ଭୁବନେଶ୍ୱର, ୧୮/୦୫: ଏପ୍ରିଲ ୨୪ ତାରିଖରେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଲିଫ୍ଟରେ ଚାପି ହୋଇ ରୋଗୀ ମୃତ୍ୟୁ ଘଟଣାରେ ମିଳିଲା ସହାୟତା । ମୃତ ରୋଗୀଙ୍କ ସମ୍ପର୍କୀୟଙ୍କୁ ଆର୍ଥିକ ସହାୟତା ସହ ଜଣେ ସମ୍ପର୍କୀୟଙ୍କୁ ଚକିରି ମିଳିଛି ।
ସୂଚନାଯୋଗ୍ୟ ଯେ, ଗତ ଏପ୍ରିଲ ମାସ ୨୪ ତାରିଖରେ ରାନ୍ଦିଆ ଅଞ୍ଚଳର ମିନତି ପରିଡ଼ାଙ୍କୁ ଲିଫ୍ଟରେ ୱାର୍ଡକୁ ନିଆଯାଉଥିଲା । ଏତିକି ବେଳେ ଲିଫ୍ଟରେ ଚାପି ହୋଇ ତାଙ୍କ ମୃତ୍ୟ ହୋଇଥିଲା । ଯାହାକୁ ନେଇ ଉତ୍ତେଜନା ସହ ସରକାରୀ ସହାୟତା ଏବଂ ଚାକିରି ଦେବା ପାଇଁ ଦାବି ହୋଇଥିଲା । ପରେ ଉତ୍ତେଜନାକୁ ଦେଖି ମୃତକଙ୍କ ପରିଜନଙ୍କ ଦାବି ଅନୁଯାୟୀ ଆର୍ଥିକ ସହାୟତା ସହ ସମ୍ପର୍କୀୟଙ୍କୁ ଚାକିରି ଦାବି ପୂରଣ ପାଇଁ ପ୍ରତିଶ୍ରୁତି ଦେଇଥିଲେ ପ୍ରଶାସନ । ଏବେ ମେଡିକାଲ ପରିଚାଳନାରେ ଥିବା ସେଫାର୍ଡ ସଂସ୍ଥା ତରଫରୁ ସହାୟତା ରାଶି ବାବଦକୁ ଆର୍ଥିକ ରାଶିକୁ ଚେକ୍ ମାଧ୍ୟମରେ ସିଡିଏମଓଙ୍କ କାର୍ଯ୍ୟଳୟରେ ମୃତ ମିନତିଙ୍କ ସମ୍ପର୍କୀୟ ଙ୍କୁ ପ୍ରଦାନ କରାଯାଇଛି । ଏହା ଛଡ଼ା ତାଙ୍କ ପୁତୁରାକୁ ମଧ୍ୟ ବ୍ଲଡ୍ ବ୍ୟାଙ୍କରେ ଚାକିରି ଦେବା ନେଇ ଚିଠି ପ୍ରଦାନ କରାଯାଇଛି ।
