ମୁମ୍ୱାଇ,୨୫/୦୧: ବଲିଉଡର ଜଣାଶୁଣା ଗାୟକ କୁମାର ସାନୁ ତାଙ୍କର ବୃତ୍ତିଗତ ଓ ବ୍ୟକ୍ତିଗତ କାର୍ଯ୍ୟକୁ ନେଇ ସବୁବେଳେ ଖୁବ ଚର୍ଚ୍ଚାରେ ଥାନ୍ତି । ବର୍ତ୍ତମାନ ତାଙ୍କ ପୂର୍ବ ପତ୍ନୀ ରୀତା ଭଟ୍ଟାଚାର୍ଯ୍ୟଙ୍କ ମଧ୍ୟରେ ଲାଗି ରହିଥିବା ବିବାଦକୁ ନେଇ ଚର୍ଚ୍ଚାରେ ଅଛନ୍ତି । ନିକଟରେ, କୁମାର ସାନୁ ତାଙ୍କ ପୂର୍ବ ପତ୍ନୀଙ୍କ ବିରୋଧରେ ମାନହାନି ମାମଲା ରୁଜୁ କରିଥିବା ବେଳେ ଏବେ ସେ ଏହି ମାମଲା ଜିତିଛନ୍ତି। ହାଇକୋର୍ଟ ଗାୟକଙ୍କ ବିରୋଧରେ ରୀତା ଭଟ୍ଟାଚାର୍ଯ୍ୟଙ୍କ କହିବାର କ୍ଷମତା ଉପରେ ଏକ ସୀମା ଧାର୍ଯ୍ୟ କରିଛନ୍ତି। ଯାହା ତାଙ୍କୁ କୌଣସି ବିବାଦୀୟ ସାକ୍ଷାତକାର ଦେବାରୁ ମନା କରାଯାଇଛି।
ତେବେ ଗତବର୍ଷ କୁମାର ସାନୁ ରୁଜୁ କରିଥିବା ମାନହାନି ମାମଲାରେ ବୁଧବାର ବମ୍ବେ ହାଇକୋର୍ଟ ତାଙ୍କୁ ମଧ୍ୟବର୍ତ୍ତୀକାଳୀନ ଆଶ୍ୱସ୍ତି ପ୍ରଦାନ କରିଛନ୍ତି। ସାନୁ ଅଭିଯୋଗ କରିଥିଲେ ଯେ, ତାଙ୍କ ପୂର୍ବ ପତ୍ନୀ ରୀତା ଭଟ୍ଟାଚାର୍ଯ୍ୟ ଦେଇଥିବା ଅନେକ ସାକ୍ଷାତକାର ତାଙ୍କ ଭାବମୂର୍ତ୍ତିକୁ କ୍ଷତି ପହଞ୍ଚାଇଛି। ଜଷ୍ଟିସ୍ ମିଲିନ୍ଦ ନିର୍ଦ୍ଦେଶ ଦେଇଛନ୍ତି ଯେ ରୀତା ଭଟ୍ଟାଚାର୍ଯ୍ୟ ଏବଂ କିଛି ସ୍ୱାଧୀନ ଗଣମାଧ୍ୟମ ପ୍ଲାଟଫର୍ମକୁ ସାନୁ କିମ୍ବା ତାଙ୍କ ପରିବାର ବିଷୟରେ କୌଣସି ପ୍ରକାରର ମାନହାନିଜନକ, ମିଥ୍ୟା କିମ୍ବା ଅପମାନଜନକ ଲେଖିବା,କହିବା, ପୋଷ୍ଟ କରିବା, ପ୍ରକାଶ କରିବା କିମ୍ବା ପ୍ରସାରଣ କରିବାରୁ ମନା କରାଯାଉ। ଏହି ମାମଲାରେ ତାଙ୍କ ସପକ୍ଷରେ ରାୟ ଆସିବା ପରେ କୁମାର ସାନୁ ଏବେ ବହୁତ ଖୁସି। କୁମାର ସାନୁ କହିଛନ୍ତି, "ମୋର ମର୍ଯ୍ୟାଦା ବଜାୟ ରଖିବା ପାଇଁ ମୁଁ ମାନ୍ୟବର ବମ୍ବେ ହାଇକୋର୍ଟ ଏବଂ ମୋର ଓକିଲଙ୍କ ପ୍ରତି କୃତଜ୍ଞ। ମୋର ସମର୍ପଣ ବର୍ଷ ବର୍ଷର କଠିନ ପରିଶ୍ରମର ଫଳାଫଳ। ମୋ ଫେମ୍ ଏବଂ ଆମର ସମ୍ମାନକୁ କ୍ଷୁର୍ଣ୍ଣ କରୁଥିବା ଅପମାନଜନକ ବୟାନ ଯୋଗୁଁ ମୋ ପରିବାର କେବେ ବି କଷ୍ଟ ପାଇବା ଉଚିତ୍ ନୁହେଁ।" ପ୍ରକାଶ ଥାଉକି, କୁମାର ସାନୁଙ୍କ ପୂର୍ବ ପତ୍ନୀ ରୀତା ଭଟ୍ଟାଚାର୍ଯ୍ୟ ସାକ୍ଷାତକାରରେ ତାଙ୍କ ଗର୍ଭାବସ୍ଥାରେ ତାଙ୍କୁ ନିର୍ଯାତନା ଦେବା, ତାଙ୍କୁ ଖାଦ୍ୟ ଏବଂ ଚିକିତ୍ସା ପ୍ରଦାନ କରିବାକୁ ମନା କରିବା ଅଭିଯୋଗ କରିଛନ୍ତି।
