ନୂଆଦିଲ୍ଲୀ,୨୬/୦୧: ପାକିସ୍ତାନର ଖୈବର ପଖତୁନଖ୍ବା ପ୍ରାନ୍ତରେ ଏନକାଉଣ୍ଟର । ଫଳରେ ୩୦ ଆତଙ୍କବାଦୀ ନିହତ ହୋଇଥିବା ନେଇ ପାକିସ୍ତାନ ସେନା ପକ୍ଷରୁ ସୂଚନା ମିଳିଛି । ଆତଙ୍କବାଦୀଙ୍କ ବିରୋଧରେ ଲକ୍କି ମର୍ବତ, କରକ ଏବଂ ଖୈବର ଜିଲ୍ଲାରେ ଜାରି ରହିଛି ଏହି ଅଭିଯାନ ।
ପାକିସ୍ତାନ ସେନା ପକ୍ଷରୁ ସୂଚନା ଅନୁଯାୟୀ, ଲକ୍କି ମର୍ବତ ଜିଲ୍ଲାରେ ୧୮ ଆତଙ୍କବାଦୀକୁ ଏନକାଉଣ୍ଟର କରାଯାଇଛି । ସେହିପରି କରକ ଜିଲ୍ଲାରେ ୮ ଆତଙ୍କୀ ନିହତ ହୋଇଛନ୍ତି । ଏହାଛଡ଼ା ଲକ୍କି ମର୍ବତ ଜିଲ୍ଲାର ଅନ୍ୟଏକ ସ୍ଥାନରେ ପାକିସ୍ତାନୀ ସେନା ଏବଂ ଆତଙ୍କବାଦୀ ଗୁଳି ବିନିମୟରେ ୬ଜଣ ଆତଙ୍କୀ ଆହତ ହୋଇଥିଲା ଜଣାପଡ଼ିଛି । ତେବେ ଏହି ଅଭିଯାନର ଉଦ୍ଦେଶ୍ୟ ପାକିସ୍ତାନରେ ଆତଙ୍କୀ ଗତିବିଧିକୁ ଶେଷ କରିବା । ସେହିପରି ଏହା ପାକିସ୍ତାନର ପଞ୍ଜାବ ପ୍ରାନ୍ତରେ ଆଇନ ପ୍ରବର୍ତ୍ତନ ଏଜେନ୍ସି ଏକ ବଡ଼ ଆତଙ୍କବାଦୀ ନେଟଓ୍ବର୍କକୁ ଧ୍ବସ୍ତ କରିଥିଲା । ଏହାସହିତ ତେହରିକ୍-ଏ-ତାଲିବାନ ପାକିସ୍ତାନ ବା ଟିଟିପି ସମୂହର ୧୦ ଆତଙ୍କବାଦୀଙ୍କୁ ଗିରଫ କରାଯାଇଥିବା ନେଇ ପାକିସ୍ତାନ ସେନା ପକ୍ଷରୁ ସୂଚନା ମିଳିଛି । ଆତଙ୍କୀଙ୍କ ବିରୋଧରେ ଲାହୋର, ରାଓ୍ବାଲପିଣ୍ଡି, ଶେଖପୁରା, ବାହଓ୍ବଲନଗର, ମିୟାବାଲୀ, ସରଗୋଧା ଏବଂ ଫେସଲାବାଦ ସହିତ ବିଭିନ୍ନ ଜିଲ୍ଲାର ୧୬୩ଟି ସ୍ଥାନରେ ଗୁଇନ୍ଦା ଅଭିଯାନ ଚାଲୁଥିଲା । ଏଥିରେ ଟିଟିପିର ୧୦ ଆତଙ୍କବାଦୀଙ୍କୁ ପାକିସ୍ତାନ ସେନା ଗିରଫ କରିଛି ।
