେ ଇଣ୍ଟରପୋଲ ସହାୟତାରେ ଏହି ଅପରେସନ କରାଯାଇଥିବା ରିପୋର୍ଟ କରାଯାଇଛି। ଜସବିନ୍ଦରଙ୍କୁ ଦେଶର ସବୁଠାରୁ ବଡ଼ ଡ୍ରଗ ସିଣ୍ଡିକେଟ ମଧ୍ୟରୁ ଗୋଟିଏର ମାଷ୍ଟରମାଇଣ୍ଡ ବୋଲି କୁହାଯାଏ। ତାଙ୍କ ବିରୋଧରେ ପୂର୍ବରୁ ଅନେକ ମାମଲା ରୁଜୁ ହୋଇଥିଲା ଏବଂ ସେ ବହୁତ ଦିନ ଧରି ଫେରାର୍ ଥିଲେ।
ଏନସିବି ପୂର୍ବରୁ ଜାଜ୍ ବିରୋଧରେ ରେଡ୍ କର୍ଣ୍ଣର ନୋଟିସ୍ ଜାରି କରିଥିଲା।
ଜସବିନ୍ଦର ଆମେରିକାର ଗୁପ୍ତଚର ସଂସ୍ଥା CIA ପାଇଁ କାମ କରୁଥିବା ଅଭିଯୋଗ ହୋଇଛି। ସୂତ୍ର ଅନୁସାରେ, ତାଙ୍କୁ ତିନି ଦିନ ପୂର୍ବରୁ ବିମାନବନ୍ଦର ଛାଡିବା ସମୟରେ ଗିରଫ କରାଯାଇଥିଲା। ଆଗାମୀ କିଛି ଦିନ ମଧ୍ୟରେ ତାଙ୍କୁ ଭାରତକୁ ଆଣିବା ପାଇଁ ପ୍ରସ୍ତୁତି ଚାଲିଛି, ଯେଉଁଠାରେ ତାଙ୍କୁ ସମ୍ପୂର୍ଣ୍ଣ ଡ୍ରଗ ନେଟୱାର୍କକୁ ଭାଙ୍ଗିବା ପାଇଁ ପଚରାଉଚରା କରାଯିବ। ଯଦିଓ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ନିଶ୍ଚିତ କରାଯାଇ ନାହିଁ ,ଯେ ସେ ପୂର୍ବରୁ ଆମେରିକୀୟ ଗୁପ୍ତଚର ସଂସ୍ଥା, CIA ପାଇଁ କାମ କରୁଥିଲେ। ଏଜେନ୍ସିଗୁଡ଼ିକ ଆଶା କରୁଛନ୍ତି ଯେ ତାଙ୍କ ଗିରଫଦାରୀ ଫଳରେ ଅନେକ ପ୍ରମୁଖ ଡ୍ରଗ-ସମ୍ବନ୍ଧୀୟ ନେଟୱାର୍କର ପର୍ଦ୍ଦାଫାସ ହୋଇପାରେ ଏବଂ ଗୁରୁତ୍ୱପୂର୍ଣ୍ଣ ଗୁପ୍ତ ତଥ୍ୟ ପ୍ରକାଶ ପାଇପାରେ।
ଏହା ମଧ୍ୟ ପଢନ୍ତୁ-'ଏବେ ସମୟ ଆସିଛି…', ଖାମେନେଇଙ୍କ ମୃତ୍ୟୁର ୪୮ ଘଣ୍ଟା ପୂର୍ବରୁ ଟ୍ରମ୍ପ୍ ଓ ନେତାନ୍ୟାହୁଙ୍କ ମଧ୍ୟରେ ହୋଇଥିଲା ଆଲୋଚନା
NCB ଭାରତର ଏକ ଗୁରୁତ୍ୱପୂର୍ଣ୍ଣ ସରକାରୀ ସଂସ୍ଥା, ଯାହା ଦେଶ ମଧ୍ୟରେ ନିଶାଦ୍ରବ୍ୟ ସମ୍ବନ୍ଧୀୟ ଅପରାଧର ପ୍ରତିରୋଧ ଏବଂ ତଦନ୍ତ ପାଇଁ ଦାୟୀ। ଗୃହ ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଥିବା ଏହି ସଂସ୍ଥା ୧୯୮୬ମସିହାରେ ପ୍ରତିଷ୍ଠିତ ହୋଇଥିଲା। NCBର ପ୍ରାଥମିକ କାର୍ଯ୍ୟ ହେଉଛି ନିଶାଦ୍ରବ୍ୟର ଚାଲାଣକୁ ରୋକିବା ଏବଂ ଏହି ଅବୈଧ ବାଣିଜ୍ୟ ସହିତ ଜଡିତ ପ୍ରମୁଖ ନେଟୱାର୍କଗୁଡ଼ିକୁ ଭାଙ୍ଗିବା। ଏହି ସଂସ୍ଥା ଘରୋଇ ଏବଂ ଅନ୍ତର୍ଜାତୀୟ ସୀମା ଦେଇ ନିଶାଦ୍ରବ୍ୟର ପ୍ରବାହ ଉପରେ ନଜର ରଖେ ଏବଂ ପ୍ରମୁଖ ଡ୍ରଗ ମାଫିଆ ଏବଂ ଅପରାଧିକ ସିଣ୍ଡିକେଟ ବିରୁଦ୍ଧରେ କାର୍ଯ୍ୟାନୁଷ୍ଠାନ ଆରମ୍ଭ କରେ।ଜସବିନ୍ଦର ମୂଳତଃ ପଞ୍ଜାବର, କିନ୍ତୁ ତାଙ୍କ ପାଖରେ ବ୍ରିଟିଶ ନାଗରିକତା ମଧ୍ୟ ଅଛି। ସେ ବର୍ତ୍ତମାନ ଦୁବାଇରେ ରହୁଥିଲେ।
