କଟକ,୧୮/୬ : ଓଡ଼ିଶା ପୁଲିସ ସଙ୍ଘ ସଭାପତି ପଦବୀ ପାଇଁ ହୋଇଥିବା ନିର୍ବାଚନ ଫଳାଫଳ ଘୋଷଣା ହୋଇଛି। ସଭାପତି ଭାବେ ଅସିତ ଏକପାଖିଆ ବିଜୟୀ ହୋଇଛନ୍ତି । ସେ ତାଙ୍କ ନିକଟତମ ପ୍ରତିଦ୍ବନ୍ଦୀ ଇନ୍ସପେକ୍ଟର ପ୍ରେମ କୁମାର ଜେନାଙ୍କୁ ୩ହଜାର ୨୫୦ଖଣ୍ଡ ଭୋଟରେ ପରାସ୍ତ କରିଛନ୍ତି।  

ଅସିତ ୪ହଜାର ୧୧୮ ଖଣ୍ଡ ଭୋଟ ପାଇଥିବାବେଳେ ପ୍ରେମ କୁମାର ୮୬୮ଖଣ୍ଡ ଭୋଟ ଓ ଅନ୍ୟତମ ପ୍ରାର୍ଥୀ ଜିତେନ୍ଦ୍ର ସିଂ ୬୭୧ ଭୋଟ ପାଇଛନ୍ତି। ସୂଚନାଯୋଗ୍ୟ ଯେ, ଓଡ଼ିଶା ପୁଲିସ ସଙ୍ଘ ସଭାପତି ନିର୍ବାଚନରେ ପ୍ରତ୍ୟକ୍ଷ ଭାବେ ରାଜ୍ୟ ପୁଲିସ ବାହିନୀରେ କାର୍ଯ୍ୟରତ ଏଏସଆଇ, ଏସଆଇ ଓ ଇନ୍ସପେକ୍ଟରମାନେ ଭୋଟ ଦେଇଥିଲେ। ଗତ ୧୩ ଓ ୧୪ ତାରିଖ ଦୁଇ ଦିନ ଧରି ଅନୁଷ୍ଠିତ ହୋଇଥିବା ଏହି ନିର୍ବାଚନରେ ରାଜ୍ୟରେ ସମୁଦାୟ 5ହଜାର ୬୬୭ ଭୋଟ ଦାନ କରିଥିଲେ। ଏଥିରୁ ୧୦ଜଣଙ୍କ ଭୋଟ ନାକଚ ହୋଇଥିଲା।