ନାଗପୁର : ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ତଥା ଏନସିପି (ଶରଦ ଗ୍ରୁପ୍) ନେତା ଅନିଲ ଦେଶମୁଖଙ୍କୁ ଆକ୍ରମଣ। ତାଙ୍କ ସମର୍ଥକଙ୍କ ଦାବି କି ନାଗପୁରର କାଟୋଲ ବିଧାନସଭା ଅଞ୍ଚଳରେ ତାଙ୍କ ଉପରକୁ ଆକ୍ରମଣ କରାଯାଇଛି। କାଟୋଲରୁ ଅନିଲ ଦେଶମୁଖଙ୍କ ପୁଅ ସଲିଲ ଦେଶମୁଖ ନିର୍ବାଚନ ଲଢୁଛନ୍ତି। ଅନିଲ ଦେଶମୁଖଙ୍କ କାର ଉପରକୁ ପଥର ମାଡ଼ ହୋଇଛି , ଯେଉଁଥିରେ ସେ ଆହତ ହୋଇଛନ୍ତି। ନାଗପୁରର କାଟୋଲ ବିଧାନସଭା ଅଞ୍ଚଳର ନରଖେଡ୍ରୁ ନିର୍ବାଚନ ସଭା ଶେଷ କରି ତିନି-ଖେଡା ବିଷ୍ଣୁର ମାର୍ଗରୁ ଅନିଲ ଦେଶମୁଖ କାଟୋଲ ସିଟି ଆଡକୁ ଆସୁଥିଲେ। ସେତେବେଳେ ଜଲାଲଖେଡା ରୋଡ୍ରେ କିଛି ଅଜଣା ଦୁର୍ବୃତ୍ତ ତାଙ୍କ ଗାଡ଼ି ଉପରକୁ ପଥରମାଡ଼ କରିଥିଲେ।
ଏହି ପଥର ମାଡ଼ରେ ଅନିଲ ଦେଶମୁଖଙ୍କ ମୁଣ୍ଡରେ ଆଘାତ ଲାଗିଛି। ତାଙ୍କୁ କାଟୋଲର ହସ୍ପିଟାଲରେ ଚିକିତ୍ସା ପାଇଁ ନିଆ ଯାଇଛି। ସେ ନିଜ ପୁଅ ସଲିଲ ଦେଶମୁଖଙ୍କ ପାଇଁ ନିର୍ବାଚନ ପ୍ରଚାର କରିବାକୁ କାଟୋଲ ଯାଇ ଥିଲେ। ହମଲା ପଛର ଉଦ୍ଦେଶ୍ୟ ଓ ଅପରାଧିକଙ୍କ ପରିଚୟ ସ୍ପଷ୍ଟ ନାହିଁ। ପୁଲିସ ଘଟଣାର ଯାଞ୍ଚ ଆରମ୍ଭ କରି ଦେଇଛି ଏବଂ ଆକ୍ରମଣକାରୀଙ୍କର ଚିହ୍ନଟ କରିବାର କାମ କରୁଛନ୍ତି। ଯାଞ୍ଚ ଆଗକୁ ବଢିବାରେ ଏବଂ ଅଧିକ ସୂଚନା ମିଳିବାର ଆଶା ରହିଛି।
ଅନିଲ ଦେଶ ମୁଖଙ୍କର ଗାଡ଼ି ଯେବେ ରାସ୍ତା ଦେଇ ଯାଉ ଥିଲା ତ ପଥରମାଡ଼ କରାଯାଇ ଥିଲା। ପଥର ତାଙ୍କ କାରର ୱିଣ୍ଡଶିଲ୍ଡରେ ଆସି ଖସି ପଡ଼ିଥିଲା ଏବଂ ସାମନାର କାଚ ଭାଙ୍ଗି ଯାଇଥିଲା। ଆଉ ଏକ ପଥର ଆସି ପଛ ୱିଣ୍ଡୋରେ ବାଜି ଥିଲା ଏବଂ ୱିଣ୍ଡୋରର କାଚ ଭାଙ୍ଗି ଯାଇଥିଲା। ଏହି ହମଲାରେ ଅନିଲ ଦେଶମୁଖଙ୍କ ମୁଣ୍ଡରେ ଆଘାତ ଲାଗିଛି। ଘଟଣାସ୍ଥଳରୁ ସାମନାକୁ ଆସିଥିବା ଦୃଶ୍ୟରେ ଦେଶମୁଖଙ୍କ ମୁଣ୍ଡରେ ରକ୍ତସ୍ରାବ ହେବାର ଦେଖିବାକୁ ମିଳୁଛି। ଗାଡ଼ି ଭିତରେ କାଚ ଖଣ୍ଡ ଭାଙ୍ଗି ପଡ଼ିଛି।
ଉଲ୍ଲେଖନୀୟ ଯେ, କାଟୋଲରୁ ଅନିଲ ଦେଖମୁଖ ବିଧାୟକ ଅଛନ୍ତି । ଏହି ଥର ତାଙ୍କର ପୁଅ ସଲିଲ ଏନସିପି (ଶରଦ ପାୱାର)ର ଟିକେଟ୍ରେ ଏଠାରୁ ନିର୍ବାଚନ ଲଢୁଛନ୍ତି । ତାଙ୍କ ବିରୋଧରେ ଭାରତୀୟ ଜନତା ପାର୍ଟି ଚରଣ ସିଂହ ଠାକୁରଙ୍କୁ ମୈଦାନକୁ ଓହ୍ଲାଇଛି।
