କେସିଙ୍ଗା ୧୧/୦୬ କଳାହାଣ୍ଡି ଜିଲ୍ଲା କେସିଙ୍ଗା ସହର ଜଗନ୍ନାଥପଡାର ଜଗନ୍ନାଥ ମନ୍ଦିରରେ ଦେବସ୍ନାନ ପୂର୍ଣ୍ଣିମା ଅବସରରେ ବୁଧବାର ଦିନ ୧୦ଟା ସମୟରେ ଶ୍ରୀ ବିଗ୍ରହଙ୍କ ଚତୁର୍ଦ୍ଧା ମୂର୍ତ୍ତିଙ୍କୁ ସ୍ନାନ ମଣ୍ଡପରେ ବିରାଜମାନ କରାଇ ସ୍ନାନ କରାଯାଇଛି। ସ୍ନାନ ପୂର୍ଣ୍ଣିମା ଅବସରରେ ଭଗବାନଙ୍କ ଦର୍ଶନ ପାଇଁ କେସିଙ୍ଗା ସହରର ହଜାର ହଜାର ଭକ୍ତଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା। ଉକ୍ତ ସ୍ନାନ ପୂର୍ଣ୍ଣିମାରେ ଭଗବାନଙ୍କ ସେବାରେ ମନ୍ଦିର କମିଟି ପକ୍ଷରୁ ମନ୍ଦିର ସଭାପତି ଡ ହେମ ସାଗର ଶାହା, ଉପ ସଭାପତି ରାଧାକାନ୍ତ ଶାହା, ସମ୍ପାଦକ ହରିଶଙ୍କର ଭୋଇ, ସହ ସମ୍ପାଦକ ପୁରନ୍ଦର ଭୋଇ, ଟ୍ରଷ୍ଟ ବୋର୍ଡ ସଭ୍ୟ ରାମଚନ୍ଦ୍ର ଶାହା, ସଭ୍ୟ ଜଗଦିଶ ଅଗ୍ରୱାଲ, ପୂଜକ ଜନାର୍ଦନ ଦାଶ, କୁବେର ପଣ୍ଡା, ମିତ୍ରଭାନୁ ତ୍ରିପାଠୀ, କିଶୋର ଚନ୍ଦ୍ର ପାଠୀ, ନିତ୍ୟାନନ୍ଦ ପଣ୍ଡା, ଜଗଦୀଶ ଷଡ଼ଙ୍ଗୀ, ପ୍ରଫୁଲ୍ଲ ପାଠୀ, କାଳିପ୍ରସାଦ୍ ପାଢ଼ୀ, ଭବାନୀ ମିଶ୍ର, ବିଜୟ ପାଢ଼ୀ, ପ୍ରମୋଦ କୁମାର ଦାସ ପ୍ରମୁଖ ଉପସ୍ଥିତ ଥିଲେ।