କଣ୍ଟାମାଳ ୧୧/୦୬ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲଶାଗୋରା ସ୍ଥିତ ଶ୍ରୀଜଗନ୍ନାଥ ମନ୍ଦିରରେ ଚତୁର୍ଦ୍ଧାମୂର୍ତ୍ତିଙ୍କ ସ୍ନାନଯାତ୍ରା ଅନୁଷ୍ଠିତ ହୋଇଯାଇଛି । ସକାଳ ୭ ଘଣ୍ଟା ସମୟରେ ଚତୁର୍ଦ୍ଧାମୂର୍ତ୍ତିଙ୍କ ପହଣ୍ଡି ଆରମ୍ଭ ହୋଇ ଅସ୍ଥାୟୀ ସ୍ନାନ ମଣ୍ଡପରେ ବିଜେ କରାଯାଇଥିଲା। ପରେ ଚନ୍ଦନ, କର୍ପୁର ମିଶ୍ରିତ ୧୦୮ ଗଡୁ ସୁବାସିତ ଜଳରେ ମହାପ୍ରଭୁଙ୍କୁ ବ୍ରାହ୍ମଣ ସେବକ ମାନେ ସ୍ନାନ କରାଇଥିଲେ । ପରେ ମହାପ୍ରଭୁ ଗଜାନନ ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ । ସେହିପରି ଘଣ୍ଟାପଡା, କଣ୍ଟାମାଳ, ଋଣ୍ଡିମହୁଲ, ମନମୁଣ୍ଡା, ଆମ୍ବଗାଁ, ଫାସେଡ, ଖୁଣ୍ଟିଗୋରା, ନାରଣପ୍ରସାଦ, ବିର୍ସିଙ୍ଗପୁର, ଟୁରିଦେଉଳ ଠାରେ ମହାପ୍ରଭୁଙ୍କୁ ସ୍ନାନ କରାଯାଇଥିଲା ଓ ମହାପ୍ରଭୁ ଗଜାନନ ବେଶରେ ଦର୍ଶନ ଦେଇଥିଲେ l