ନୂଆଦିଲ୍ଲୀ ୧୧/୦୭: ଗୁରୁବାର ବସିିଥିଲା ଅର୍ଥ ଷ୍ଟାଣ୍ଡି କମିଟିର ଗୁରୁରତ୍ବପୂର୍ଣ୍ଣ ବୈଠକ।ବରିଷ୍ଠ ବିଜେପି ସାଂସଦ ଭର୍ତ୍ତୃହରି ମହତାବଙ୍କ ଅଧ୍ୟକ୍ଷତା କରିଥିଲେ। ବୈଠକରେ ଆର୍ବିଆଇ ଭୂମିକା ପ୍ରସଙ୍ଗରେ ଆଭିମୁଖ୍ୟ ରଖିଥିଲେ। ପାଖାପାଖି ଦୁଇ ଘଣ୍ଟା ଧରି ବୈଠକ ଚାଲିଥିଲା। ଅର୍ଥ ଷ୍ଟାଣ୍ଡିଂ କମିଟିର ସଦସ୍ୟ ମାନେ ବିଭିନ୍ନ ପ୍ରଶ୍ନ ଆର୍ବିଆଇ ଗରର୍ଣ୍ଣରଙ୍କୁ ପଚାରିଥିଲେ। ବୈଠକ ପରେ ମହତାବ ଗଣମାଧ୍ୟମକୁ କହିଥଲେ ଆର୍ବିଆଇ ଗଭର୍ଣ୍ଣର ଦେଶର ଅର୍ଥନୀତି ଉପରେ ଉପସ୍ଥାପନ କରିଥିବା ତଥ୍ୟ ବିଶ୍ବସନୀୟ ଥିଲା।
ଆର୍ବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରା ସଙ୍କେତ ଦେଇଥିଲେ ଯେ, ବିଶ୍ୱରେ ବିଭିନ୍ନ ସମସ୍ୟା ଲାଗି ରହିଥିଲେ ସୁଦ୍ଧା ଭାରତର ଆର୍ଥିକ ପ୍ରଗତିରେ ତାହାର ବିଶେଷ ପ୍ରଭାବ ପଡିନାହିଁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲକ୍ଷ୍ୟ ଦେଶର ଅର୍ଥନୀତି ବିଶ୍ୱ ଅର୍ଥନୀତିରେ ତୃତୀୟ ସ୍ଥାନରେ ରହିବା । ସେ ପ୍ରସଙ୍ଗରେ ମଧ୍ୟ ଗଭର୍ଣ୍ଣର ତାଙ୍କର ଦୃଷ୍ଟିକୋଣ ଉପସ୍ଥାପନ କରିଥିଲେ । ପୂର୍ବର ଦୁଇ ହଜାର ଟଙ୍କା ନୋଟ୍ ଏବେବି ଅଚଳ ହୋଇନାହିଁ । ତେବେ ଏହି କରେନ୍ସି ନୋଟ୍ ଆଉ ଛପାଯାଉ ନାହିଁ । ଦେଶର ଅର୍ଥନୀତିରେ ୧.୧୨ ଲକ୍ଷ ଜାଲ୍ ପାଞ୍ଚଶହ ଟଙ୍କିଆ ନୋଟ୍ ରହିଛି । ତେବେ ପ୍ରଚଳିତ ପାଞ୍ଚଶହ ଟଙ୍କିଆ ନୋଟ ତୁଳନାରେ ଏହାର ପରିମାଣ ନଗଣ୍ୟ ବୋଲି ସେ କହିଥିଲେ ।
