ନୂଆଦିଲ୍ଲୀ, ୩୦/୦୧: ୨୦୨୫ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ ହୋଇଛନ୍ତି ଟେସ୍ଲା, ସ୍ପେସଏକ୍ସ ଓ ଏକ୍ସ ଭଳି କମ୍ପାନୀର ମାଲିକ ଏଲନ ମସ୍କ । ୟୁରୋପୀୟ ସଂସଦର ସ୍ଲୋଭେନିଆନ୍ ସଦସ୍ୟ ବ୍ରାଙ୍କୋ ଗ୍ରିମ୍ସ ତାଙ୍କୁ ମନୋନୀତ କରିଛନ୍ତି । ଗ୍ରିମ୍ସଙ୍କ କହିବା ଅନୁସାରେ ,ଏହି ନାମାଙ୍କନ ମସ୍କଙ୍କ ଅଭିବ୍ୟକ୍ତି ସ୍ୱାଧୀନତାକୁ ସମର୍ଥନ କରିବା । ସଫଳତାର ସହିତ ପ୍ରସ୍ତାବିତ ହୋଇଛି ଯେ ସ୍ବାଧୀନତା ଏବଂ ଶାନ୍ତିର ମୌଳିକ ମାନବାଧିକାରକୁ ନିରନ୍ତର ସମର୍ଥନ କରିଆସୁଥିବା ଏଲନ ମସ୍କଙ୍କୁ ୨୦୨୫ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯିବା ଉଚିତ। ଏହି ଚୟନ ପାଇଁ ତାଙ୍କୁ ସମର୍ଥନ କରିଥିବା ସମସ୍ତଙ୍କ ପ୍ରତି କୃତଜ୍ଞତା ପ୍ରକାଶ କରିଛନ୍ତି ସେ ।
ଏନେଇ ସେ ଆହୁରି ମଧ୍ୟ କହିଛନ୍ତି ଯେ,ଏହି ଚ୍ୟାଲେଞ୍ଜିଂ ପ୍ରକଳ୍ପରେ ସାହାଯ୍ୟ କରିଥିବା ସମସ୍ତ ସହ-ପ୍ରସ୍ତାପକ ଏବଂ ସହକର୍ମୀଙ୍କୁ ହୃଦୟରୁ ଧନ୍ୟବାଦ । ନାମାଙ୍କନର ଏହି ଖବର ପରେ, ଏଲନ ମସ୍କଙ୍କ ସମର୍ଥକମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି । ଡୋଗେକଏନ୍ କ୍ରିପ୍ଟୋକରେନ୍ସି ସହିତ ଜଡିତ ଜଣେ ଡିଜାଇନର ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛା ଜଣାଇ ଲେଖିଛନ୍ତି , ଏଲନ୍ ମସ୍କଙ୍କୁ ଅଭିବ୍ୟକ୍ତିର ସ୍ୱାଧୀନତାକୁ ସୁରକ୍ଷା ଦେବା ପାଇଁ ତାଙ୍କ ପ୍ରୟାସକୁ ସ୍ୱୀକୃତି ଦେବା ପାଇଁ ୨୦୨୫ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରାଯାଇଛି।' ନୋବେଲ ଶାନ୍ତି ପୁରସ୍କାର ପାଇଁ ଚୟନ ପ୍ରକ୍ରିୟା ବିସ୍ତୃତ। ନାମଲେଖାର ଶେଷ ତାରିଖ ଜାନୁଆରୀ ୩୧ । ଏଥିସହ ଏହା ସାଧାରଣତଃ ଅକ୍ଟୋବର ମଧ୍ୟ ଭାଗରେ ଆରମ୍ଭ ହୁଏ । ଶେଷ ତାରିଖ ପରେ, ଫେବୃଆରୀ ମଧ୍ୟ ଭାଗରେ ମୂଲ୍ୟାୟନ ପାଇଁ ନୋବେଲ କମିଟି ନିକଟରେ ମନୋନୟନ ଦାଖଲ କରାଯାଏ। କମିଟି ତା’ପରେ ସମସ୍ତ ବୈଧ ନାମାଙ୍କନ ସମୀକ୍ଷା କରେ ଏବଂ ଅଧିକ ଯାଞ୍ଚ ପାଇଁ ପ୍ରାର୍ଥୀମାନଙ୍କର ଏକ ସଂକ୍ଷିପ୍ତ ତାଲିକା ପ୍ରସ୍ତୁତ ପରେ ସ୍ଥାୟୀ ପରାମର୍ଶଦାତା ଏବଂ ଆନ୍ତର୍ଜାତୀୟ ବିଶେଷଜ୍ଞଙ୍କ ବିଶେଷଜ୍ଞ ରିପୋର୍ଟକୁ ବିଚାରକୁ ନିଆଯାଇ ଚୟନ କରାଯାଏ ।
