ମାଲକାନଗିରି,୮/୪ : ସ୍ୱାଭିମାନ ଅଞ୍ଚଳରେ ଜନନୀ ଯନ୍ତ୍ରଣା ଦେଖିବା କୁ ମିଳିଛି ।ପୁଣି ଭାର ରେ୪କିଲୋମିଟର ବୁହାହେଲେ ଗର୍ଭବତୀ ।ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ସ୍ୱାଭିମାନ ଅଞ୍ଚଳ ଧୂଳିପୁଟ ପଞ୍ଚାୟତ ର ଅନୁବିରିଡା ଗ୍ରାମରେ ଏହି ଚିତ୍ର ଦେଖିବା କୁ ମିଳିଛି।

 ଅନୁବିରିଡା ଗ୍ରାମର ଶ୍ୟାମ ଦୁରୁଆଙ୍କ ପତ୍ନୀ ଆପାଲାମା ଇଙ୍ଗିଙ୍କ  ଗତ କାଲି ସକାଳେ ପ୍ରସବ ଯନ୍ତ୍ରଣା ହୋଇଥିଲା। ଗ୍ରାମରେ ମୋବାଇଲ ନେଟୱର୍କ ସୁବିଧା ନଥିବା ଯୋଗୁଁ ନିକଟରେ ଥିବା ପାହାଡ଼ ଉପରେ ଜାଇ ସ୍ୱାମୀ ୧୦୮ଆମ୍ବୁଲାନ୍ସ କୁ ଫୋନ କରିଥିଲେ । ହେଲେ ଗ୍ରାମକୁ ଯିବାକୁ ରାସ୍ତା ନଥିବା  ରୁ  ଗାଁ ଠାରୁ  ୪କିଲୋମିଟର ଦୂର ରେ ଅଟକି 

 ରହିଯାଇଥିଲା ଆମ୍ବୁଲାନ୍ସ।ଯାହା ଫଳରେ ଗର୍ଭବତୀ ମହିଳା ଙ୍କୁ  ଆମ୍ବୁଲାନ୍ସ କର୍ମଚାରୀ ଓ ସମ୍ପର୍କୀୟା ମାନେ ଭାରରେ ୪ କିମି ଦୂର ପାହାଡିଆ ରାସ୍ତା   ବୋହି ଆଣି ଏକ ଆଣ୍ଠୁଏ  ପାଣି ଥିବା ନାଳ ପାରି କରି ବହୁକଷ୍ଟରେ ଆମ୍ବୁଲାନ୍ସ ପାଖରେ ପହଁଚି ଥିଲେ ।  ଗର୍ଭବତୀ ମହିଳାଙ୍କୁ ପ୍ରଥମେ ସ୍ୱାଭିମାନ ଅଞ୍ଚଳର  ଜନବାଇ ଡାକ୍ତରଖାନା ଓ ପରେ ଚିତ୍ରକୋଣ୍ଡା ହସ୍ପିଟାଲ କୁ ସ୍ଥାନାନ୍ତର କରାଯାଇଥିଲା । ବର୍ତ୍ତମାନ ପ୍ରସୂତି ଏକ ପୁତ୍ର ସନ୍ତାନ ଜନ୍ମ ଦେଇଥିବା ବେଳେ ଦୁହେଁ ସୁସ୍ଥ ଥିବା ଜଣା ପଡ଼ିଛି।