ନୂଆଦିଲ୍ଲୀ: ରାଷ୍ଟ୍ରୀୟ ମୁକ୍ତ ବିଦ୍ୟାଳୟ ଶିକ୍ଷା ସଂସ୍ଥାନ (ଏନଆଇଓଏସ୍) ଦଶମ ଶ୍ରେଣୀର ଏପ୍ରିଲ/ମେ ୨୦୨୫ ସେସନରେ ହୋଇଥିବା ପରୀକ୍ଷା ଫଳାଫଳ ଘୋଷଣା କରିଛି। ଯେଉଁ ଛାତ୍ରଛାତ୍ରୀମାନେ ଏହି ପରୀକ୍ଷାରେ ଅଂଶଗ୍ରହଣ କରିଥିଲେ, ସେମାନେ ଏନଆଇଓଏସ୍ର ଆଧିକାରିକ ଓ୍ୱେବସାଇଟ୍ results.nios.ac.in ମାଧ୍ୟମରେ ନିଜର ଫଳାଫଳ ଏବଂ ମାର୍କସିଟ୍ ଡାଉନଲୋଡ୍ କରିପାରିବେ। ଏହା ବ୍ୟତୀତ, ଛାତ୍ରଛାତ୍ରୀମାନେ ଏସଏମଏସ୍ ଏବଂ ଡିଜିଲକର ମାଧ୍ୟମରେ ମଧ୍ୟ ଫଳାଫଳ ଯାଞ୍ଚ କରିପାରିବେ।
ମାର୍କସିଟ୍ ଡାଉନଲୋଡ୍ କରିବା ପାଇଁ କ’ଣ କରିବେ:
1. ଆଧିକାରିକ ଓ୍ୱେବସାଇଟ୍ ପରିଦର୍ଶନ କରନ୍ତୁ। results.nios.ac.in ଲିଙ୍କକୁ ଯାଆନ୍ତୁ।
2. ହୋମପେଜରେ ଆସୁଥିବା ଫଳାଫଳ ଲିଙ୍କ୍ ଚୟନ କରନ୍ତୁ। “Result Declared - Secondary - 30 June 2025” ଲିଙ୍କରେ କ୍ଲିକ୍ କରନ୍ତୁ।
3. ଆପଣଙ୍କର ଏନରୋଲମେଣ୍ଟ ନମ୍ବର ଏବଂ ଦିଆଯାଇଥିବା କ୍ୟାପଚା କୋଡ୍ ଆଦି ଲଗଇନ୍ ତଥ୍ୟ ପୂରଣ କରନ୍ତୁ।
4. ‘ସବମିଟ୍’ ବଟନରେ କ୍ଲିକ୍ କରନ୍ତୁ, ତା’ପରେ ଆପଣଙ୍କର ଫଳାଫଳ ସ୍କ୍ରିନରେ ପ୍ରଦର୍ଶିତ ହେବ।
5. ଫଳାଫଳ ଦେଖିବା ପରେ ମାର୍କସିଟ୍ ଡାଉନଲୋଡ୍ କରି ଏକ ପ୍ରିଣ୍ଟଆଉଟ୍ ରଖନ୍ତୁ।
ଏସଏମଏସ୍ ମାଧ୍ୟମରେ ରେଜଲ୍ଟ ଯାଞ୍ଚ:
- ଆପଣଙ୍କ ମୋବାଇଲରେ ଏସଏମଏସ୍ ଆପ୍ଲିକେସନ୍ ଖୋଲନ୍ତୁ।
- ଫର୍ମାଟ୍: *NIOS10 <ଆପଣଙ୍କର ରୋଲ ନମ୍ବର>* ଟାଇପ୍ କରନ୍ତୁ।
- ଏହାକୁ ୫୬୭୬୭୫୦ ନମ୍ବରକୁ ପଠାନ୍ତୁ।
- ଆପଣଙ୍କୁ ଏସଏମଏସ୍ ମାଧ୍ୟମରେ ଫଳାଫଳ ପ୍ରାପ୍ତ ହେବ।
ଡିଜିଲକର ମାଧ୍ୟମରେ କିପରି ଜାଣିବେ ରେଜଲ୍ଟ:
- ଡିଜିଲକର ଆପ୍ ବା ଓ୍ୱେବସାଇଟ୍ (digilocker.gov.in) ରେ ଲଗଇନ୍ କରନ୍ତୁ।
- ଶିକ୍ଷା ଡକ୍ୟୁମେଣ୍ଟ ବିଭାଗରୁ ଆପଣଙ୍କର ଏନଆଇଓଏସ୍ ମାର୍କସିଟ୍ ଡାଉନଲୋଡ୍ କରନ୍ତୁ।
ମାର୍କସିଟରେ ଛାତ୍ରଙ୍କ ନାମ, ଜନ୍ମ ତାରିଖ, ରୋଲ ନମ୍ବର, ବିଷୟ ଅନୁସାରେ ପ୍ରାପ୍ତ ନମ୍ବର ଏବଂ ପାସ୍/ଫେଲ ସ୍ଥିତି ଆଦି ତଥ୍ୟ ରହିବ। ଡାଉନଲୋଡ୍ ପରେ ଏହି ତଥ୍ୟ ଯାଞ୍ଚ କରି କୌଣସି ତ୍ରୁଟି ଥିଲେ ୩୦ ଦିନ ମଧ୍ୟରେ ସଂଶୋଧନ ପାଇଁ ଆବେଦନ କରନ୍ତୁ। ପ୍ରତି ସଂଶୋଧନ ପାଇଁ ୫୦ ଟଙ୍କା ଶୁଳ୍କ ରାଶି ଦେବାକୁ ପଡ଼ିବ।
ଏନଆଇଓଏସ୍ ଦଶମ ଶ୍ରେଣୀ ପରୀକ୍ଷା ୯ ଏପ୍ରିଲରୁ ୧୯ ମେ ୨୦୨୫ ମଧ୍ୟରେ ଆୟୋଜିତ ହୋଇଥିଲା। ଏନଆଇଓଏସ୍ ଦ୍ୱାରା ଦ୍ୱାଦଶ ଶ୍ରେଣୀର ଫଳାଫଳ ୧୬ ଜୁନ ୨୦୨୫ରେ ଘୋଷଣା କରାଯାଇଥିଲା। ଯେଉଁ ଛାତ୍ରଛାତ୍ରୀମାନେ ପାସ୍ କରିଛନ୍ତି, ସେମାନେ ଏକାଦଶ ଶ୍ରେଣୀରେ ନାମଲେଖା ପାଇଁ ପ୍ରସ୍ତୁତ ହୋଇପାରିବେ। ଯଦି କୌଣସି ଛାତ୍ର ଫେଲ ହୋଇଛନ୍ତି, ତେବେ ସେମାନେ ଏନଆଇଓଏସ୍ର ଅନ-ଡିମାଣ୍ଡ ପରୀକ୍ଷା ମାଧ୍ୟମରେ ପୁନଃ ପରୀକ୍ଷା ଦେଇପାରିବେ।
ଅଧିକ ସୂଚନା ପାଇଁ ଏନଆଇଓଏସ୍ର ଆଧିକାରିକ ଓ୍ୱେବସାଇଟ୍ nios.ac.in କିମ୍ବା results.nios.ac.in ପରିଦର୍ଶନ କରନ୍ତୁ।
