ନୂଆଦିଲ୍ଲୀ,୧୫/୧୧: ଇସ୍ରାଏଲ ଏବଂ ଲେବାନନ୍ ମଧ୍ୟରେ ଯୁଦ୍ଧ ଶେଷ ହେଉବାର ନାଁ ନେଉନାହିଁ। ହିଜବୁଲ୍ଲାହ ଦାବି କରିଛି ଯେ ଏହା ବର୍ତ୍ତମାନ ଲେବାନନ ସୀମାଠାରୁ ପ୍ରାୟ ୧୨୦ କିଲୋମିଟର ଦୂରରେ ଥିବା ତେଲ ଆଭିବରେ ଥିବା ଗୁଇନ୍ଦା ସାମରିକ ଶିବିରକୁ ଟାର୍ଗେଟ କରିଛି। ଅଲ ଜଜିରା ରିପୋର୍ଟରେ ଏହି ସୂଚନା ସାମ୍ନାକୁ ଆସିଛି। ହିଜବୁଲ୍ଲାହ କହିଛି ଯେ, ଟାର୍ଗେଟକୁ ପୂରା କରିବା ପାଇଁ ଏହା ଅନେକ କ୍ଷେପଣାସ୍ତ୍ର ବ୍ୟବହାର କରିଛି। ଏ ସମ୍ପର୍କରେ ହିଜବୁଲ୍ଲାହ କହିଛି ଯେ, ଏହି କ୍ଷେପଣାସ୍ତ୍ର ଇସ୍ରାଏଲ୍ ସେନାର ମିଲିଟାରୀ ଇଣ୍ଟେଲିଜେନ୍ସ ଡିଭିଜନର ଅଟେ। ତେବେ ତମାମ ଆକ୍ରମଣକୁ ନେଇ ଇସ୍ରାଏଲ୍ ସେନା ଏପର୍ଯ୍ୟନ୍ତ କୌଣସି ମନ୍ତବ୍ୟ ଦେଇନାହିଁ।'
୩୦ ରୁ ଅଧିକ ଆକ୍ରମଣ:
ଆଜି ୩୦ ରୁ ଅଧିକ ଆକ୍ରମଣରେ ହିଜବୁଲ୍ଲାହ କହିଛି ଯେ ଏହା କିରିୟତ ଶୋମୋନା ବସ୍ତି ତଥା ଲେବାନନ ସୀମା ନିକଟରେ ଥିବା ଅନ୍ୟ ସମ୍ପ୍ରଦାୟ ଆଡକୁ ଆକ୍ରମଣ କରିଛି। ଏହାପୂର୍ବରୁ ଲେବାନନର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ବାଲବେକ-ହରମେଲ ଗଭର୍ଣ୍ଣରରେ ବାଲବେକ ସହରର ଚାରିପାଖରେ ଏକ ନାଗରିକ ପ୍ରତିରକ୍ଷା କେନ୍ଦ୍ରକୁ ଏୟାର ଷ୍ଟ୍ରାଇକ କରାଯାଇଛି।
ଇସ୍ରାଏଲ ଆକ୍ରମଣରେ ମରିଥିଲେ ୨୦୦ ହିଜବୁଲ୍ଲାହ ଆତଙ୍କୀ:
ତେବେ ହିଜବୁଲ୍ଲାହ କରିଥିବା ଆକ୍ରମଣ ବେଳେ ୨୦ ଜଣ ସଦସ୍ୟ ଶିବିର ଭିତରେ ଥିବା କୁହାଯାଇଛି। ଅଲ ଜଜିରା ଅନୁଯାୟୀ, ବାଲବେକ-ହରମେଲ ଗଭର୍ଣ୍ଣର ମଧ୍ୟ ଏକ୍ସ ଉପରେ ହୋଇଥିବା ଆକ୍ରମଣ ବିଷୟରେ ପୋଷ୍ଟ କରିଛନ୍ତି। ଏହି ପୋଷ୍ଟରୁ କୁହାଯାଇଛି ଯେ ଉକ୍ତ ସ୍ଥାନରୁ ୧୨ ଟି ମୃତଦେହ ଉଦ୍ଧାର କରାଯାଇଛି, କିନ୍ତୁ ବର୍ତ୍ତମାନ ସୁଦ୍ଧା ଧ୍ବଂସାବଶେଷ ସଫା କରିବା ପ୍ରକ୍ରିୟା ଜାରି ରହିଛି। ଗତ ସପ୍ତାହରେ ଇସ୍ରାଏଲର ଏୟାର ଷ୍ଟ୍ରାଇକରେ ପ୍ରାୟ ୨୦୦ ହିଜବୁଲ୍ଲାହ ଆତଙ୍କବାଦୀ ପ୍ରାଣ ହରାଇଥିଲେ ଏବଂ ୧୪୦ ରକେଟ ଲଞ୍ଚର୍ ଧ୍ୱଂସ କରିଥିଲେ ବୋଲି ଇସ୍ରାଏଲ ପ୍ରତିରକ୍ଷା ବାହିନୀ ଗୁରୁବାର ସକାଳେ ପ୍ରକାଶ କରିଛି।
