ନୂଆଦିଲ୍ଲୀ,୦୬/୦୨; 'ଆମ ଜୀବନ ପରୀକ୍ଷା ପାଇଁ ନୁହେଁ, ଜୀବନକୁ ଗଢି ତୋଳିବାକୁ ଶିକ୍ଷା ଏକ ମାଧ୍ୟମ । ଶିକ୍ଷା ଠିକ୍ ଅଛି ନା ଭୁଲ ଜାଣିବାକୁ ବାରମ୍ବାର ପରୀକ୍ଷା କରିଥାଉ । ଶିକ୍ଷାକୁ ବୋଝ ବଦଳରେ ଉପଭୋଗ କର  ସମସ୍ତଙ୍କ ଖାଦ୍ୟ ଯେମିତି ଅଲଗା, ପାଠପଢା ଶୈଳୀ ବି ଅଲଗା । ତୁମର ପିତାମାତା, ଶିକ୍ଷକ, କିମ୍ବା ସହକର୍ମୀ ଯାହା କୁହନ୍ତୁ ନା କାହିଁକି, ତୁମର ଆଦର୍ଶରେ ବିଶ୍ୱାସ ରଖ ଏବଂ ତୁମର ଆଦର୍ଶକୁ ଅନୁସରଣ କର, ତୁମକୁ ଦିଆଯାଉଥିବା ସମସ୍ତ ପରାମର୍ଶକୁ ମନେରଖ । ଆମର ଲକ୍ଷ୍ୟ ସର୍ବଦା ସ୍ଥିର ଉଚିତ୍, କିନ୍ତୁ ଏହା ସହଜରେ ହାସଲ କରାଯାଇପାରିବ ନାହିଁ । ସବୁବେଳେ ତୁମର ଶିକ୍ଷକଙ୍କଠାରୁ ଗୋଟିଏ ପାଦ ଆଗରେ ରୁହ । 'ମନକୁ ଏକାଠି, ଏହାପରେ ମନକୁ ଯୋଡ଼ୋ ଏହା ପରେ ପାଠ ବିଷୟ ରଖ ।''ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପରୀକ୍ଷା ପେ' ଚର୍ଚ୍ଚାର ନବମ ସଂସ୍କରଣରେ ଛାତ୍ରଛାତ୍ରୀଙ୍କ ସହ କଥା ହୋଇ ଛାତ୍ରଛାତ୍ରୀଙ୍କୁ ଏହି ଟିପ୍ସ ଦେଇଛନ୍ତି । ଷ୍ଟୁଡେଣ୍ଟ ଓ ସେମାନଙ୍କ ବାପାମାଆ ଏବଂ ଶିକ୍ଷକଙ୍କ ସହ ସୁସମ୍ପର୍କ ଏବଂ ଆତ୍ମବିଶ୍ୱାସକୁ ନେଇ ଆଲୋଚନା କରିଛନ୍ତି ।

​​​​​​​'ତୁମ ସଫଳତା ଅଭିଭାବକଙ୍କ ସମ୍ମାନ'- ପରୀକ୍ଷା ପେ ଚର୍ଚ୍ଚାରେ ଷ୍ଟୁଡେଣ୍ଟୁ ମନ୍ତ୍ର ଦେଇ ପ୍ରଧାନମନ୍ତ୍ରୀ କହିଛନ୍ତି,  ଶିକ୍ଷାକୁ ବୋଝ ଭାବିବା ଉଚିତ୍ ନୁହେଁ । ଏଥିପାଇଁ ଆମର ସମ୍ପୂର୍ଣ୍ଣ ସମ୍ପୃକ୍ତି ଆବଶ୍ୟକ । ଛୋଟ ଛୋଟ ଶିକ୍ଷା ସଫଳତା ସୁନିଶ୍ଚିତ କରେ ନାହିଁ ।  ମାର୍କ ଉପରେ ଧ୍ୟାନ ଦେବା ପରିବର୍ତ୍ତେ, ପ୍ରତ୍ୟେକ ବ୍ୟକ୍ତି ଜୀବନରେ କେଉଁଠାରେ ପହଞ୍ଚିଛନ୍ତି ଜୀବନ କିପରି ହେବା ଦରକାର  ତାହା ଉପରେ ଧ୍ୟାନ ଦେବା ଉଚିତ୍ । ମାର୍କ ଏକ ରୋଗ । ମାର୍କ ଓ ପରୀକ୍ଷାରେ ନିଜକୁ ସୀମିତ ରଖନାହିଁ । ବ୍ୟକ୍ତିଗତ ଦକ୍ଷତାକୁ ଚିହ୍ନି ପାଠ ପଢିଲେ ସଫଳତା ନିଶ୍ଚିତ ମିଳିବ । ପାଠ ପଢିବା ସହ ଆଉଟ୍‌ ନଲେଜ୍‌ ଆହୋରଣ କରିବା ଦରକାର । ମନ ଓ ଶରୀରକୁ ସୁସ୍ଥ ରଖିବା ପାଇଁ ଯୋଗ ଓ ବ୍ୟାୟାମ ଜରୁରୀ । ନିଦ ଓ ଯୋଗ ଉପରେ ଧ୍ୟାନ ଦେବାକୁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
​​​​​

