ନୂଆଦିଲ୍ଲୀ ୨୪/୦୨: ଦକ୍ଷିଣ ସିନେମାର ସବୁଠାରୁ ଲୋକପ୍ରିୟ ଯୋଡ଼ି ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଦାନା ସେମାନଙ୍କ ବିବାହକୁ ନେଇ ଚର୍ଚ୍ଚାରେ। ଦୁଇଜଣ ଆନୁଷ୍ଠାନିକ ଭାବରେ ସେମାନଙ୍କ ସମ୍ପର୍କ ଏବଂ ବିବାହ ଘୋଷଣା କରିଛନ୍ତି । ଯାହାପରେ ପୁରୁଣା ସାକ୍ଷାତକାର, ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଏହି ଭିଡିଓଗୁଡ଼ିକ ମଧ୍ୟରୁ ଗୋଟିଏ ଭିଡିଓ ଏବେ ଶିରୋନାମା ପାଲଟିଛି, ଯେଉଁଥିରେ ବିଜୟଙ୍କ ବାପାମାଆ ସେମାନଙ୍କ ଭବିଷ୍ୟତର ବୋହୂ ପାଇଁ ଇଚ୍ଛା ପ୍ରକାଶ କରୁଥିବାର ଦେଖାଯାଉଛି।

୨୦୧୮ ମସିହାରେ, ବିଜୟଙ୍କ ବାପାମା ଗୀତା ଗୋବିନ୍ଦମ୍ ଫିଲ୍ମର ସଫଳତା ପାଇଁ ଏକ ଇଭେଣ୍ଟରେ ଉପସ୍ଥିତ ଥିଲେ। ସେହି ସମୟରେ, ଜଣେ ଆଙ୍କର ମଜା କରି ପଚାରିଥିଲେ ଯେ ସେମାନେ କି ପ୍ରକାରର ବୋହୂ ଚାହୁଁଛନ୍ତି। ବିଜୟଙ୍କ ମାଆ ମାଧବୀ ଉତ୍ତର ଦେଇଥିଲେ ଯେ ସେ ଏପରି ଜଣେ ବୋହୂ ଚାହୁଁଛନ୍ତି ଯିଏ ତାଙ୍କ ପୁଅର ଭଲ ଯତ୍ନ ନେବ।ସେ ବିଜୟଙ୍କୁ ଭଲ ପାଇବ ଏବଂ ତାଙ୍କ କାମକୁ ବୁଝିବ, କାରଣ ସେ ଫିଲ୍ମ ଇଣ୍ଡଷ୍ଟ୍ରିରେ ଅଛି ଏବଂ ତାର ଜୀବନ ସାଧାରଣ ନୁହେଁ। ବିଜୟଙ୍କ ବାପା ଗୋବର୍ଦ୍ଧନ ରାଓ କହିଥିଲେ ଯେ ବିଜୟଙ୍କ ପସନ୍ଦ ତାଙ୍କର ପସନ୍ଦ ହେବ।ସେମାନେ ଜାତି କିମ୍ବା ଧର୍ମ ବିଷୟରେ ଚିନ୍ତା କରନ୍ତି ନାହିଁ। ତଥାପି, ଯଦି ବୋହୂ ଭାରତୀୟ ହୁଅନ୍ତି, ବିଶେଷକରି ଦକ୍ଷିଣ ଭାରତୀୟ, ତେବେ ସେମାନେ ଖୁସି ହେବେ।

 

ତେବେ ଖାସ କଥା ହେଉଛି, ସେହି ସମୟରେ ରଶ୍ମିକା ଏବଂ ବିଜୟ ଏକାଠି କାମ କରୁଥିଲେ ଏବଂ ସେମାନଙ୍କ ଯୋଡ଼ିକୁ ଦର୍ଶକ ଖୁବ୍ ପସନ୍ଦ କରୁଥିଲେ। । "ଗୀତା ଗୋବିନ୍ଦମ୍" ବ୍ୟତୀତ ସେମାନେ "ଡିୟର କମ୍ରେଡ୍" ରେ ମଧ୍ୟ ଏକାଠି କାମ କରିଥିଲେ। ସେବେଠାରୁ ସେମାନଙ୍କ ସମ୍ପର୍କକୁ ନେଇ ଗୁଜବ ଆରମ୍ଭ ହୋଇଛି।

ଆହୁରି ପଢ଼ନ୍ତୁ...ବିରୋଶ କି ଶାଦୀ: ଜାଣନ୍ତୁ ବିଜୟ-ରଶ୍ମିକାଙ୍କ ପ୍ରେମ କାହାଣୀ