ନ୍ୟୁୟର୍କ: ଟି-୨୦ ବିଶ୍ବକପର ପ୍ରଥମ ମ୍ୟାଚ୍ରେ ଭାରତୀୟ ଟିମ୍ ବିଜୟ ହାସଲ କରିଛି । ବୋଲରଙ୍କ ଶାଣିତ ବୋଲିଂ ପରେ ଅଧିନାୟକ ରୋହିତ ଶର୍ମାଙ୍କ ଅର୍ଦ୍ଧଶତକ ଏବଂ ଋଷଭ ପନ୍ତଙ୍କ ଉପଯୋଗୀ ବ୍ୟାଟିଂ ବଳରେ ଭାରତ ଟି-୨୦ ବିଶ୍ଵକପର ନିଜର ପ୍ରଥମ ମ୍ୟାଚ୍ରେ ଆୟରଲାଣ୍ଡକୁ ପରାସ୍ତ କରିଛି। ଏଥିସହ ରୋହିତ ବାହିନୀ ବିଜୟରୁ ନିଜର ଅଭିଯାନ ଆରମ୍ଭ କରିଛି।
ଆୟରଲାଣ୍ଡ ଦ୍ଵାରା ଧାର୍ଯ୍ୟ ୯୭ ରନର ବିଜୟ ଲକ୍ଷ୍ୟକୁ ଭାରତ ୧୨.୨ ଓଭରରେ କେବଳ ୨ ଓ୍ଵିକେଟ୍ ହରାଇ ହାସଲ କରିନେଇଛି। ରୋହିତ ଶର୍ମା ୫୨ ରନ କରି ରିଟାୟର୍ଡ ହଟ୍ ହୋଇଥିଲେ। ଋଷଭ ପନ୍ତ ୩୬ ରନର ଅପରାଜିତ ଇନିଂସ ଖେଳିଛନ୍ତି।
ପ୍ରଥମେ ବ୍ୟାଟିଂ କରିଥିବା ଆୟରଲାଣ୍ଡ ୧୬ ଓଭରରେ ୯୬ ରନରେ ଅଲଆଉଟ୍ ହୋଇଥିଲା। ଡେଲାନି ସର୍ବାଧିକ ୨୬ ରନ କରିଥିଲେ। ବୋଲିଂରେ ଭାରତ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ସର୍ବାଧିକ ୨୭ ରନ ଦେଇ ୩ଟି ଓ୍ଵିକେଟ୍ ନେଇ ଥିବା ବେଳେ ଯଶପ୍ରୀତ ବୁମରା ଓ ଅର୍ଶଦୀପ ସିଂ ୨ଟି ଲେଖାଏଁ ଓ୍ଵିକେଟ୍ ନେଇଥିଲେ।