ପିଏମ୍ ମୋଦି ଆହୁରି କହିଛନ୍ତି, ''ଆମେ ଜିନିଷ ଏବଂ ଘଟଣାଗୁଡ଼ିକୁ ସେତେବେଳେ ମନେ ରଖୁ ଯେତେବେଳେ ଆମେ ସେଥିରେ ସମ୍ପୂର୍ଣ୍ଣ ଭାବରେ ଜଡିତ ହୋଇଥାଉ । ମୁଁ ବିତିଯାଇଥିବା ଜିନିଷଗୁଡ଼ିକୁ ପଛକୁ ଫେରି ଦେଖେ ନାହିଁ, ମୁଁ ସର୍ବଦା ଆଗାମୀ ଜିନିଷଗୁଡ଼ିକୁ ଦେଖେ । ଏପରି ସମୟ ଅଛି ଯେତେବେଳେ ଶିକ୍ଷକମାନେ କେବଳ ଗୁରୁତ୍ୱପୂର୍ଣ୍ଣ ବିଷୟଗୁଡ଼ିକ ଶିଖାନ୍ତି ଏବଂ ଆପଣଙ୍କୁ ଭଲ ମାର୍କ ଦେବାରେ ସାହାଯ୍ୟ କରିପାରିବେ, କିନ୍ତୁ ଜଣେ ଭଲ ଶିକ୍ଷକ ସର୍ବାଙ୍ଗୀନ ବିକାଶ ଉପରେ ଧ୍ୟାନ ଦିଅନ୍ତି ଏବଂ ସବୁକିଛି ଶିଖାନ୍ତି ।  ଜୀବନ କେବଳ ପରୀକ୍ଷା ବିଷୟରେ ନୁହେଁ । ଶିକ୍ଷା ଆମର ବିକାଶର ଏକ ମାଧ୍ୟମ । ପରୀକ୍ଷା କେବେବି ଚୂଡ଼ାନ୍ତ ଲକ୍ଷ୍ୟ ହେବା ଉଚିତ୍ ନୁହେଁ । ଚୂଡ଼ାନ୍ତ ଲକ୍ଷ୍ୟ ହେଉଛି ସର୍ବାଙ୍ଗୀନ ବିକାଶ । ଜୀବନ କୌଶଳ ଏବଂ ବୃତ୍ତିଗତ ଦକ୍ଷତା ସମାନ ଭାବରେ ଗୁରୁତ୍ୱପୂର୍ଣ୍ଣ ଏବଂ କେବଳ ଶିକ୍ଷା ସହିତ ଏହାକୁ କରାଯାଇପାରିବ । ଆପଣଙ୍କର ସଫଳତା ଆପଣଙ୍କ ପିତାମାତାଙ୍କ ସମ୍ମାନରେ ପରିଣତ ହୁଏ । ସେମାନେ ଏଥିରେ ବିନିଯୋଗ କରନ୍ତି ।  ଖେଳ ଏକ ଦକ୍ଷତା । ଏହା ବ୍ୟକ୍ତିତ୍ୱ ବିକାଶ ପାଇଁ ଏକ ଭଲ ଉପାୟ । "

ପରୀକ୍ଷା ପେ' ଚର୍ଚ୍ଚାର ନବମ ସଂସ୍କରଣରେ ଏଥରେ ଦେଶର କୋଣଅନୁକୋଣରୁ ଆସିଥିବା ପିଲାଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିଛନ୍ତି । ଦିଲ୍ଲୀରେ ସାତ ଲୋକ କଲ୍ୟାଣ ମାର୍ଗ ସ୍ଥିତ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ପିଲାଙ୍କ ସହ ଆଲୋଚନା କରିଛନ୍ତି । ପରୀକ୍ଷା ପେ ଚର୍ଚ୍ଚା’ କାର୍ଯ୍ୟକ୍ରମରେ ଏକଜାମ୍ ଟେନସନରୁ ମୁକ୍ତି ହେବା ପାଇଁ ପଥ ଦେଖାଇଛନ୍ତି । ନିଜ ନିଜର ପ୍ୟାଟର୍ଣ୍ଣ ତିଆରି କରି ପଢିବା ସହ ଆତ୍ମବିଶ୍ବାସ ସୃଷ୍ଟି କରିବାକୁ ମନ୍ତ୍ର ଦେଇଛନ୍ତି ।