ନୂଆଦିଲ୍ଲୀ,୦୯/୦୫; ଦେଶର ନୂଆ CDS ନିଯୁକ୍ତ କରିଛନ୍ତି କେନ୍ଦ୍ର ସରକାର । ଲେଫ୍ଟନାଲ ଜେନେରାଲ ଅବସରପ୍ରାପ୍ତ ଏନ୍.ଏସ୍ ରାଜା ସୁବ୍ରମଣି ନୂଆ ସିଡିଏସ୍ । ସୁବ୍ରମଣିଙ୍କ ହାତରେ ରହିବ ତିନୋଟି ସେନାର କମାଣ୍ଡ । CDS ଅନିଲ ଚୌହ୍ବାନଙ୍କ ସ୍ଥାନ ନେବେ ସୁବ୍ରମଣି । ସିଡିଏସ୍ ଅନିଲ ଚୌହାନଙ୍କ କାର୍ଯ୍ୟକାଳ ମେ ୩୦ରେ ସରିବ । ଏହାପରେ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ପଦ ସମ୍ଭାଳିବେ ଏନ୍ ଏସ୍ ସୁବ୍ରମଣି । ଭାଇସ୍ ଆଡମିରାଲ୍ କ୍ରିଷ୍ଣା ସ୍ବାମୀନାଥନ ହେବେ ପରବର୍ତ୍ତୀ ନୌସେନା ମୁଖ୍ୟ । ନୌସେନା ମୁଖ୍ୟ ଭାବେ ଆସନ୍ତା ୩୧ ତାରିଖରେ ଦାୟିତ୍ବ ନେବେ ସ୍ବାମୀନାଥନ । ୨୦୨୮ ଡିସେମ୍ବର ୩୧ ତାରିଖ ପର୍ଯ୍ୟନ୍ତ ସେ ନୌସେନା ମୁଖ୍ୟ ରହିବେ । ବର୍ତ୍ତମାନ ସେ ମୁମ୍ବାଇରେ ୱେଷ୍ଟର୍ଣ୍ଣ ନୌସେନା କମାଣ୍ଡର ଅଛନ୍ତି ।
ରାଜା ସୁବ୍ରମଣି କିଏ ? ସେପ୍ଟେମ୍ବର ୨୦୨୫ ଠାରୁ ବର୍ତ୍ତମାନ ପର୍ଯ୍ୟନ୍ତ ଲେଫ୍ଟେନାଣ୍ଟ ଜେନେରାଲ୍ ଏନ୍.ଏସ୍. ରାଜା ସୁବ୍ରମଣି ଜାତୀୟ ସୁରକ୍ଷା ପରିଷଦ ସଚିବାଳୟରେ ସେନା ପରାମର୍ଶଦାତା ଭାବେ କାର୍ଯ୍ୟରତ ଥିଲେ । ଏହାପୂର୍ବରୁ ସେ ୧ ଜୁଲାଇ ୨୦୨୪ ଠାରୁ ୩୧ ଜୁଲାଇ ୨୦୨୫ ପର୍ଯ୍ୟନ୍ତ ଭାରତୀୟ ସ୍ଥଳସେନାର ଉପ-ପ୍ରମୁଖ ଭାବେ କାର୍ଯ୍ୟ କରିଥିଲେ । ମାର୍ଚ୍ଚ ୨୦୨୩ ଠାରୁ ଜୁନ ୨୦୨୪ ପର୍ଯ୍ୟନ୍ତ ସେ ମଧ୍ୟ କମାଣ୍ଡର ଜେନେରାଲ୍ ଅଫିସର କମାଣ୍ଡିଂ-ଇନ୍-ଚିଫ୍ ଭାବେ ଦାୟିତ୍ୱ ତୁଲାଇଥିଲେ । ଲେଫ୍ଟନାଣ୍ଟ ଜେନେରାଲ (ଅବସରପ୍ରାପ୍ତ) ଏନଏସ ରାଜା ସୁବ୍ରମଣି ପ୍ରାୟ ୩୯ ବର୍ଷ ଧରି ଭାରତୀୟ ସେନାରେ କାର୍ଯ୍ୟ କରିଥିଲେ। ଉପ-ସେନା ମୁଖ୍ୟ (VCOAS) ଭାବରେ ଅବସର ନେବା ପରେ, ସେ ଜାତୀୟ ସୁରକ୍ଷା ପରିଷଦ ସଚିବାଳୟ (NSCS)ରେ ସାମରିକ ପରାମର୍ଶଦାତା ଭାବରେ ମଧ୍ୟ କାର୍ଯ୍ୟ କରିଥିଲେ। ପ୍ରାରମ୍ଭିକ ଶିକ୍ଷା ପରେ, ଏନଏସ ରାଜା ସୁବ୍ରମଣି ଜାତୀୟ ପ୍ରତିରକ୍ଷା ଏକାଡେମୀ (NDA), ଖଡକୱାସଲା ଏବଂ ଭାରତୀୟ ସାମରିକ ଏକାଡେମୀ (IMA), ଡେରାଡୁନରେ ସାମରିକ ତାଲିମ ଗ୍ରହଣ କରିଥିଲେ। ସେ ଲଣ୍ଡନର କିଙ୍ଗସ୍ କଲେଜରୁ କଳାରେ ମାଷ୍ଟର ଡିଗ୍ରୀ ଏବଂ ମାଡ୍ରାସ ବିଶ୍ୱବିଦ୍ୟାଳୟରୁ ପ୍ରତିରକ୍ଷା ଅଧ୍ୟୟନରେ ଏମଫିଲ୍ ଡିଗ୍ରୀ ହାସଲ କରିଥିଲେ ।
ଏନଏସ ରାଜା ସୁବ୍ରମଣି ଡିସେମ୍ବର ୧୯୮୫ରେ ଭାରତୀୟ ସେନାର ଗଢ଼ୱାଲ ରାଇଫଲ୍ସ ରେଜିମେଣ୍ଟରେ କମିଶନ ହୋଇଥିଲେ । ତାଙ୍କର ଦୀର୍ଘ ସାମରିକ କ୍ୟାରିୟର ସମୟରେ, ସେ ଦେଶର ଉତ୍ତର ଏବଂ ପଶ୍ଚିମ ସୀମାରେ ଅନେକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଗ୍ରହଣ କରିଥିଲେ ଏବଂ କାର୍ଯ୍ୟକ୍ଷମ ପ୍ରସ୍ତୁତିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ମାର୍ଚ୍ଚ ୨୦୨୩ରୁ ଜୁନ ୨୦୨୪ ପର୍ଯ୍ୟନ୍ତ, ସେ ଲକ୍ଷ୍ନୌ ସ୍ଥିତ ଭାରତୀୟ ସେନାର କେନ୍ଦ୍ରୀୟ କମାଣ୍ଡର ଜେନେରାଲ ଅଫିସର କମାଣ୍ଡିଂ-ଇନ୍-ଚିଫ୍ ଭାବରେ କାର୍ଯ୍ୟ କରିଥିଲେ ।
ଏହା ବି ପଢନ୍ତୁ... West Bengal CM: ପଶ୍ଚିମବଙ୍ଗର ନୂଆ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ, ଆଜି ବ୍ରିଗେଡ ପରେଡ ଗ୍ରାଉଣ୍ଡରେ ନେବେ ଶପଥ
କିଏ କ୍ରିଷ୍ଣା ସ୍ବାମୀନାଥନ ? ଭାରତ ସରକାର ଭାଇସ୍ ଆଡମିରାଲ କୃଷ୍ଣ ସ୍ୱାମୀନାଥନଙ୍କୁ ଭାରତୀୟ ନୌସେନାର ପରବର୍ତ୍ତୀ ମୁଖ୍ୟ ଭାବେ ନିଯୁ୍କ୍ତ କରିଛନ୍ତି । ବର୍ତ୍ତମାନର ନୌସେନା ମୁଖ୍ୟଙ୍କ କାର୍ଯ୍ୟକାଳ ସରିବା ପରେ ମେ ୩୧, ୨୦୨୬ରେ ଦାୟିତ୍ୱ ଗ୍ରହଣ କରିବେ କ୍ରିଷ୍ଣା ସ୍ୱାମୀନାଥନ । ୨୦୨୮ ଡିସେମ୍ବର ୩୧ ଯାଏ ସେ ଏହି ପଦବୀରେ ରହିବେ । ବର୍ତ୍ତମା୍ନ ମୁମ୍ବାଇ ସ୍ଥିତ ପଶ୍ଚି ନୌସେନା କମାଣ୍ଡର ଫ୍ଲାଗ୍ ଅଫିସର କମାଣ୍ଡିଂ ଇନ୍ ଚିଫ୍ ଭାବରେ କାର୍ଯ୍ୟ କରୁଛନ୍ତି ସ୍ୱାମୀନାଥନ । ଭାରତୀୟ ନୌସେନାରେ ଏକ ବିଶିଷ୍ଟ ଏବଂ ଲମ୍ବା କ୍ୟାରିୟର ରହିଛି । ତେଣୁ ସରକାର ତାଙ୍କୁ ନୌସେନାର ନେତୃତ୍ୱ ନେବା ପାଇଁ ନିଯୁକ୍ତ କରିଛନ୍ତି । ୧୯୮୭ ଜୁଲାଇ ୧ରେ ନୌସେନାରେ ନିଯୁକ୍ତି ପାଇଥିଲେ ସ୍ୱାମୀନାଥନ । ଜଏଣ୍ଟ ସର୍ଭିସେସ୍ କମାଣ୍ଡ ଏବଂ ଷ୍ଟାଫ୍ କଲେଜ ଏବଂ ଯୁକ୍ତରାଷ୍ଟ୍ରର ନୌସେନା ଯୁଦ୍ଧ କଲେଜରେ ମଧ୍ୟ ଯୋଗଦାନ କରିଛନ୍ତି । ସେ କଲେଜ ଅଫ୍ ନୌସେନା ସହିତ ଜଡ଼ିତ ଅଛନ୍ତି । ନୌସେନା ମୁଖ୍ୟ ଭାବେ ଭାଇସ୍ ଆଡମିରାଲ ସ୍ୱାମୀନାଥଙ୍କ ଉପରେ ଭାରତୀୟ ସାମୁଦ୍ରିକ ସୀମା ସୁରକ୍ଷା ଏବଂ ନୌସେନାର ଆଧୁନିକୀକରଣ କରିବାର ଗୁରୁତ୍ୱପୂର୍ଣ୍ଣ ଦାୟିତ୍ୱ ରହିବ ।
CDS ପଦବୀ କଣ ? ଭାରତୀୟ ସଶସ୍ତ୍ର ବାହିନୀର ସର୍ବୋଚ୍ଚ ପଦବୀ ହେଉଛି ଚିଫ୍ ଅଫ୍ ଡିଫେନ୍ସ ଷ୍ଟାଫ । ଯାହା ସ୍ଥଳସେନା, ନୌସେନା ଏବଂ ବାୟୁସେନା ମଧ୍ୟରେ ଉତ୍ତମ ସମନ୍ୱୟ ରକ୍ଷା କରିଥାନ୍ତି । ସରକାରଙ୍କ ପ୍ରମୁଖ ସାମରିକ ପରାଦର୍ଶଦାତା ଭାବରେ କାର୍ଯ୍ୟ କରନ୍ତି ଏବଂ ପ୍ରତିରକ୍ଷା କ୍ଷେତ୍ରରେ ସଂସ୍କାର ଏବଂ ଥିଏଟର କମାଣ୍ଡ ପ୍ରତିଷ୍ଠାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି । ଜେନେରାଲ ଅନିଲ ଚୌହାନଙ୍କ ପରେ, ଲେପ୍ଟନାଣ୍ଟ ଜେନେରାଲ ସୁବ୍ରମଣି ଭାରତୀୟ ପ୍ରତିରକ୍ଷା ବ୍ୟବସ୍ଥାକୁ ଆହୁରି ଆଧୁନିକୀକରଣ ଏବଂ ସମନ୍ୱିତ କରିବା ତାଙ୍କର ଦାୟିତ୍ୱ । ଦେଶର ପ୍ରଥମ ସିଡିଏସ୍ ଥିଲେ ବିପିନ ରାୱତ ।
