ମୁମ୍ବାଇ,୧୭/୧୦: ବଲିଉଡର ଜଣାଶୁଣା ଅଭିନେତ୍ରୀ ରାଧିକା ଆପଟେ । ଫ୍ୟାନ୍ସକୁ ଦେଇଛନ୍ତି ଖୁସି ଖବର । ଅଭିନେତ୍ରୀ ଖୁବଶୀଘ୍ର ହେବାକୁ ଯାଉଛନ୍ତି ମାଆ। ନିକଟରେ ସୋସିଆଲ ମିଡିଆରେ ଅଭିନେତ୍ରୀଙ୍କ ଏକ ଫଟୋ ସାମ୍ନାକୁ ଆସିଛି। ଯେଉଁଥିରେ ସେ ତାଙ୍କର ବେବି ବମ୍ପ ଦେଖାଇଥିବା ନଜର ଆସିଛନ୍ତି । ଯାହାକୁ ଦେଖି ଫ୍ୟାନ୍ସମାନେ ଅଭିନନ୍ଦନ ଜଣାଇଛନ୍ତି ।
ସୂଚନା ଅନୁସାରେ, ନିକଟରେ ରାଧିକା ତାଙ୍କ ଫିଲ୍ମ ସିଷ୍ଟର ମିଡନାଇଟ ପ୍ରିମିୟରରେ ନଜର ଆସିଥିଲେ । ଏହି ସମୟରେ ସେ ଏକ କଳା ରଙ୍ଗର ଡ୍ରେସ ପିନ୍ଧିଥିଲେ । ଆଉ ସେଥିରେ ସମସ୍ତଙ୍କର ଦୃଷ୍ଟି ଆକର୍ଷଣ କରିଥିଲା ଅଭିନେତ୍ରୀଙ୍କ ବେବି ବମ୍ପ । ଅଭିନେତ୍ରୀଙ୍କ ଲୁକ୍ ଦେଖି ତାଙ୍କୁ ସମସ୍ତେ ପ୍ରଶଂସା କରିଥିଲେ । ଏଥିସହ ସେଲିବ୍ରିଟିଠୁ ନେଇ ଫ୍ୟାନ୍ସଙ୍କ ପର୍ଯ୍ୟନ୍ତ ସମସ୍ତେ ଅଭିନନ୍ଦନ ଜଣାଇଥିଲେ । ତେବେ ରାଧିକା ନିଜେ ଇନଷ୍ଟାଗ୍ରାମରେ ଏହି ଇଭେଣ୍ଟର ଫଟୋ ସେୟାର କରିଛନ୍ତି। ଅଭିନେତ୍ରୀ ସେୟାର କରିଥିବା ପୋଷ୍ଟର କ୍ୟାପସନରେ ଏହା ଲେଖାଯାଇଛି ଯେ 'ସିଷ୍ଟର ମିଡନାଇଟ୍ ପ୍ରିମିୟର୍' । ତେବେ ରାଧିକାଙ୍କ ଏହି ପୋଷ୍ଟରେ ୟୁଜର୍ସ ଖୁବ୍ କମେଣ୍ଟ କରୁଛନ୍ତି।
ଏନେଇ ଜଣେ ୟୁଜର୍ସ ଏହି ପୋଷ୍ଟରେ ଲେଖିଛନ୍ତି ଯେ, ଆପଣଙ୍କୁ ଅନେକ ଅନେକ ଅଭିନନ୍ଦନ । ଅନ୍ୟ ଜଣେ ଲେଖିଛନ୍ତି ଯେ ଅନେକ ଶୁଭେଚ୍ଛା । ସେହିପରି ତୃତୀୟ ଜଣକ କହିଛନ୍ତି, ଅନେକ ଅଭିନନ୍ଦନ, ଆପଣ ବହୁତ ସୁନ୍ଦର ଦେଖାଯାଉଛନ୍ତି । ପ୍ରକାଶ ଥାଉକି, ରାଧିକା ବ୍ରିଟିଶ ମ୍ୟୁଜିକ କମ୍ପୋଜର ବେନେଡିକ୍ଟ ଟେଲରଙ୍କୁ ବିବାହ କରିଛନ୍ତି। ବିବାହର ୧୨ ବର୍ଷ ପରେ ଅଭିନେତ୍ରୀ ମା ହେବାକୁ ଯାଉଛନ୍ତି । ରାଧିକା ତାଙ୍କ ବିବାହ ବିଷୟରେ କାହାକୁ ଜଣାଇ ନଥିଲେ । ସେ ସିକ୍ରେଟଲି ବିବାହ କରିଥିଲେ। ବଲିଉଡରେ ବହୁତ କମ୍ ଲୋକ ଜାଣିଥିଲେ ଯେ ଅଭିନେତ୍ରୀ ବିବାହିତ । କିନ୍ତୁ ବର୍ତ୍ତମାନ ଅଭିନେତ୍ରୀ ନିଜେ ତାଙ୍କ ଫଟୋକୁ ସେୟାର କରିଛନ୍ତି ।
