ମୁମ୍ବାଇ ୨୪/୦୨: ବର୍ଷ ବର୍ଷ ଧରି ଚାଲିଥିବା ଗୁଜବ, ସାକ୍ଷାତ ଏବଂ ଅନେକ ପ୍ରଶ୍ନ ପରେ, ଶେଷରେ ସେମାନଙ୍କ ପ୍ରଶଂସକଙ୍କ ସନ୍ଦେହର ଅନ୍ତ ଘଟାଇଛନ୍ତି ବିଜୟ-ରଶ୍ମିକା। ଏହି ଷ୍ଟାର ଦମ୍ପତି ବିବାହ କରିବାକୁ ଯାଉଛନ୍ତି। ସମ୍ପ୍ରତି ଘୋଷଣା କରିଛନ୍ତି ଯେ ସେମାନେ ବିବାହ ବନ୍ଧନରେ ଆବଦ୍ଧ ହେବାକୁ ପ୍ରସ୍ତୁତ ଏବଂ ସେମାନଙ୍କର ପ୍ରଶଂସକଙ୍କ ସମ୍ମାନାର୍ଥେ ଏହାକୁ "ବିରୋଶଙ୍କ ବିବାହ" ନାମ ଦେଇଛନ୍ତି। ଯଦିଓ ରଶ୍ମିକା ଏବଂ ବିଜୟ ଏପର୍ଯ୍ୟନ୍ତ ବିବାହ ତାରିଖ କିମ୍ବା ସ୍ଥାନ ପ୍ରକାଶ କରିନାହାଁନ୍ତି, ତଥାପି ସେମାନେ ଆଜି ଉଦୟପୁରରେ ପହଞ୍ଚିଥିବା ଖବର ରହିଛି ଏବଂ ଜଣାପଡ଼ୁଛି ଯେ ସେମାନେ ଆସନ୍ତା ୨୬ରେ ବିବାହ କରିବେ। ଏହା ପ୍ରାୟ ଆଠ ବର୍ଷର କଳ୍ପନାଜଳ୍ପନାର ଅନ୍ତ ଘଟାଇଛି।
ରଶ୍ମିକା ଏବଂ ବିଜୟଙ୍କ ପ୍ରେମ କାହାଣୀ ୨୦୧୮ର ରୋମାଣ୍ଟିକ ଡ୍ରାମା ଫିଲ୍ମ 'ଗୀଥା ଗୋବିନ୍ଦମ୍'ର ସେଟ୍ରେ ଆରମ୍ଭ ହୋଇଥିଲା। ଯାହା ବକ୍ସ ଅଫିସ୍ରେ ଭଲ ସଫଳତା ପାଇଥିଲା । ଏହି ଯୋଡ଼ି ଦର୍ଶକଙ୍କ ହୃଦୟ ଜିତିଥିଲା, ଏବଂ ସେମାନଙ୍କ ବନ୍ଧୁତା ପରଦା ବାହାରେ ମଧ୍ୟ ଆଲୋଚନାର ବିଷୟ ପାଲଟିଥିଲା। ଗୋଟିଏ ବର୍ଷ ପରେ, ସେମାନେ "ଡିୟର କମ୍ରେଡ୍" ରେ ଏକାଠି ନଜର ଆସିଲେ, ଯାହା ପରଦାରେ ଏକ ସୁପରହିଟ୍ ଯୋଡ଼ି ଭାବରେ ସେମାନଙ୍କର ଲୋକପ୍ରିୟତାକୁ ଆହୁରି ସୁଦୃଢ଼ କରିଥିଲା। ଗତ କିଛି ବର୍ଷ ଧରି, ଦୁଇ ଷ୍ଟାରଙ୍କୁ ପ୍ରାୟତଃ ଏକାଠି ଦେଖାଯାଇଛି, ତାହା ଡିନର୍ ପାର୍ଟିରେ ହେଉ, ହଲିଡେ’ରେ ହେଉ କିମ୍ବା ଇଣ୍ଡଷ୍ଟ୍ରିରସମାବେଶରେ । ତଥାପି, ସର୍ବଦା ସେମାନଙ୍କର ପର୍ସନାଲ ଲାଇଫକୁ ବ୍ୟକ୍ତିଗତ ରଖିବାକୁ ବାଛିଛନ୍ତି।
ସାକ୍ଷାତକାରରେ, ଉଭୟେ କହିଥିଲେ ଯେ ସେମାନଙ୍କ ମଧ୍ୟରେ ଘନିଷ୍ଠ ବନ୍ଧୁତା ରହିଛି, କ୍ନ୍ତୁ ସମ୍ପର୍କ ଗୁଜବକୁ ନା ନିଶ୍ଚିତ କରିଥିଲେ ନା ଅସ୍ୱୀକାର । ବିଜୟ ଏବଂ ରଶ୍ମିକା ଏ ବିଷୟରେ ଚୁପ୍ ରହିଥିଲେ ମଧ୍ୟ, ପ୍ରଶଂସକମାନେ ନିଶ୍ଚିତ ଥିଲେ ଯେ ଉଭୟ ପରସ୍ପରକୁ ବହୁତ ଭଲ ପାଉଛନ୍ତି ଏବଂ ସେମାନେ ଚାହୁଁଥିଲେ ଯେ ଏହି ଅନ-ସ୍କ୍ରିନ୍ ଦମ୍ପତି ବାସ୍ତବ ଜୀବନରେ ମଧ୍ୟ ଖୁସି ରୁହନ୍ତୁ। ୨୦୨୫ ମସିହାର ଶେଷ ଭାଗରେ, ରିପୋର୍ଟ ପ୍ରକାଶ ପାଇଲା ଯେ ଦୁଇ ଅଭିନେତା ପରିବାର ଏବଂ ନିକଟତର ବନ୍ଧୁମାନଙ୍କ ଉପସ୍ଥିତିରେ ଏକ ବ୍ୟକ୍ତିଗତ ଉତ୍ସବରେ ସେମାନେ ନିର୍ବନ୍ଧ କରିଛନ୍ତି। ବିଜୟଙ୍କ ଟିମ୍ ଏହି ଖବରକୁ ନିଶ୍ଚିତ କରିଥିଲେ, ଏବଂ ଉତ୍ସୁକ ପ୍ରଶଂସକମାନେ ପରେ ବିଜୟ ଏବଂ ରଶ୍ମିକାଙ୍କ ହାତରେ ନିର୍ବନ୍ଧ ମୁଦି ଦେଖିଥିଲେ।
ଆହୁରି ପଢ଼ନ୍ତୁ...‘ଆମେ ଏହାକୁ 'ବିରୋଶ' କି 'ଶାଦୀ' କହିବାକୁ ଚାହୁଁଛୁ’…ବିବାହ କନଫର୍ମ କଲେ ରଶ୍ମିକା-ବିଜୟ
ଶେଷରେ ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ଏହି ଖବରଟି ନିଶ୍ଚିତ ହୋଇଥିଲା, ଯେଉଁଠାରେ ଦମ୍ପତି ସେମାନଙ୍କ ପ୍ରଶଂସକମାନଙ୍କୁ ସମ୍ମାନ ଜଣାଇ ସେମାନଙ୍କ ବିବାହକୁ "ବିରୋଶଙ୍କ ବିବାହ" ବୋଲି ଘୋଷଣା କରିଥିଲେ।
