ପୁରୀ, ୨୩/୫ :  ଶ୍ରୀମନ୍ଦିରରେ ସମସ୍ତ ବିଦ୍ୟୁତ୍ ଉପକରଣର ହେବ ନବୀକରଣ ।୨ କୋଟି ୨୨ ଲକ୍ଷ ଟଙ୍କା ଯୋଗାଇଦେବ ଅଏଲ୍ ଇଣ୍ଡିଆ ଲିମିଟେଡ । ଏ ନେଇ ଆଜି ଶ୍ରୀମନ୍ଦିର ପ୍ରଶାସନ ସହ ଏକ MOUସ୍ୱାକ୍ଷର ହୋଇଛି । ଶ୍ରୀମନ୍ଦିରରେ ସୁରକ୍ଷା ଓ ନିରାପତ୍ତା ପାଇଁ ଏହି କାର୍ଯ୍ୟ ନିହାତି ଜରୁରୀ ବୋଲି କହିଛନ୍ତି ଅଏଲ ଇଣ୍ଡିଆର ଚିଫ୍ ମ୍ୟାନେଜର ସଞ୍ଜୀବ ଗୋଗୋଇ। 

ଶ୍ରୀମନ୍ଦିରକୁ ମହାପ୍ରଭୁଙ୍କ ଦର୍ଶନ ପାଇଁ ପ୍ରତିଦିନ ହଜାର ହଜାର ଭକ୍ତ ଆସୁଥିବାବେଳେ ବିଭିନ୍ନ ସ୍ଥାନରେ ବିଦ୍ୟୁତ ସରଞ୍ଜାମ ଗୁଡ଼ିକ ପୁରୁଣା ହୋଇଗଲାଣି। ବିଭିନ୍ନ ସମୟରେ ଏଥିରେ ଅଘଟଣ ଘଟିବାର ସମ୍ଭାବନା ମଧ୍ୟ ରହିଛି। ସ୍ପାର୍କିଂ ଭଳି ଘଟଣା ଅନେକ ସମୟରେ ସାମ୍ନାକୁ ଆସିଛି । ତେଣୁ ପରବର୍ତ୍ତୀ ପର୍ଯ୍ୟାୟରେ ଶ୍ରୀମନ୍ଦିର ପ୍ରଶାସନ ଅଏଲ ଇଣ୍ଡିଆ ଯୋଗଦାନ ରାଶି ସହାୟତାରେ ନୂତନ ବିଦ୍ୟୁତ୍ ଉପକରଣ କାର୍ଯ୍ୟ କରାଇବା ସହ ଏ ନେଇ ଖୁବଶୀଘ୍ର ଟେଣ୍ଡର ମଧ୍ୟ ହେବ ବୋଲି ସୂଚନା ଦେଇଛନ୍ତି ଅଏଲ୍ ଇଣ୍ଡିଆ ଅଧିକାରୀ। ଶ୍ରୀମନ୍ଦିର କାର୍ଯ୍ୟାଳୟରେ ଅନୁଷ୍ଠିତ MOU ସ୍ବାକ୍ଷର ସମୟରେ ନୀତି ପ୍ରଶାସକ, ଉନ୍ନୟନ ପ୍ରଶାସକଙ୍କ ସହିତ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।