ପ୍ରମୂଖ ଖବର
  • ବାଲେଶ୍ବର: ଟ୍ରକ୍‌ ଧକ୍କାରେ ଓଲଟି ପଡ଼ିଲା ବସ୍‌, ୨୦ରୁ ଉର୍ଦ୍ଧ୍ୱ ଗୁରୁତର
  • ||
  • ଏନ୍‌ସିଇଆର୍‌ଟି ବିଏଡ୍‌ ପ୍ରବେଶିକା ପରୀକ୍ଷା, ଆଜି ରାଜ୍ୟର ୪୪ କେନ୍ଦ୍ରରେ ୨୨ ହଜାର ଛାତ୍ରଛାତ୍ରୀ ଦେବେ ପରୀକ୍ଷା
  • ||
  • ସୋମବାର ଓଡ଼ିଶା ଆସୁଛନ୍ତି ରାଷ୍ଟ୍ରପତି: ଆଜି ପୁଲିସର କାର୍‌କେଡ୍‌ ରିହର୍ସାଲ, ଜଗିବେ ୫୦ ପ୍ଲାଟୁନ୍‌ ଫୋର୍ସ
  • ||
  • ଗାଜା ଉପରେ ଇସ୍ରାଏଲର ଭୟଙ୍କର ହମଲା, ୧୧୦ ପାଲେଷ୍ଟାନୀୟ ମୃତ
  • ||
  • ୧୬ରେ ବଙ୍ଗୋପସାଗରରେ ପୁଣି ଏକ ଘୂର୍ଣ୍ଣିବଳୟ ସମ୍ଭାବନା, ଆଜି ବର୍ଷା ନେଇ ଅଧା ଓଡ଼ିଶାକୁ ୟେଲୋ ଓ୍ବାର୍ଣ୍ଣିଂ
  • ||

ଭାରତର ସବୁ ବିମାନବନ୍ଦରରେ ହାଇ ଆଲର୍ଟ ଜାରୀ; ନିର୍ଦ୍ଦେଶନାମା ଜାରି କଲା ବିମାନ ବିମାନ ଚଳାଚଳ ମନ୍ତ୍ରାଳୟ

Published By : Soubhagya Ranjan | May 9, 2025 12:23 AM

ନୂଆଦିଲ୍ଲୀ,୦୮/୦୫: ଭାରତର ଅପରେସନ ସିନ୍ଦୂରର ଦ୍ୱିତୀୟ ପର୍ଯ୍ୟାୟ ଜାରି ରହିଛି। ପାକିସ୍ତାନ ଜାମ୍ମୁ ଏବଂ ଅନ୍ୟାନ୍ୟ ସହର ଉପରେ ଡ୍ରୋନ ସାହାଯ୍ୟରେ ଆକ୍ରମଣ କରିଥିଲା, ଯାହାକୁ ଆକାଶରେ ଗୁଳି କରି ଖସାଇ ଦେଇଥିଲା ଭାରତୀୟ ସେନା। ଭାରତ ମଧ୍ୟ ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ଆରମ୍ଭ କରିଛି। ପାକିସ୍ତାନର ଲାହୋରରେ ଭାରତ ଏକ ବଡ଼ ଆକ୍ରମଣ କରିଛି। ଏହାରି ଭିତରେ ଭାରତର ଆଭ୍ୟନ୍ତରୀଣ ସୁରକ୍ଷାକୁ ଆହୁରି ସୁଦୃଢ଼ କରାଯାଉଛି। ସିଭିଲ ଏଭିଏସନ୍ ସିକ୍ୟୁରିଟି ବ୍ୟୁରୋ ସମସ୍ତ ଏୟାରଲାଇନ୍ସ ଏବଂ ବିମାନବନ୍ଦରଗୁଡ଼ିକୁ ସେମାନଙ୍କର ସୁରକ୍ଷାକୁ ଆହୁରି କଡ଼ାକଡ଼ି କରିବାକୁ ନିର୍ଦ୍ଦେଶ ଦେଇଛି।

ବେସାମରିକ ବିମାନ ଚଳାଚଳ ମନ୍ତ୍ରାଳୟ ଖବର ଏଜେନ୍ସି ଏଏନ୍ଆଇକୁ ଦେଇଥିବା ସୂଚନା ଅନୁସାରେ ଦେଶର ସମସ୍ତ ଏୟାରଲାଇନ୍ସ ଏବଂ ବିମାନବନ୍ଦରଗୁଡ଼ିକୁ ସୁରକ୍ଷା ବ୍ୟବସ୍ଥା ବୃଦ୍ଧି କରିବାକୁ ନିର୍ଦ୍ଦେଶ ଦେଇଛି। ସମସ୍ତ ବିମାନବନ୍ଦରରେ ସମସ୍ତ ଯାତ୍ରୀଙ୍କ ସେକେଣ୍ଡାରୀ ଲେଡର ପଏଣ୍ଟ ଚେକିଙ୍ଗ (SLPC) କରାଯିବ। ଟର୍ମିନାଲ କୋଠାରେ ପରିଦର୍ଶକଙ୍କ ପ୍ରବେଶକୁ ନିଷିଦ୍ଧ କରାଯାଇଛି। ଏୟାର ମାର୍ଶାଲମାନଙ୍କୁ ନିୟୋଜିତ କରାଯିବ।"

ଆକାଶ ଏୟାର ଏକ ଯାତ୍ରା ମାର୍ଗଦର୍ଶିକା ଜାରି କରିଛି। ଏକ୍ସ ରେ ଏୟାରଲାଇନ୍ସର ଏକ ପୋଷ୍ଟରେ କୁହାଯାଇଛି, "ଭାରତର ସମସ୍ତ ବିମାନବନ୍ଦରରେ ସୁରକ୍ଷା ବ୍ୟବସ୍ଥା ବୃଦ୍ଧି ଯୋଗୁଁ, ଆମେ ଆପଣଙ୍କୁ ସୁଗମ ଚେକ୍-ଇନ୍ ଏବଂ ବୋର୍ଡିଂ ଅଭିଜ୍ଞତା ସୁନିଶ୍ଚିତ କରିବା ପାଇଁ ପ୍ରସ୍ଥାନର ଅତି କମରେ ୩ ଘଣ୍ଟା ପୂର୍ବରୁ ବିମାନବନ୍ଦରରେ ପହଞ୍ଚିବାକୁ ଅନୁରୋଧ କରୁଛୁ। ଦୟାକରି ବିମାନବନ୍ଦରରେ ପ୍ରବେଶ ପାଇଁ ଏକ ସରକାରୀ ଅନୁମୋଦିତ ଫଟୋ ପରିଚୟ ପତ୍ର ସାଙ୍ଗରେ ନେଇ ଆସନ୍ତୁ। ଆପଣଙ୍କର ଚେକ୍-ଇନ୍ ବ୍ୟାଗେଜ ବ୍ୟତୀତ, କେବଳ ୭ କିଲୋଗ୍ରାମ ଓଜନର ଗୋଟିଏ ହ୍ୟାଣ୍ଡବ୍ୟାଗ୍‌ ପାଇଁ ଅନୁମତି ଦିଆଯିବ। ନିର୍ଦ୍ଦେଶାବଳୀ ଅନୁସାରେ, ସମସ୍ତ ଯାତ୍ରୀଙ୍କୁ ବୋର୍ଡିଂ ପୂର୍ବରୁ ଦୁଇଥର ସୁରକ୍ଷା ଯାଞ୍ଚ କରିବାକୁ ପଡ଼ିବ।"

 

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.