ପୁରୀ,୨୨/୦୭: ସୋମବାର ରାତି ପ୍ରାୟ ୮ଟା ୩୦ ସମୟରେ ୩ ଜଣ ଯୁବତୀ ଟିଉସନ ସାରି ଘରକୁ ଫେରୁଥିଲେ। ସମଙ୍ଗ ପାର୍କିଂ ରାସ୍ତାରୁ କଣ୍ଠପୁର ଗ୍ରାମକୁ ଅଣଓସାରିଆ ରାସ୍ତାରେ ଯିବ ବେଳେ ଏକ ଶଙ୍ଖ ନିକଟରେ ୬ ଜଣ ଯୁବକ ବସିଥିଲେ । ସେମାନଙ୍କ ମଧ୍ୟରୁ ୩ଜଣ ଯୁବକ ଯୁବତୀମାନଙ୍କୁ ଟଣାଓଟରା କରିଥିଲେ । ସେମାନେ ବିରୋଧ କରିବା ସତ୍ତେ୍ୱ ଅନ୍ୟ ସାଥିମାନେ ଆସି ଯୁବତୀମାନଙ୍କୁ ହଇରାଣ ହରକତ କରୁଥିଲେ । ଯୁବତୀଙ୍କ ମଧ୍ୟରୁ ଜଣଙ୍କର ଭାଇ ଅଭିମନ୍ୟୁ ବରାଳ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଧରିବା ଲାଗି ଉଦ୍ୟମ କରୁଥିବା ବେଳେ ୪ଜଣ ଖସି ପଳାଇଥିଲେ । ୨ଜଣଙ୍କୁ ଧରି ପିସିଆରକୁ ହସ୍ତାନ୍ତର କରାଯାଇଛି ।
ଏନେଇ ଅଭିମନ୍ୟୁ କୁହନ୍ତି ସଦର ଥାନାରେ ଲିଖିତ ଅଭିଯୋଗ କରାଯାଇଛି । ସଦରଥାନା ଅଧିକାରୀ ସୁନିଲ କୁମାର ପ୍ରଧାନ କହିଛନ୍ତି ଏ ନେଇ ଥାନାରେ ଏପର୍ଯ୍ୟନ୍ତ ଅଭିଯୋଗ ହୋଇନାହିଁ। ଏତଲା ହେବା ପରେ ପଦକ୍ଷେପ ଗ୍ରହଣ କରାଯିବ ।
