ଜି.ଉଦୟଗିରି,୧୬/୦୧: କିଛି ଦିନ ଧରି କନ୍ଧମାଳରେ ଅନୁଭୂତ ହେଉଛି ପ୍ରବଳ ଥଣ୍ଡା। ଗତ ତିନି ବର୍ଷ ହେଲା ଜି. ଉଦୟଗିରି ରାଜ୍ୟର ସର୍ବାଧିକ ଶୀତଳ ସହର ରହିଥିବା ବେଳେ ଗୁରୁବାର ସକାଳୁ ଜି.ଉଦୟଗିରି ବ୍ଲକର କୁରୁମିଙ୍ଗିଆ, ଲିଙ୍ଗାଗଡ଼, କତିଙ୍ଗିଆ, ଟିଆଙ୍ଗିଆ,ଡଡାପଡ଼ା ଅଞ୍ଚଳରେ ତୁଷାରପାତ ଦେଖିବାକୁ ମିଳିଛି ।
ଅସହ୍ୟ ଶୀତ ଓ କୁହୁଡି ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ତେବେ ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଏଠାକାର ବିଭିନ୍ନ ପର୍ଯ୍ୟଟନ ସ୍ଥଳୀରେ ପର୍ଯ୍ୟଟକଙ୍କ ଭିଡ଼ ସହ ବଣଭୋଜିର ଆସର ଦେଖିବାକୁ ମିଳୁଛି । ସର୍ବାଧିକ ଥଣ୍ଡା ଅନୁଭୂତ ହେଉଥିବାରୁ ଦାରିଙ୍ଗବାଡି ଭଳି ଏଠାରେ ମଧ୍ୟ ଶୀତ ମହୋତ୍ସବ ଆୟୋଜନ ପାଇଁ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି । ଏଥି ସହିତ ଜି. ଉଦୟଗିରିର ବିଭିନ୍ନ ପର୍ଯ୍ୟଟନ ସ୍ଥଳୀର ବିକାଶ ପ୍ରତି ପର୍ଯ୍ୟଟନ ବିଭାଗ ଓ ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ମଧ୍ୟ ଦାବି ହେଉଛି।
